ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಬಬ್ಬರ್ಯ ಪಾಡ್ದನೊಡು ಬರ್ಪಿನಂಚಿನ ಒಂಜಿ ಪ್ರಸಂಗ ಇಂಚ ಬೈದ್ಂಡ್. ಬಾಲೆ ಬಂಜಿಡುಪ್ಪುನಗನೆ “ಬ್ಯಾರಿ ಯಾನ್ ವಾ ತಾದಿಡ್ ಪಿದಾಯಿ ಬರೊಡುಂದು ಕೇನ್ನಗ ನಿಕ್ ದೇವೆರ್ ಕೊರ್ತಿನ ತಾದಿಡ್ ಬಲಾಂದ್ ಬ್ಯಾರಿ ಪನ್ಪೆಗೆ, ಅಪಗ ಬಂಜಿದ ಬಾಲೆ ಪನ್ಪುಂಡುಗೆ ಬಂಜಿನ್ ಬಿಚ್ಚಾದ್ ಬತ್ತ್ಂಡ ಅಪ್ಪೆನ್ ಕೆರ್ಯೆಂದ್ ಜನಮಾನಿ ಪನುವೆರ್, ಬೆರಿನ್ ಬಿಚ್ಚಾದ್ ಬಂಡ ಅಮ್ಮೆನ್ ಕೆರಿಯೆಂದ್ ಪನ್ವೆರೆಂದ್ ಮಾಯೊದ ಬಾಲೆ ಬಂಗಾರ್ದ ತುಂಬಿಯಾದ್ ಅಪ್ಪೆನ ಬಲಮೈತ ಮಿರೆನ್ ಪುಡಾದ್ ಬತ್ತೆಗೆ ಪುಟ್ಟಿನ ಬಾಲೆಗ್ ಒಂಜಿ ವರ್ಸದ ಬುಲವನಿಗೆಗೆ ಐತ ನೆತ್ತಿಡ್ ಸುರಿಯ, ಬೆರಿಟ್ ಬೆರ್ಮೆರ್ನ ಗುರ್ತ, ಬಂಜಿಡ್ ಈಸರನ ಗುರ್ತ, ಜುಟ್ಟುಡು ಕೂಚುಲಿಂಗೆ, ಕಾರಗಂಟ್ಡ್ ಕಾರಲಿಂಗೆ, ಪಾದೊಡು ಪಾದಲಿಂಗದ ಗುರ್ತ ತೋಜುಂಡುಗೆ, ಆ ಬಾಲೆಗ್ ಬಪ್ಪಾಂದ್ ಪುದರ್ಗೆ. ಒಂಜಿ ವರ್ಸದ ಬಾಲೆಗ್ ಪತ್ತ್ ವರ್ಸದ ಬಾಲೆದ ಬಿರ್ಸಾತಿಕೆ ಇತ್ತಂಡ್ಗೆ. ಗೊಬ್ಬುನಗ ಪತ್ತಿನ ಏಪಲಾ ಆಯೆ ಗೆಂದುನ ತೂದು ಬಾಕಿತ್ತಿ ಜೋಕುಲು ಕಿಚ್ಚಿ ಮಚ್ಚರೊಡು ಈ ಆದ್ರೊಗು ಪುಟ್ಟಿನ ಬಾಲೆಂದ್ ಮಕ್ಕರ್ ಮಲ್ಪುನಗ ಬಪ್ಪೆ ಅಪ್ಪೆಡ ತನ್ನ ಪುಟ್ಟುದ ಗುಟ್ಟು ಕೇನ್ನಗ ಈ ಮಾಯೊದ ಬಾಲೆಂದ್ ಪನ್ಪುನ ವಿವರನೆಲು ಈ ಪಾಡ್ಡನೊಡು ಸೋಕುಡೆ ಬೈದ್ಂಡ್.
•ಸಿರಿಪಡ್ಡನೊಡು ಬಾಲೆ ಕುಮಾರೆನ ಪುಟ್ಟುರಾಸಿದ ಫಲನ್ ಕೇನುನ ವರ್ನನೆ ಇಂಚ ಉಂಡು.
ಜೋಗಟೆ ಪೊಯೀ ಪಾಡ್ದ್ ಬಟ್ಟೇರ್ ಕುಲ್ಲಿಯೇರ್ಗೆ ನಾ.. . ಕವಡೀಗೆ ಸಾರಿ ಪೊಯ್ಯೆರ್ಗೆನಾ...
ಅಜಿಪಾಪುಂಡಿ ಜಾತಾಗ ಬುಡ್ಪಾವೇರ್ಗನಾ...
ಮುಪ್ಪಾಪುಂಡಿ ಪುಸ್ತಾಕ ಬುಡ್ಪಾದ್ ಪನ್ಪೇರ್ ರ್ಗೆನಾ......
ಪಾಡೀ ರಾಸೀಗ್ಗೇನಾ ದೀಯೇ ಕಾನಿಗೇಗ್ ತೋಜೀದ್ ಬರ್ಪುಂಡುಗೇನಾ...
ಬೆರಮನೆ ಪನ್ಪೆರ್ಗೇನಾ...
ಇನಿ ಕುಮಾರೆ ಪುಟುದಿನ ಏಲ್ಯಗಲಿಗೆ ಅಜ್ಜೆರ್ ಕೇಂದೇರ್ಗೇನಾ...
ಸರ್ವಲಚ್ಚನಡ್ ಪುಟುದೀನ ಮಗೆ ಆಯಗ್ಗೇನಾ...
ಕುಮಾರಂದೇ ಪುದಾರ್ ಪುರಪ್ಪು ಅಜ್ಜೆರೇ.. ಏ ಏ.. .
176
