ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಬಾಲೆ ಪೆದ್ದಂದಿನ ಅಪ್ಪೆನ ಬದ್ಕ್, ಉಂಡುದು ದಕ್ಕುನ ಬಾರೆದಿರೆದಲೆಕ್ಕ. ಈ ಗಾದೆದ ತಿರ್ಲ್ಗ್ ವಿವರನೆ ಅಗತ್ಯ ಇಜ್ಜಿ. ಅಂಚಿನ ಅಪ್ಪೆ, ಇಲ್ಲದ ಎಡ್ದೆಮಿಲ್ಲಿಗ್ ಬರೆಗಿಜ್ಜಿ.
•ಆಲ್ ಇಲ್ಲದಾಕ್ಲನ ಕಾರ-ಕಜಾವಾದ್, ಒಂಜಿ ಪುಂಡಿ ನುಪ್ಪುಗು, ಚಾಕ್ರಿ ಮಾನಾದ್ ತೈನಂಗೆ ಬಡ್ಕೊಡು.
•ನಿದಿರೆ ಮಲ್ಪುನ ಬಾಲೆನ್ ಅಪ್ಪೆಲಾ ತೂವೆರೆಬಲ್ಲಿಗೆ. ತೂಂಡ ದಿಟ್ಟಿ ಬೂರುಂಡುಗೆ. ಒರ್ದ ಕಣ್ಣ್ಡ್ ಸುರುಕು ತೂವೊಡುಗೆ.
•ಬಜಿ ತೊಟ್ಟಿಲ್ನ್ ತೂಂಕುಂಡ ಬಾಲೆಗ್ ಬಂಜಿ ಬೇನೆ ಆಪುಂಡುಗೆ.
•ಬಾಲೆದಾಂತಿನ ತೊಟ್ಟಿಲ್ನ ಅಂಚನೆ ಖಾಲಿದೀವರೆ ಬಲ್ಲಿ. ತಾರಾಯಿನಾಂಡಲಾ ಪಾಡ್ದ್ ದೀಯೊಡುಗೆ.
•ನಿದಿರೆದ ಬಾಲೆಗ್ ಪೇರ್ ಅಂಗಲಾಪಾಂಡ ಅಪ್ಪೆನ ಮಿರೆತ ಪೇರ್ ದರ-ದರ ದೊರ್ಪುಂಡುಗೆ.
•ಬಾಲೆಗ್ ಪೇರ್, ಬಡವ್ನ್ ಅಪ್ಪೆ ಕೊರ್ನಗ ಅಲೆನ ಕೊದಿ ಬುರ್ರೆ ಬಲ್ಲಿಂದ್ ಕಕ್ಕರೆಬರ್ಪುಂಡ್ಂದ್ ಮೂಜಿ ಸರ್ತಿ ಮನಸ್ಡ್ ನೆನಪೊಡುಗೆ.
•ಬಾಲೆನ್ ಸುರುಕು ತೂನಗ .. ಬಾಲೆಗ್ ದದಾಂಡಲ ಉಡುಗೊರೆ ಕೊರೊಡುಗೆ.
•ಬಾಲೆನ ಕೈತ ಪುಂಡಿಡ್ ದೇವೆರ್ ಕೊರ್ತಿನ ಪಣವುಪ್ಪುಂಡುಗೆ.
•ಬಾಲೆದ ಕಾರ್ ಗಟ್ಟಿ ಆನೆಟ್ಟ ಐತ ಕಾರ್ದಡಿಕ್ ಕುಂಟು ಪಾಡೊಡುಗೆ.
•ಬಾಲೆದ ಬಂಜಿ ಮಲ್ಲೆ ಬುಲೆನಗ, ತೊಡು ಆನಗ, ಅತ್ತಡ ಪೇರ್ನ್ ಎನ್ನುನಗ, ಎಗ್ತ್ತೆಲ್ ಬರ್ಪುಂಡುಗೆ.
•ಬಾಲೆ ಪಚ್ಚೆ ತೂನಗ ಪಚ್ಚೆ ಪಚ್ಚೆ ಉರ್ಚುಂಡುಗೆ
•ಬಾಲೆದ ಕೆಬಿತ ಬಣ್ಣ ..ಐತ ಶಾಶ್ವತ ಆಯಿನ ಮೈತ ಬಣ್ಣಗೆ.
•ಮೂಜಿ ಕೋಡಿದ ಕತ್ತಲೆದ ಪೊರ್ತುಗು ಸಿಗಡಿದ ಗೆಂಡಗ್ ಭೂತಲೋಬಾನದ ಪುಡಿ ಪಾಡ್ದ್ ಇಲ್ಲ ಕೊಡಿ ಕಡೆ ಪತ್ತ್ಂಡ ಉಮಿಲ್ ಬೊಕ್ಕ ದುಷ್ಟಶಕ್ತಿಲು ಉಲಾಯಿ ಬತ್ದ್ ಬಾಲೆಗ್ ಉಪದ್ರ ಕೊರ್ಪುಜ್ಜಿಗೆ.
•ದಿನಾಲ ಮುಚ್ಚಂಜೆ ಪೊರ್ತುಗು ಪಿನಾರಿನ್ ನೀರ್ಡ್ ತರೆತ್ದ್ ಬಾಲೆದ ತರೆಡ್ದ್ ಕಾರ್ ಮುಟ್ಟದ ಸಂದ್ ಸಂದ್ ಪೂಜುಂಡ ದುಷ್ಟ ಶಕ್ತಿಲು ಬರ್ಪುಜಿಗೆ,
•ಬಾಲೆದ ನಸೆತ ನೆತ್ತಿಗ್ ಮಿರೆತ ಕೊಡಿ ತಾಗರೆ ಬಲ್ಲಿ, ತಾಗುಂಡ ಮಿರೆ ಬಾಪುಂಡುಗೆ ಬೊಕ್ಕ ಅವೆಡ್ಡಾದ್ರ ಅಪ್ಪೆಗ್ ಜರ ಬರ್ಪುಂಡುಗೆ,
•ಬಾಲೆಗ್ ಒಂಜೇ ಮಿರೆ ಕೊರ್ರೆ ಬಲ್ಲಿಗೆ ನನೊಂಜಿ ಮಿರೆನ್ ಬಾಲೆದ ಬಾಯಿಗ್ ಮುಟ್ಟಾದಾಂಡಲ ಬುಡೊಡ್ಗೆ. ಇಜ್ಜಿಡ ಮಿರೆ ಪೇರ್ದಾಂತೆ ಪೊಟ್ಟು ಆಪುಂಡುಗೆ.
19
