ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೭೦

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ

ಜೋಕ್ಲು ಬುಲಿಪೆರ್, ಬೊಕ್ಕ ಅಜ್ಜಿ ಮಾಣಾವಲ್.

ಬಾಲೆಡ ಬತ್ತಿನಕ್ಲು ಕೇನ್ವರ್:

ನಿನ್ನಪ್ಪೆಡೊತೊಲು ಕೂಕುರಾ? ಕಂಡ ಲಿಲಿಲ್ಲಿ

ನಿನ್ನಮ್ಮೆಡೊತೆ ಕೂಕುರಾ ? ಗಾಳ ಲಿಲಿಲ್ಲಿ

ನಿನ್ನಮಾಮೆಡೊತೆ ಕೂಕುರಾ ? ಪೇಂಟೆ ಲಿಲಿಲ್ಲಿ

ನಿನ್ನಕ್ಕೋಡೆತೊಲು ಕೂಕುರಾ ? ಪಡ್ಪು ಲಿಲಿಲ್ಲಿ

ನಿನ್ನಣ್ಣೆಡೊತೆ ಕೂಕುರಾ ? ಜಾಲ್ಡ್ ಲಿಲಿಲ್ಲಿ

ನಿನ್ನಜ್ಜಿಡೊತೊಲು ಕೂಕುರಾ? ಬಿತ್ತಿಲ್ಡ್ ಲಿಲಿಲ್ಲಿ

ಇನ್ನಜ್ಜೆಜೊತೆ ಕುಕುರಾ? ಸಂತೆಗ್ ಲಿಲಿಲ್ಲಿ

ಈ ಓಡೆಪೋತ ಕೂಕುರಾ? ಚಂಗಾಯಿ, ಮಂಗಾಯಿ ಲ. ಲಲ್ಲಿ

ಬಾಲೆಗ್ ಕ್ರಿಚಿಲ್ ಪಾಡ್ವೆರ್.

ಬಾಲೆನ್ ಮಂಡೆದ್ ದೀಯೊಂದ್ .. . ಲಿ ಲಿ ಲಿಲ್ಲಿ

ಗುಡು ಗುಡು ಗುಮ್ಮಟೆ ಬತ್ತೆ ಸಾದಿ ಬುಡ್ಲೆ. .

ಗುಡು ಗುಡು ಬತ್ತಲೆ ಧೂಮೆ ಬತ್ತೆ (ಬತ್ತಲೆ ಧೂಮಿ ಬತ್ತಲ್) ಸಾದಿ ಬುಡ್ಲೆ. .

ಪೊತ್ತೆಲ್ ಧೂಮೆ ಬತ್ತೆ (ಬಾಂಪೆಲ್ ದೂಮಿ ಬತ್ತಲ್) ಸಾದಿ ಬುಡ್ಡೆ.. . ಲಿ.ಲಿ.ಲಿಲ್ಲಿ . ದೇವೆರೆನ್ ತುಂಬಿಲೆಕ್ಕ ಬಾಲೆನ್ ತೊಂಬೊಂದು ನಲಿಪುವೆರ್.

ಕೆಲವು ಜಾನಪದ ಜೋಕ್ಲೆನ ಸಾಹಿತ್ಯಡು ಕೆಲವು ಪದಕ್ಲೆಡ್ ಜೋಕ್ಲೆಗ್ ಬುದ್ಧಿ ಪನ್ಪುನೈಡ್ದ್ ಹೆಚ್ಚ ಅರಿ ಕುಶಾಲ್ ಮೆನ್ಕುಂಡು ಉದಾರ್ಮೆಗ್ ಬಾಗರೆ ಇಲ್ಲಲ್ ಸಾರ್ದ ಜೋಕುಲು ಮಂತ ಪಾರ್ದ ಪಾದೆ ಜಾರ್ದ್ ಬೂರ್ದಂದ್ ತಾಟಿ ಬೊಟ್ಟಿದ್ ತೆಲಿಪೆರ್.

ಅಂಚನೆ ಚನಿಲೊಂಜಿ ದೋಟ‌ ಪೋನಗ ಐಕ್ಕೊಂಜಿ ಪೆಲಕಾಯಿ ಪಚ್ಚಿ‌ ತಿಕ್ಕುಂಡು, ಅವೆನ್ ಜೋಕ್ಲೆಗ್ ಕೊರ್ರೆಗಾದ್ರ ತನ್ನ ಬುಡದಿನ್ ಲೆಪ್ಪುನ ನಮೂನೆ ಇಂಚ ಉಂಡು.

169