ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಒಂಜಿ ವರ್ಸದ ಗಡು, ಬರ್ಪಿ ಎನ್ನ ನೇಮದ ಪೊರ್ತುಡು ತೊಟ್ಟಿಲ್ ಬಾಲೆನ್ ಪತೊಂದು ಬರ್ಪಾವೆ. ಬಯ ಮಲ್ಪಡೆ” ಪಂಡ್ದ್ ದೈವ ಅಭಯ ಕೊರ್ಪುನ ನುಡಿ ಉಂಡು.
•ಬಾಲೆಗಾದ್ರ ಪಂಡಿನ ಪರಕೆನ್ ದೈವ ದೇವೆರೆಗ್ ಸಂದಾಯ ಮಲ್ಪುನಗ ಪನ್ಪುನ, ಸುಗಿಪುನ ನುಡಿಕುಲು, ಕಣಂತೂರು ಉಳ್ಳಾಲ್ದಿನ ಪಾರ್ದನೊಡು ಬರ್ಪುಂಡು. ಕಣಂತೂರು ಉಳ್ಳಾಲ್ತಿನ ಪಾರ್ದನೊಡು :- ಅಜ್ಜಿ ಕೊಲ್ಯಂದಾರ್ ಉಲ್ಲೆರ್, ಮಗಲ್ ಪಟ್ಟಮ್ಮ ದೈಯಾರ್, ಕೂಟಜೆ ಜನನಂದ ಬೂಡುಡು ಪನ್ಪೆರ್ ಎಂಕ್ಲೆಗ್ ದುಂಬಿ ಪೋಪಿ ಆನ್ ಮಗೆ ಪಿರವು ಬರ್ಪಿ ಪೊನ್ನು ಮಗಲ್ ಇಜ್ಜಿಂದ್ ಪಟ್ಟ ಪರಕೆ ಪನ್ಪೆರ್. ಕೋಳ್ಯೂರು ಶಂಕರನಾರಾಯಣ ದೇವೆರೆಗ್ ದಡೆ ಪಾಡ್ದ್ ಸುಲಾಭಾರ ತೂಂಕಾವ, ಪಟ್ಟತನ್ನ ದೇವೆರೆಗ್ ಪಟ್ಟ ಕೊಟಜೆ ಕಟ್ವಾ, ನೇತ್ರೊಡು ನರಿ ದೀಪಾವೆ, ಎಂಕ್ಲೆನ ಹೆರಿಯಕ್ಲೆಗ್ ಜನನಂದ ಬೂಡುಡು ಪದಿನಾಜಿ ಇರೆ ಪಾಡ್ದ್ ಅಗೆಲ್ ಬಲಸುವಂದ್ ಪರಕೆ ಪಂಡ್ದ್ ಕೈ ಮುಗಿಯೆರ್. ಇಂಚ ಬಾಲೆಗಾದ್ರ ಪನ್ಪುನ ಪರಕೆದ ನುಡಿಕುಲು ಪೊರ್ಲುಡ್ ಮೂಡ್ದ್ ಬೈದ್ಂಡ್.
•ಕೊರಗ ತನಿಯೆ ಪಾಡ್ಡನೊಡು ಕೊರಪಲ್... ಉಂದೊಂಜಿ ನೀರ್.... ಉಂತುಂಡು ಪಂದಾಂಡ ಕಾಂತಾವಾರದ ದೇವೆರೆಗ್ ಪುಂಡಿ ಪನವು ಪರಕೆ ಪಾಡುವೆಂದ್ ಪನ್ಪುನ ಪ್ರಸಂಗ ಬರ್ಪುಂಡು,
•ಅಂಚನೆ ಜಾರಂದಾಯ ದೈವಡ ಮದಿಪು ಪನ್ನಗ - ಎಂಕ್ಲೆನ ಕಾರ್ಯಡ್ ಜಿಂಜ ತಪ್ಪುಪ್ಪು, ಎಂಕ್ಲಾ ಅಪ್ಪೆ ಬಂಜಿಡ್ ಬೈದಿ ಜನಮಾನಿಲು, ಮಾನಿ ಜೋಕ್ಲಾಟಿಗೆ ಆದ್ ಪೋವುಂದ್ ದೈವಡ್ ಮಾಪು ನಟ್ಟುನ ಕ್ರಮ ಉಂಡು.
•ಕೋರ್ದಬ್ಬುಡ ಮದಿಪು ಪನ್ನಗ - ಸಾರಲಿಂಗ ಮಾಯ ಮಲ್ತ್ ದ್ ಕಚ್ಚೂರ ಮಾಲ್ತಿನ ಪುನ್ಯದ ಗರ್ಭೋಡು ಏಲ್ ತಿಂಗಲ್ದ ಈ ಪಾತೆರಿನ ಸತ್ಯ. ನಿನ್ನ ಪುಟ್ಟು ಬಲಕೆ, ಪನೆರೆ ಪೋಂಡ ಏಲ್ ರಾತ್ರಿ ಏಲ್ ಪಗಲಾಪುಂಡುಂದು ವಿವರನೆ ತಿಕ್ಕುಂಡು.
•ಕೊಡಮಣಿತ್ತಾಯ ದೈವದ ನುಡಿಕಟ್ಟೆಡ್ ಜನಮಾನಿಲೆಗ್ ಬೆರಿಟ್ ಮರಣ, ಬಂಜಿಡ್ ಜನನ ಆಂಡಲಾ.. ವಿಸನ್ ತಟ್ಪಾರಾದ್, ಅಮುರ್ತನ್ ಕೈ ಸೇರಾದ್, ಎನ್ನ ಬಕ್ತರೆನ್ ಬಾಲೆಲೆನ ಲೆಕ್ಕ ಕಾಪುವೆ.
182
