ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೮೮

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ

ಮೂಜೇಡ್ ಮುಚ್ಚಿಲಾ ಅಮೆ ಕರಿಯೇರೊ

ಏಲೆಡ್ ಏಲ್‌ನೇ ಅಮೆ ಕರಿಯೇರೊ

ಪತ್ ಪದಿನಾಜಿಡ್ ಪೆರಿಯ ಅಮೆ ಕರಿಯೇರೋ

ಅಮೆ ಕಲೆದ್ ಬಾಲೆಲೆಗ್ ತೊಟ್ಟಿಲ್ ಕಟ್ಟಿಯೇರೋ

ಪಾಲೆದ ಬಾಲೆಲೂ ಪೋದು ಸಕಣೂ ಬಾಲೆಲಾಯೆರ್

ಒಕ್ಕನೂಲು ಕಟ್ಟಿಯೇರೋ, ಬಾಲೆಗ್ ಪುದಾರ್ ಲೆಪ್ಪೋರೋ, ಮಡಿಯಾಲ್ದಿ

ಸಕಣೆದ ಬಾಲೆಲೂ ಪೋದ್ ತಡ್ಯಗ್ ಬಂಜಿ ಕೊರುದು ನಿರನೆರೊ

ನಡತ್ ನಾಲೆಜ್ಜೆ ಬನ್ನಗ ಸೊಂಟೊಗು ದಾಬು ಪಾಡಿಯೇರೊ

ಕಾರ್‌ಗ್ ಕಡವು, ಕೈಕ್ ಮುರ್ಗಿ ಪಾಡಿಯೇರೋ

ಬಾಲೆಲೆಗ್ ಐನ್ ಪ್ರಾಯ ಆನಗ ಬರವು ಕಲ್‌ಪಾವೊಡು

ಪಂಡ್‌ದ್ ಪಡ್ಡಾಯಿ ಕಡಲಾ ಬರಿಕ್ ಪೋಯೆರೊ

ಸನ್ನೆಲ್ಲಾ ಪೊಯ್ಯೆ ಕೊಣತ್ತ್ ದ್ ಬತ್ತೆರೋ

ಮೂಡಾಯಿ ಸಿನೆವುಲ್ಲಾ ಮುಂಡೊಡು ಪಾಡಿಯೇರೊ

ಬಾಲೆಲೆಗ್ ಪೊಯ್ಯೆಡ್ ಬರವು ಕಲ್ಪಾಯೆರೋ

ಪೊಯ್ಯದ ಬರವು ಕೈಟ್ ಸುದ್ದ ಆಂಡ್

ಪಲಯಿ ಪತ್ತಾವೆರೊ, ಪಲಯಿ ಪಂಚೋಡಿದ

ಬರವು ಬರೆಯೇರೊ ಬರೆದ್ ಪಲಯಿ ಬರವು

ನಾಲಾಯಿಡ್ ಸುದ್ದ ಆದ್ ಬತ್ತಂಡ್.

ಅವೇ ಪಾಡ್ದನೊಡು ಬಾಲೆಲೆನ್ ತಾಂಕಣಿದ ವಿವರ ಇಂಚಉಂಡು:

ರಡ್ಡ್ ಅದೆತ ತೊಟಿಲ್ ಕಟ್ಟಿಯೇ‌ರ್ , ಮೈತ ಮದೆಕ್ ಕುಂಟು ಪಾಡಿಯೆರ್

ಯೆನ ಬಾಲೆಲೆಗ್ ಮೀಯೆರ ಬೆಚ್ಚನೀ‌ರ್ ಆವೊಡು

ಬೆಚ್ಚನೀರ್ ಬೆಪ್ಪುಮಗ, ಚಪ್ಪೆನೀರ್ ತಣ್ಪುಮಗ

187