ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಟ್ಟೇರೋ ಗೆರಂತ ಬಾರಿ ಬಟ್ಟೆರೋ...
ಪಂಡೇರೋ ಅಜ್ಜೆರೇ ಈರ್ ಕುಮಾರನ ಮೋನೆ ತೂಂಡ...
ಇರೆಗ್ ಮರನಾಂದೇ ಉಂಡೂಂದೇರೋ ಪನ್ನಗ...
ಅಜ್ಜೆರ್ ಕಡೆಕಣ್ಣಿಡ್ ಕೊಡಿ ದು:ಖೋ ಬುಡ್ಪೇರತ್ತೋ...
ಇಂಚ ಅವೆ ಪಾಡ್ಡನಡ್ ಅಮಾಸೆದಾನಿ ಪುಟ್ಟಿನ ಬಾಲೆದ ದೋಸಗ್ ಪಿಲೆ ದೆಪ್ಪುನ ಕ್ರಮ.
ಬಾಲೆದ ಪದ್ನಾಜನಮೆ ಕರಿಪುನಗಾ
ಅಜ್ಜೆರ್ಗೆನ ನಾಲ್ ಇಲ್ಲಡೆ ಪನ್ಪಾವೇರ್ಗೆನಾ
ನಾಲ್ ಇಲ್ಲ್ ಪೊಂಜೋವುಲಾ ನಾಲ್ ಕನ್ಯಾವು ಬಾಲೆಲೆನ್ ಕೂಡಾವೇರ್ಗೆ ನಾ...
ಬಲ್ಲ್ ಪತ್ತಿ ಬೊಲ್ಲಿ ಮಾಡೋಡ್ಗೇನಾ...
ಇನಿ ಅಮುರ್ತ ಗಲಿಗೆಡ್ ತೊಟಿಲ್ ಗೋಪಾವೆರತೋ...
ಮುತ್ತಿಕುಂದನಂದ ತೊಟಿಲ್ ಪಾಡಾರ್ದೆಗೆ್ರನಾ..
ಆರಿಯ ಬನ್ನಾರೊ ಬೆರ್ಮು ಮಾಲಾವೇರ್ಗನಾ...
ಇಂಚಬಾಲೆನ್ ತೊಟೆಲ್ಗ್ ಪಾಡುನ ವರ್ನನೆ ಬರ್ಪುಂಡು.
•ಕೊರಗ ತನಿಯ ಪಾಡ್ಡನಡ್ ಬಾಲೆಗಾತ್ರ ಪರಕೆ ಪನ್ಪುನ ಪ್ರಸಂಗ ಇಂಚ ಬೈದ್ಂಡ್
- ಕದ್ರಿದ ವುರವನ ಓಡಿಕೊರಗರ್ ಕೊಪ್ಪದ ಕೊರಪಲೊಟ್ಟುಗು ಮದಿಮೆ ಆಪುಂಡು. ಬೆಚ್ಚ ಬೆಚ್ಚ ಗಂಜಿ ಉಂಡುದು ಬಾನ ದೇವೆರೆಗ್ ಬೆರಿಕೊರ್ದು, ಉಡಲ್ಡ್ ನೀರುಂತುಂಡ ಕಾಂತಾವರದ ದೇವೆರೆಗ್ ಪುಂಡಿ ಪನವುದ ಪರಕೆ ಪಂಡಿಲೆಕ್ಕ ಕೊರಪಲ್ ಬಂಜಿನಾಲ್ ಆಪಲ್. ಕೊರಪೊಲು ಮೈರೆಗ್ ಸುಕಟ್ ಪೆದ್ದ್ಂಡ ಕುಲದೈವಗ್ ಪರಕೆ ಪಂಡ್ದ್ ನಾಲಾಯಿದ ಪಸೆ ಆಜುನದುಂಬು ಮೈರೆ ಆನ್ಬಾಲೆನ್ ಪೆದುಪಾಲ್. ಮಣ್ಣ್ ಗ್ ಬೂರ್ದಿನ ಬಾಲೆನ್ ಕಂಗ್ ದ ಪಾಲೆಡ್ ಜೆಪುಡಾವೆರ್. ಪೂವಲ್ ಬೂರ್ನು ಕುದುಪೆರ್. ಸರೊಲಿತಪ್ಪುಡು ತಂಪು ಮಲ್ತೇರ್.. ಪದಿನಾಜನೇ ದಿನತಾನಿ ಕುಟ್ಮ-ಬಂಧು-ಬಲಗ ಊರುದಾಕ್ಲು ಸೇರ್ದ್ ಶುದ್ಧ ಮಲ್ತ್ದ್ ಕೊರಗ ತನಿಯಾಂದ್ ಪುದಾರ್ ದೀಪೇರ್. ಮಿರೆ ಪೇರ್ ಪರ್ಪುನಪೊರ್ತುಗು ಅಪ್ಪೆನ ಸಾವು, ಪೆತ್ತದ ಪೇರ್ ಪರ್ಪುನ ಪೊರ್ತುಗು ಪೆತ್ತಾಕಂಜಿದ ಸಾವು ದುಂಬು ಪರಪುನ ಪೊರ್ತುಗು ಅಮ್ಮನ ಸಾವು, ಬೊಕ್ಕ ಕುಟ್ಮದ,
177
