ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಪತ್ತೆ ಜಾತಿದ ಪತ್ತಪ್ಪೆ ಜೋಕುಲು ಒಂಜಪ್ಪೆ ಬಾಲೆಲೆನಲೆಕ್ಕ ಒತ್ರುಮುಡ್ ಬಾಲುಲೆಂದ್ ಪನ್ಪುನ ಈ ಮದಿಪುದ ಪಾತೆರ ನಮ್ಮ ಜಿಲ್ಲೆಡ್ ನಂಬುನಂಚಿನ ಪ್ರತಿಯೊಂಜಿ ದೈವದ ನುಡಿಕಟ್ಟೆಡ್ ಬರ್ಪುಂಡ್.
•ಮಂತ್ರ ದೇವತೆನ ಮದಿಪುಡು ಪತ್ತಪ್ಪೆನ ಬಾಲೆಲು, ಪತ್ತೆ ಬಿರೆಲ್ನ್ ಒಪ್ಪ ಮಲ್ತ್ ದ್ ನಿನ್ನ ಸತ್ಯದ ಜಾಗೆಡ್ ನಮ್ ನತ್ತ್ಂದುಲ್ಲಾಂದ್ ಒತ್ತಮೆದ ಸುಗಿಪುಂಡು.
ಮೋಕೆದ ಮಗಲೆನ್ ಕಂಡನಿನ ಇಲ್ಲಗ್ ಕಡಪುಡ್ನಗ, “ಎನ್ನ ಬಾಲೆನ್ ಮಿತ್ತ್ ದಿಂಡ ಕಕ್ಕೆ ಕೊನೊವು, ತಿರ್ತ್ ದೀಂಡ ಪಿಜಿನ್ ಕೊನೊವು ಪನ್ಪಿನ ಮೋಕೆಡ್ ತಾಂಕ್ ದ್ ಅಂಚಿತ್ತಿನ ಎಂಕ್ಲ್ ನ ಸಂತಾನದ ಕೊಡಿನ್ ನಿಕ್ಲಿನ್ ಸಿರೆಂಗ್ಗ್ ಪಾಡುವ. ತಪ್ಪು ತಾಂಗ್ ತೆರಿಯಂದಿನ ಬಾಲೆ ಒಂಜಿ ಕೆನ್ನಿಡ್ ಪೇರ್, ಬೊಕೊಂಜಿ ಕೆನ್ನಿಡ್ ನೆತ್ತೆರ್ ರಟ್ಟುನಂಚಿನ ಈ ಪುರು ಬಾಲೆಡ್ ದಾದಾಂಡಲಾ ತಪ್ಪಾಂಡ ಅವು ನಿಕ್ಕಲ್ನ ಬಾಲೆಂದ್ ತೆರಿಲೆ, ಎಂಕ್ಲನ ಕುಲ ದೇವೆರೆನ್ ನೆನೆತೊಂದು ಈ ಇಲ್ಲದ ಬಾಲೆನ್ ನಿಕ್ಲೆನ ಮುಟ್ಟೆಲ್ಗ್ ಪಾಡೊಂದುಲ್ಲಾ” . ಪಂಡ್ದ್ ಮಗಲೆನ್ ಕಡಪುಡ್ದ್ ಕೊರ್ಪೆರ್. ಪೆದ್ದಿನಾಕ್ಷೆಗ್ ಜೋಕ್ಲು ಎಪಲಾ ಬಾಲೆಲೆನ ಲೆಕ್ಕ.
{[gap}}ಇಂಚ ತುಳುನಾಡ್ದ ಜನಪದ ಸಾಂಸ್ಕೃತಿಕ ಪರಂಪರೆತ ನುಡಿಕಟ್ಟೆಡ್ ಬಾಲೆದ ಮಾನಾದಿಗೆದ ಪೊರ್ಲುದ ತಿರ್ಲ್ ನ್ ನಮ ಸುಗಿಪು, ಮದಿಪು, ಪಾರಿ ಬೀರಡ್ ತೋಜಿದ್ ಬರ್ಪುಂಡು.
ತುಳು ಪಾಡ್ಡನಡು ಬಾಲುಲೆನ ಪ್ರಸ್ತಾಪ
ಪಾಡ್ಡನ ಪುನವು ತುಳುನಾಡ್ಡ ಒಂಜಿ ಸತ್ವದಿಂಜಿನ ಸಾಹಿತ್ಯ. ಅಂಚಾದ್ ದೇಶ ವಿದೇಶೊಡುಲ ಪಾಡ್ಡನಗ್ ಎಡ್ಡೆ ಪುದಾರ್, ಪ್ರಚಾರ ತಿಳಿದಿಂಡ್. ಪಾಡ್ಡನ ಪನ್ಪುನವು ಬಜೀ ಒಂಜಿ “ಜನಪದರೆನ ಸಾಹಿತ್ಯಂದ್ ಪನೆರೆಗಾಪುಜ್ಜಿ. ದಾಯೆ ಪಂಡ ಒಂಜಿ ಶಿಷ್ಟವರ್ಗದ ಮಹಾಕಾವ್ಯಗ್ ಬೋಡಾಯಿನ ಲಕ್ಷಣೋಲು ಐಟ್ ಜಿಂಜ ತೋಜಿದ್ ಬರ್ಪುಂಡು. ಜನಪದತ ಪೊರ್ಲು-ತಿರ್ಲ್ ಲಾ ಉಕ್ಕುದು ತಮೆಲುಂಡು.
183
