ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಆಂಡ ಆ ಇಲ್ಲಡ್ ಅಜ್ಜ-ಅಜ್ಜಿ ಇತ್ತಂಡ ಬಾಲುಲೆನ್ ದೆರ್ತೊಂದು. ಚದಿ, ಲೂಟಿ, ಬುಲ್ಫಾಟಿಕೆನ್ ಬಾಲೆ ಮಲ್ಪಂದೆ ನಿಲ್ಲು ಮಲ್ಲರಾಂದ್ ಮಲ್ಲಕ್ಲಗ್ ನೆರ್ದ್ ಪಾತೆರಡ್ ದಡಿ ಪಾಡ್ವೆರ್. ಇಂಚ ಪುಲ್ಲಿನಾಕ್ಲೆಗ್ ಏಪಲ ಅಜ್ಜಿ-ಅಜ್ಜೆರ್ನ ಶ್ರೀರಕ್ಷೆ ಉಪ್ಪುಂಡು. ••••
ನನ ಬಾಲೆಗ್ ನುಪ್ಪು ಕೊರ್ಪುನು ಪಂಡ ಮಲ್ಲ ತ್ರಾಸ್ದ ಬೇಲೆ. ದಾಯೆಪಂಡ
ಬಾಲೆಗ್ ಇಡೀ ದಿನಲಾ ಲೂಟಿ ಅತ್ತಡ ಗೊಬುನ ಗ್ಯಾನ, ಬೆಲ್ಲ-ಬಜಿಲ್... ಉಂಡೆ-
ಮಿಠಾಯಿ ಆಂಡ... ಬಾಲೆಲೆ... ಪತ್ತ್ ಬಾಯಿ, ನುಪ್ಪು ಕೊರ್ಪುನಾಂಡ ಅಪ್ಪೆಗ್ ನನೊರ
ಆಲೆನ ಅಪ್ಪೆನ ಬಂಜಿಡ್ ಬತ್ತಿನಂಚಿನ ಅನುಭವ. ಕತೆ-ಪದ, ನಲಿಕೆ, ಕೊಂಗಿ, ಪೆತ್ತ,
ನಾಯಿ, ಬಾನ್, ಚಂದಿರ, ಬೊಳ್ಳಿ ಉಂದೆನ್ ಮಾತಾ ತೋಜಾದ್ ನುಪ್ಪುದ ಗುಲ್ಲೆನ್
ಬಾಯಿಗ್ ದೀಯೊಡು.
ಆ ಬಾಲೆಗ್ ನುಪ್ಪುದ ಗ್ಯಾನ ಬರಂದಿಲೆಕ್ಕ ಐತ ಮಂಡೆಗ್ ಬೇತೆಬೇತೆ ವಸ್ತು- ಪರಿಸರದ ಗುರ್ತನ್ ಪೊಗಿಪಾವೊಡು. ರಾತ್ರೆ ಬಾಲೆಗ್ ನುಪ್ಪು ಕೊರ್ಪುನ ಪೊರ್ತುಗು
ಚಂದಮಾಮ ಬಲೆ ಬಲೆ ಪೇರ್ ನೈನ್ ಕನಲೆ ಕನಲೆ |
ಚಕ್ಕುಲಿ ಉಂಡೆನ್ ಕನಲೆ ಕನಲೆ | ಬೇಗ ಬೇಗ ಕನತ್...
ಬಾಲೆದ ಬಾಯಿಗ್ ದೀದ್ ಬುಡ್ಲೆ. ಪನ್ನಗ ಬಾಯಿಗ್ ಪಕ್ಕ ನುಪ್ಪು ದೀಪೆರ್, ತರೆತ ಮಿತ್ತ್ ಢುಂ ಢುಂ ಢುಂ ಬೂರ್ಲೆ ಪನ್ನಗ ಬಾಲೆ ಕುಷಿಟ್ ತಾಟಿ ಬೊಟ್ಟುದ್ ತೆಲಿಪುಂಡು.
ಬಾಲೆನ್ ಮಾನಾವುನ ನನೊಂಜಿ ಪದ ರಂಗೀತಡುಂಡು, ಬಾಲೆನ್ ಪತ್ತೊಂದು ಐತ ಮಂಡೆನ್ ಆಡಾವೊಂದ್ ಪನ್ಪೆರ್.
ಕಂಡಿನೇರ್ ಕಿಂಕಣ್ಣ ? ಯಾನತ್ತ್ ಯಾನತ್ತ್!
ಉಂಡಿನೇರ್ ಉಗ್ಗಣ್ಣ ? ಯಾನತ್ತ್ ಯಾನತ್ತ್ !
ತೂಯಿನೇರ್ ಬೊಟ್ಟಣ್ಣ? ಯಾನತ್ತ್ ಯಾನತ್ತ್
ಯಾನೆ ಮಗೆ ಕೊಂಬಣ್ಣೆ | ಪುಂಡಿ ಕಟ್ಟ್ದ್ ಉಂಡೆ!
ಈ ಪದನ್ ಬಾಲೆದ ಬಿರೆಲ್ನ್ ಒಂಜೊಂಜಿ ಮುಟ್ಟುದು ಕಡೆಕ್ ಕೊಂಬಬಿರೆಲ್ ಪತ್ ಕುಡೋ ಕುಡ್ಕುಡೋಂದ್ ಕೈತ ಅಡಿತ್ ಕ್ರಿಚಿಲ್ ಕೊರ್ಪೆರ್.
171
