ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಾಲೆದ ಕೂಲಿ ತಾರ್ನಗ . . . ಪಿದಡುನ ಒಂಜಿ ಕೋಂಗಿದ ಕುಸಾಲ್
ಒಟ್ಟೆ ಕೂಳಿ ದವ್ವೆ, ಕಾಸ್ಗೊಂಜಿ ಕಡಲೆ
ಎನ ಒಟ್ಟುಗು ಬರಡ ತಾದಿಡೆ ಬೂರ್ದು ತೈಯಡ
ಈ ಪದಟ್ ಅಖೇರಿಡ್ ಬಾಲೆ ದಿಡ್ಕ ಬೂರಿಲೆಕ್ಕ ಮಲ್ಪುಂಡು.
ಪೆದ್ದಿನವು ಪೊಣ್ಣು ಬಲೆ ಆಂಡ ಲೋಕೊಡು ಮಾತೆರೆಗ್ಲಾ ಸಸಾರ, ಆಂಡ . .. ಜನಪದರೆನ ದಿಟ್ಟಿಡ್ ಕಕ್ಕೆಗ್ ಭಾರಿ ಕುಸಿಗೆ, ಕಕ್ಕೆದ ಮನಸ್ಸೇ ಇಂಚ ಉಂಡುಗೆಂದ್ ಬಾಲೆನ್ ಗೊಬ್ಬಾವೆರ್.
ಅಕ್ಕರೆ ಅಕ್ಕರೆ ಬಾಲೆ ಎಂಚಿನ ? ಬಾಲೆ ಆಣತ್ತ?
ಅಂದಾ! ಓ. . ದೇವೆರೆ ಬೇಗ ಸುಣ್ಣನೀರ್ ಬುಡ್ಲೆ!
ಆಯೆ ಬಿರು ಪತ್ತ್ದ್ ಕೆರುವೆ! ಆಯೆ ಉರ್ಲು ದೀದ್ ಕೆರುವೆ!
ಆಯೆ ಕಲ್ಲ್ ದಕ್ಕದ್ ಕೆರುವೆ!
ಆಣ್ ಬಾಲುಲೆಗ್ ಆತ್ ಥಂಕ, ಆತ್ ತಿಗಲೆ ಎಲ್ಲಿಡೇ ಉಪ್ಪುಂಡುಗೆ, ಆಕುಲು. - ಬೋಂಟೆ, ಮರ ಮಿತರುನ, ಕಡಲ್-ತುದೆ ನೀಂದುನ, ಇಂಚ ಇಲ್ಲದ ಪಿದಾಯಿದ ಭಂಗೊದ ಬೇಲೆ ಮಲ್ಪುನಂಚಿನ ಇಲ್ಲದ ಅಂಜೋವುನ (ಅಮ್ಮನ ) ಬೆರಿ ಪತ್ತದ್ ಅಂಚಿನ ಬೇಲೆಲೆನ್ ಮಲ್ಪೆರ್. ಕಕ್ಕೆನ್ ಗಿಡಪೆರ್ಂದ್ ಪೋಡಿಗೆ, ಪೊನ್ನು ಜೋಕುಲು ಏಪಲಾ ಅಪ್ಪೆನ ಬೆರಿ, ಅಟಿಲ್, ಬಿತ್ತಿಲ್, ಕಿದೆ, ಖಂಡ, ದೋಟಂದ್ ಬೆನ್ಪುನ ಅಪ್ಪೆನ ಬೇಲೆಲೆಡ್ ಆಕುಲೆಗ್ ಆಸಕ್ತಿ ಎಚ್ಚ .
ಐಕಾದ್ರ ಪೊನ್ನು ಬಾಲೆ ಅಂಡ ಕಕ್ಕೆಗ್ ಭಾರಿ ಕುಶಿಗೆ. ಆಲ್ ಮಂಗಟ್ಟಾದ್ ಅರಿ, ಬಾರ್, ಬಜಿಲ್, ಪೊದ್ದೊಲ್ನ್ ಪಾಡುವಲ್. ಅರಿ ಪೊಡಪುನಗ ಐತ ಪೊಡಿಕುಲು ಕಕ್ಕೆದ ಪಾಲ್ಗ್, ಆಲ್ ಕೋಲ್ ತೋಜಾಂಡಲಾ ಹಾಕುಜ್ಜಲ್, ಪಾಪದಾಲ್ ಐಕಾದ್ರ
ಅಕ್ಕರೆ ಅಕ್ಕರೆ ಬಾಲೆಂಚಿನ? ಬಾಲೆ ಪೊಣ್ಣ?
ಅಂದಾ! ಸ್ವಾಮಿ ದೇವರೆ, ಉಪ್ಪಡಪ್ಪ . .ಉಪ್ಪಡ್!
ಆಲ್ ಬಾಲೆನ್ ಮೀಪಾನಗ ಒಂಜಿ ಕೋಕಾಯಿ ತಿನ್ಪೆ
ಆಲ್ ತೊಟ್ಟಿಲ್ ತೂಂಕುನಗ ಒಂಜಿ ಕೋಕಾಯಿ ತಿನ್ಪೆ
ಆಲ್ ತೂ ಉರಿಪುನಗ ಒಂಜಿ ಕೋಕಾಯಿ ತಿನ್ಪೆ
ಆಲ್ ಬಾಲೆಗ್ ಮೀರೆ ಕೊರ್ನಗ ಒಂಜಿ ಕೋಕಾಯಿ ತಿನ್ಪೆ
ಆಲ್ ಮಿರೆಕ್ ಕುಂಟು ಪಾಡ್ನಗ ಒಂಜಿ ಕೋಕಾಯಿ ತಿನ್ಪೆ
172
