ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಎನ್ನ ಬಾಲೆಲ್ಗ್ ಸೀಗೆ ಆವೊಡು, ಮಂಜಾಲ್ ಆವೊಡು,
ಯೆನ್ನ ಬಾಲೆಲ್ಗ್ ಮೈಕ್ ಮೈ ಎನ್ನೆ ಆವೊಡು,
ಕಾರ್, ಮೈಕ್, ತರೆಕ್, ಬೆರಿಕ್ ಒರ್ಮೆಲ ಕೆಂಪಣ್ಣೆ ಪೂಜಿಯೆರ್
ಮಂಜೋಲು, ಸೀಗೆ ಪೂಜಿದ್ ಮೀಪಾಯೆರ್
ಕೈಯ ನೆಡಿಯೊಡು ಕಾರ್ ಸೆಡಿಯೊಡ್, ಎನ್ನ ಬಾಲೆಲೆಗ್ ಪೇರ್ ಕೊಂಡ್ಬಲ್ಲ.
ಎನ್ನ ಬಾಲೆಲೆಗ್ ಪೇರ್ಲಾ ಆವೊಡು, ಕೋಡಿದ ಸಿರಿ ಕಲ್ಲಂಟೆ ಮದ್ಮಾಲೇ
ಈ ಇರುವತ್ತನಾಲ್ ಕೊಂಡೆ ಪೇರ್ ಕೊಂಡ್ ಬಲ್ಲ.
ಮೈಲಾಜೆ ನಿಲೆದಾನಿ, ಮೈಲಾಜೆ ಮಡ್ಯಾಳಿ, ಇರುವತ್ತನಾಲ್ ಮಡಿಕುಂಟು ಕೊರ್ಲ
ಬಾಲೆ ಮೀಪಾದ್ ತೊಟ್ಟಿಲ್ಡ್ ಪಾಡ್ದ್ ಮಾನಾವೆರೊ
ಬಾಲೆಡ್ಡೆ ಬಂಗಾರೂ ಸೀಲೆಡೆ ಸಿಂಗಾರೂ, ಈ ಅಲಡ ಮಗಾ ಬುಲಿಪಡೆ ಈ
ಬಂಜಾರ ಉಣ್ಣಾ ಮಗಾ, ಈ ಬಂಜಾರ ಪೇರ್ ಪರ್ಲಾ
ಈ ಬುಲಿಪಡ ಈಯೇ ನೀಲಾರ ಜೆಪ್ಪುಲಾ.
ಎನ್ನ ಬಾಲೆಲೆಗ್ ಪುರುಗ ಆವೊಡು (ಅನ್ನ),
ಜೋ ಜೋ ಜೋ ಬಾಲೆ, ಜೋ ಜೋ ಜೋ ಬಾಲೆ
ಎನ್ನ ಬಾಲೆಲೆಗ್ ಪೇರ್ ಪರ್ಪಾವೊಡು, ಬಾಯಾರ ಮಿರೆ ಕೊರುದು ಮಾನಾವೊಡು ಅದಗದಗ ಬಾಲೆ ಜೋ ಜೋ ಜೋ ಜೋ
ಮಾಂಕಾಲ್ದಿ ದೈವದ ಪಾಡ್ಡನಡ್ ಪುರುಬಾಲೆದ ವಿವರನೆನ್ ಪನ್ತಿನಾರ್ ತರ್ನಿ ನಲ್ಕೆ
ನೇಜಾರ್, ಮೂಡುತೋನ್ಸೆ ಗ್ರಾಮ, ಉಡುಪಿ ತಾಲೂಕು
ಅಪ್ಪೆಂದ್ ಪನ್ನಗ ಉಲ್ಲೇರ್ ಅಪ್ಪೆ ಗಂಗೆ, ಮದಾರ್ ಅಮ್ಮೇಂದ್ ಪನ್ನಗ ಉಲ್ಲೇರ್ ಅಮ್ಮೆ
ಗಾಳಿ ಭದ್ರ ಕುಮಾರ ಒತ್ತ್ಯಪ್ಪೆ ಕಿಲಾರೊಡು,
ಒರಿ ಅಮ್ಮೆ ಸಾಪೊಡು ಇರುವೆರ್ ಪೊನ್ನು ಬಾಲೆಲು ಪುಟ್ಟುವೇರ್.
ಪಟಿಕೆನೆ ಬಾಲೆಲೆಗ್ ಪೂವೊಲು ಕುತ್ತಿಯೇರ್, ಪುಲ ಪೂಜಯ್ಯೇರೊ
188
