ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಆರ್ಚಕ - ಪೀಚಕ ದುಡಿ ದೂಂಚಕ ಬಾಕಿಲ್ ದೆಪ್ಪು ಜೋಕುಲೆನ್ ಮೆನಿಪು
ಬಟ್ಟಲ್ಡ್ ನೀಕಕೊಂಡ ಅರಿಯಾಡ್ ಎಣ್ಣೆಕೊಂಡ ಪೊದುಂಕುಲು ದೆಪ್ಪು ಪಚ್ಚಿಲ್ ಗೆಟಪು ರಚ್ಚೆನೆವಿರ್ಲೇಗ್ ಪಾಡ್ ಪೆಲತರಿ ಜಾಲ್ಡ್ ಪಾಡ್ ಇಂಚ ಜಿಂಜ ಬಾಲುಲೆನ್ ಮಾನಾಪುನ ಪದಕುಲು ತುಳುವರೆಡ ಇತುಂಡು.
ಅಡ್ಡ ಬೂರೊಂಡೆ ಉಲ್ಲಾಯ | ಕಡ್ಸಲೆ ಕೊರ್ಪಾಲೆ
ಮಗತ್ ಬೂರೊಂಡೆ ಉಲ್ಲಾಯ | ಮಣಿ ಪತ್ತಾಲೆ.
ಜಾಲ ಬೈಕಡ್ತಿ ಬತ್ತೊಲುಲ್ಲಾಯ ! ನೀಟ ಬೂರೊಂಡೆ
ಅಡ್ಡ ನೀಟ ಪಾರೊಂಡೆ ಉಲ್ಲಾಯ | ಬೊಂಡ ಪರ್ಪಾಲೆ
ಪುಂಡಿ ಪಣವು ಕೊರ್ದು ಉಲ್ಲಾಯ | ಬೂಲ್ಯ ಪತ್ತೊನ್ಲೆ”.
ಬಾಲೆ ಚದಿ ಮಲ್ತ್ ಬುಲಿಪುನಗ... ಕೊಕಾಯಿಡ್ ಅರಬಾಟ ಮಲ್ಪುನಗ . . ಬಾಲೆದ ಕೋಪಗ್ ನೈ ಪಾಡುನಂಚಿನ ಪದಟ್ ಜಾಲ ಬೈಕಡ್ತಿನ ಉದಾರ್ಮೆ ಕೊರ್ತೆರ್. ಬೈಕಡ್ತಿಗ್ ಕೋಪ ಬತ್ತಂಡ ಎದುರುಂತುನಕ್ಲ್ ಏರ್? ಶಾಂತ ಆವರೆಗೆ ಅಡ್ಡ ನೀಟ ಬೂರ್ದು ಸುಗಿಪೊಡು. ಅಂಚನೆ ಮಲ್ತ್ ದ್ ಬಾಲೆನ್ ಮಾಣಾವರೆಗಾದ್ರ ಇಲ್ಲದಾಕ್ಲು ಅಡ್ಡ ಬೂರುನ ನಾಟಕ ಗೊಬ್ಬುವೆರ್. ವಾ. . .ಬೇಲೆನಾಂಡಲಾ ಮಲ್ಪೊಲಿ, ಆಂಡ ಬಾಲೆಲೆನ್ ಮಾಣಾವುನ ಬೇಲೆ ಭಾರಿ ಭಂಗೊದ. “ತೂಯರೆ ಬಾಲೆಲು ಚದಿ-ಗರ್ವ ಎಲ್ಯ ಗಾಂದಾರಿ ಮುಂಚಿದಲೆಕ್ಕ.”
ಇಂಚ ಬಾಲೆಲು ಕಿನ್ನಿ ಆಂಡಲಾ ಐಕ್ಲು ಮಲ್ಪುನ ರಾಪಾಟೊಡು ಇಲ್ಲದಾಕ್ಲಗ್ ಕುಲ್ಲು ತಯ್ಯರೆಗಿಜ್ಜಿಂದ್ ಪನ್ಪೆರ್.
ವಾ ಚದಿ ಬಾಲೆಗ್? ವಾ ಲೂಟಿ ಬಾಲೆಗ್! ಹಪ್ಪಾ ಐತ ಕಲ್ಪ ಕೋಮಾಟಿಕೆನೇ! ಅಪ್ಪೆನ ಬಂಜಿಗ್ ನನೊರ ಪೋದುಲಾ ಬರುವೆರ್. ಇಲ್ಲ್ ಗಿರ್ತ್ ಕಟ್ಟೆರ್! ಆಯೆ ಪಟ್ಟ ಬುಳೆಪೋತೆ. ನಲ್ ದಡಿ ಪಾಡ್ಂಡ ಬುಲಿಪಾಟಿಕೆ, ರಾಪಾಟಿಕೆ ಕಡಿಮೆ ಯಾವ್ಂದ್... ಬಾಲುಲೆನ ಲೀಲೆದ ಗೊಬ್ಬುಲೆಗ್ ಮಲ್ಲಕ್ಲು ಪನ್ಪುನ ಪಾತೆರಲು ಸತ್ಯೊದ.
170
