ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಅಪ್ಪೆ ಒರಿಂಡ ಅವ್ ಬಾಲೆದ ಭಾಗ್ಯ ಪುರುಬಾಲೆನ್ ತೂನಗ .. ಬುಲಿಪು ಕೇನಗ. ಅಪ್ಪೆ ದಿಂಗಿದಿನ ಸಾರಾ ಬೇನೆ-ನೇನೆಲು ಮಾಯಕಂದ್ ಲೆಕ್ಕ.
ಬೊಕ್ಕ ಆಲ್ ತನ್ನ ಕನ್ನನ್ ತುಡರ್ ಮಲ್ತ್ದ್ ಮೈತ ನೆತ್ತೆರ್ನ್ ಎಣ್ಣೆ ಮಲ್ತದ್, ಮೋಕೆನ್ ತಿರಿಮಲ್ತ್ದ್ ಬಾಲೆನ್ ಜೋಕೆ-ರಾಂಕಡ್ ತೂಪುನಂಚಿತ್ತಿನವು ಲೋಕ ತೆರಿನ ಮಾ-ಮಲ್ಲ ಸತ್ಯ.
ಬಾಲೆದೊಟ್ಟುಗು ಬಾಲೆ ಆದ್ ತೊದ್ದೆ-ತೊದ್ದೆ ಪಾತೆರ್ವಲ್. ಪದ ಮುಡೆಪಲ್. ಕತೆ ಕಟ್ಟ್ ದ್ ಮಾನಾವಲ್. ಗೊಬ್ಬಾವಲ್. ಪುಚ್ಚೆ, ನಾಯಿ, ಪೆತ್ತ, ಕಕ್ಕೆ ಇಂಚ ಪ್ರಾಣಿ- ಪಕ್ಕಿಲೆನ್ ತೋಜಾದ್ ಸ್ವರೊ ಪಂಡ್ದ್ ಕೊರ್ಪಾಲ್. ಅಜ್ಜ, ಅಜ್ಜಿ, ಮಲ್ಲಮ್ಮ, ಮಾಮ, ಮಾಮಿ, ಪಲಯೆ-ಪಲ್ದಿಂದ್ ಇಂಚ ಇಲ್ಲದಾಕ್ಲೆನ ಗುರ್ತ, ಅರ್ಥ ಮಲ್ತ್ದ್ ಕೊರ್ಪಲ್. ಮೋಕೆದ ಕೈ ಗುಲ್ಲೆಡ್ ತೀಪೆ-ಕೈಪೆ, ಖಾರ, ಉಪ್ಪು, ಪುಲಿ, ಚಪ್ಪೆ ನೆತ್ತ ರಿಚಿನ್ ತೆರಿಪೋಪಲ್, ನೆಲ-ಬಾನ್, ದೊಂಬು, ಬರ್ಸ, ಚಲಿ, ಗಾಲಿ, ನೀರ್, ದೈವ-ದೇವೆ, ಬಂಧು- ಬಾಂಧವೆರ್, ಬಿನ್ನೆರ್-ಕುಟ್ಮನದಾಕ್ಲೆನ ಗುರ್ತ ಮಲ್ತ್ ಕೊರ್ಪಲ್. ಎಡ್ಡೆ ಪಾಠಲೆನ್ ಗೊಬ್ಬಾಟಿಕೆಲೆನ್ ಸುರುಕು ಬಾಲೆಗ್ ಪಂದ್ ಕೊರ್ಪುನಾಲ್ ಅಪ್ಪೆ ಪನ್ಪುನ ಸಿರಿತುಪ್ಪೆ. ಐಕೇ, ನಮ್ಮ ವೇದಕಾಲದ ಸಂಸ್ಕೃತಿಡ್ ಅಪ್ಪೆಗ್ “ಮಾತೃದೇವೋಭವಂದ್” ಮಲ್ಲ ಮದಿಪು ಕೊರ್ತೆರ್.
ಅಪ್ಪೆ ಬೊಕ್ಕ ಬಾಲೆದ ನಂಬಲಿಕೆಲು:-
• ಮಿರೆತಪೇರ್ ಉರ್ಕುದು ಜಪ್ಪುನಗ, ಎನ್ನ ಬಾಲೆಗ್ ಬಡವಾವೊಂದುಂಡ್ಂದ್• ಬಾಲೆಗ್ ಪೇರ್ ಕೊರ್ಪಲ್.
•ಗಡಿ-ಗಡಿ ಬಾಯಿ ಆಡಿಗೆದೆಪ್ಪುನಗ, ಬಾಲೆ ಎನನ್ ನೆಂಪು ಮಲ್ಪುಂಡುಂದ್ ಅಪ್ಪೆ ನೆನಪಾಲ್.
• ಇಲ್ಲದ ಬೇಲೆಗ್ ಸನ್ನಿ ಬೂರಡ್.. ಬುಲಿಪುನ ಬಾಲೆ ಎಂಕ್ಪ್ಪಡ್ಂದ್ ಅಪ್ಪೆ ಎನ್ವಲ್.
• ಬಾಲೆ ಉಪ್ಪುನ ಇಲ್ಲಗ್ ತುಡರ್ ದಾಯೆಗ್ ಅಂಚಿ-ಇಂಚಿ ಬಾಲೆ ಬಲಿಪುನಗ ಮಿಂಚಿ ರೆಂಕಿಲೆಕ್ಕಾಪುಂಡುಗೆ
• ಉಪ್ಪು ರುಚಿ ಇಜ್ಜಿ.. ಅಪ್ಪೆಡ್ದ್ ಬಂಧು ಇಜ್ಜಿ ಈ ಗಾದೆದ ಪಾತೆರ ಅಪ್ಪೆನ ಪೆರ್ಮೆನ್ ಲೋಕಗ್ ಸಾರ್ದುಂಡು. ಆಲ್ ನಟ್ಟ್ನಾಲಾಂಡಲಾ ಸಮ.. ಜೋಲಿಗೆಡ್ ಬಾಲೆನ್ ಪಾಡ್ದ್ ನಾಲ್ ಇಲ್ಲ್ ನಟ್ಟ್ ದ್ ತಿನ್ಪಲ್.
•ಊರುಗು ಅರಸೆ ಆಂಡಲಾ ಅಪ್ಪೆಗ್ ಮಗೆ, ಅಪ್ಪೆನ ಬಂಜಿದ್ ಪುಟ್ಟ್ ದಿನ ಪುರಿ, ಆಯೆ ಏತೇ ಮಲ್ಲಜನ ಆವಡ್, ಆಯೆ ಅಪ್ಪೆಗ್ ಬಾಲೆನೆ.
18
