ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನಮ್ಮ ದೇಶ ಪ್ರಾದೇಶಿಕ ವೈವಿಧ್ಯಲ್ಡ್ದ್ ಕೂಡ್ನೈಡ್ಡಾವರ ಮುಲ್ಪ ಬೇತೆ ಬೇತೆ ಭಾಷೆಲುಂಡು, ಒಂಜೊಂಜಿ ಭಾಸೆಗ್ಲ ಆ ಪ್ರದೇಶದ ಸಂಸ್ಕೃತಿದ ಪೆರ್ಮೆ ಉಂಡು. ದಾಯೆ ಪಂಡ ಭಾಸೆ ಪಂಡ ಬಜೀ ಬಾಸೆ ಅತ್ತ್. ಐತುಲಾಯಿದ ಸಾಹಿತ್ಯ, ಸಾಹಿತ್ಯದುಲಾಯಿತ್ತಿನ ಸಂಸ್ಕೃತಿ, ಸಂಸ್ಕೃತಿಡಿತ್ತಿನ ಬದ್ಕ್, ಬದ್ಕ್ಡಿತ್ತಿನ ಕನ, ಕನತುಲಾಯಿದ ಪೊರ್ಲು, ಪೊರ್ಲುದುಲಾಯಿ ಉಪ್ಪುನ ಮೋಕೆ, ಈ ಕಾರನಗಾದ್ರ ಮಾತೃ ಭಾಷೆಗೆ ಜಿಂಜ ಮಾನಾದಿಗೆ ಕೊರ್ಪೆರ್.
12. ತುಳು ಪಾಡ್ದನೊಡು ಬಾಲೆಲು
•ಸಿರಿ ಪಾಡ್ದನಡ್ ಸತ್ಯನಾಪುರತ ಬೆರ್ಮೆ ಆಳ್ವೆ ಪನ್ಪುನಾಯೆಗ್ ಬಾಲೆಲುದಾಂತೆ ವ್ಯಥೆ ದೆಪ್ಪುನಗ ಬ್ರಾಣೆ ಒರಿ ಆಯನ ಸೆರಂಗ್ಗ್ ಪಿಂಗಾರನ್ ದಕ್ಕ್ ನಗ ಐಟ್ ಪೊನ್ನುಬಾಲೆ ಉದಿತಿಪ್ಪುಂಡುಗೆ. ಐಕ್ ಮೋಕೆಡ್ ಸಿರಿಂದ್ ಪುದಾರ್ ದೀಪೆಗೆ. ಮಧ್ಮೆ ಮಲ್ಪುವೆ, ಬೊಕ್ಕ ಸಿರಿಕ್ ಪುಟ್ಟ್ ದಿನ ಬಾಲೆನ್ ಅಜ್ಜೆರ್ ತೂಂಡ ತೈಪೆರ್ಂದ್ ಬಲ್ಮೆದ ಭಟ್ರ್ ಪಂದಿತ್ತಿನವು ಸತ್ಯ ಆದ್ ಬೆರ್ಮ ಆಳ್ವೆ ಆ ಲೋಕಗ್ ಸಂದಾಯ ಆಯೆರ್. ಈ ಕಥೆಟ್ ಕುಮಾರಬಾಲೆನ ವರ್ನನೆದ ವಿವರೊಲು ಪಾಡ್ದನೊಡು ಪೊರ್ಲುಡು ಮೂಡುದು ಬೈದ್ಂಡ್. ಐಟ್ ಸಿರಿ ತನ್ನ ಬಾಲೆನ್ ತೊಟಿಲ್ಗ್ ಪಾಡುನ ಪದ್ನೆನ್ಮ ಸಾಲ್ ಚಿತ್ರನ ಬಾರಿ ಪೊರ್ಲುಂಡು. ಬೊಕ್ಕ ಸಿರಿ ಸೊನ್ನೆನ್ ಪೆದ್ದುನ, ಬ್ರಾಣೆನ ಬಾಲೆಗ್ ಆಸಿರ್ವಾದ ಮಲ್ಪುನ ತೊಟಿಲ್ಗ್ ಪಾಡ್ದ್ ಪುದಾರ್ ದೀಪುನ ವಿವರೊಲು ಬಾರಿ ಕುಸಿ ಕೊರ್ಪಿನವು ಮನಸ್ಸಿಗ್ ಉಲ್ಲಸ ಕೊರ್ಪಿನವು. ಅತ್ತಾಂದೆ ಸಿರಿ ಪಾಡ್ಡನಡ್ ಬಿಳಿದೇಸಿಂಗರಾಯೆ ಬೊಕ್ಕ ಕರಿಕಾಮುರಾಯೆ ಮೊಕುಲು ಬೋಲದ ಕಾಡ್ಡ್ ಮುತ್ತೆ ತಾಮರದ ಕೆದುಟು ಬೊಲ್ದು ತಾಮರೆ ಪೂ-ಟು ಪುಟ್ಟನಾಯೆ ಬಿಳಿದೇಸಿಂಗರಾಯೆ, ಕೆಂಪು ತಾಮ್ರೆಡ್ ಪುಟ್ಟಿನಾಯೆ ಕರಿಕಾಮುರಾಯೆ ಪನ್ಪುನ ವಿವರನೆಲು ಬರ್ಪುಂಡು. ಉದಾರ್ಮೆಗ್ ಪುರಾನ ಕತೆಕ್ಲಡ್ ಇಂಚಿನ ಜಿಂಜ. ಪ್ರಸಂಗೊಲು ಬೈದ್ಂಡ್. ರೋಯಿನಿ ನಕ್ಷತ್ರೋಡು ಶ್ರೀಕ್ರುಶ್ನ ದೇವೆರ್ ಪುಟ್ಟಿನೈಕ್ ಆಯೆನ ಸೋದರ ಮಾಮು ಕಂಸೆ ತೈಪೆ. ಚಂದ್ರಹಾಸ ಮೂಲ ನಕ್ಷತ್ರೋಡು ಪುಟ್ಟಿನೈಕ್ ಅಪ್ಪೆ ಅಮ್ಮನ್ ಬೊಕ್ಕ ಮಾತ ಬದ್ಕ್ ಭಾಗ್ಯನ್ ಕಲೆವೊಂಡೆ.
175
