ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಇಂಚ ಪೊನ್ನುಬಾಲೆ ಆಂಡ ಕಕ್ಕೆಲೆಗ್ ಎಲ್ಲಿದಿಂಚನೇ ಜಿಂಜ ಕನಿಕರ. ಅಲೆನ್ ಮಂಗಟ್ಟಾದ್ ಅರಿಯಾಂಡ ಅರಿ, ಬಾರಾಂಡ ಬಾರ್, ತಿಕ್ಕಿನೆನ್ ಕೋಕಾಯಿಡ್ ಪತ್ತ್ ನಾತ್ ಗೋರ್ದು ಕೊನೊವೊಲಿಂದ್ ಕಕ್ಕೆಗ್ಲಾ ತೆರಿದಿಂಡು . ಇಂಚ ಕಕ್ಕೆ ಬಾಯಿಡ್ದ್ ಪನ್ಪಾಂದಿನ ಈ ಪದ ತುಳು ಜನಪದರೆನ ಸಾಹಿತ್ಯದ ಪೊರ್ಲು.
ಅಂಚನೇ . . ಬಾಲೆನ್ ಕೈತಾಲ್ ಕುಲ್ಲಾದ್ ಬಿರೆಲ್ನ್ ನೆಲಕ್ ಮುಟ್ಟಾದ್ ಐತೊಟ್ಟುಗು ನಮ್ಮ ಎಡಕೈತ ಬಿರೆಲ್ ಬುಡ್ಪಾದ್, ಬಲಕೈಟ್ ಅಬ್ಬಾ ಇಬ್ಬಾ ಮೂಜಿ ..ಪರಬ್ಬೆ.....ಕುಟ್ಟಿ, ಢಾಂ ಂ. ಟಯ್ಯ, ಪೊಂಯ್ಯ ಟುರ್ರ್ . .ಪುಸ್ಕಂದ್ ಪನ್ಪೆರ್.
ಕಡೆತ ಸಬ್ದೊಗ್ ವಾ ಬಿರೆಲ್ನ್ ಮುಟ್ಟುವೆರಾ ಆ ಬಿರೆಲ್ನ್ ಮಡಿಪೊಡು, ಅಖೇರಿಗ್ ನೆಲಕ್ ಕೈಕ್. . .ಗೊಬ್ಬುನಗ ನೆಲ ಪಿದಾಯಿ ಒರಿಂಡ ಬಾಲೆನ್ ದೆರ್ತ್ ಮೂಜಿ ಸುತ್ತು ಬರ್ಪೆರ್, ಜಿಂಜ ಜೋಕ್ಲು ಇತ್ತ್ಂಡ ಜಿಂಜ ಪೊರ್ತುಡು ಗೊಬ್ಬೊಲಿ.
•ಪತ್ತೆ ಪೆತ್ತ ಪೇರ್ ಕನಲೆ | ಗುಬ್ಬಿ ಗುಬ್ಬಿ . .ಗುಲುಗುಂಜಿ ಕನ ಕಕ್ಕೆ ಕಕ್ಕೆ ಕರಡಿಗೆ ಕನಲೆ | ಪುಚ್ಚೆ ಪುಚ್ಚೆ ಪುಂಡಿ ಕನಲೆ ನಾಯಿ ನಾಯಿ ನಾಯ್ದ ಮಗನ ಬೆರಿಕ್ ನಾಲ್ ದಡಿ ಕೊರ್ಲೆ.
•ಕೆಡೆಸ ಪತ್ಯರೋ ಆಂಜೋವು ಪುಂಡದೆ ದೇರ್ಯೆರೋ ಭೂಮಿಗ್ ಎಣ್ಣೆ ಮೈತೇರೋ ಪೂಂಜಾವು ಕುಡಾರಿ ಕುತ್ತೇರೋ, ತೆಲ್ಲಾವು, ಬಜಿಲ್ ಪನಿಯಾರ ದೀದ್ ಮುಂಡು ಬೂರೇರೋ ಬಾಲೆಗ್ ಮುಂಡು ಬೂರೇರೋ
•ಕಾನಗ್ ಪೋಪಿಗಾಲಿ,ಕೂನುಗು ತಾಗುಬಾಲೆ ಕೋಕ ಮಲ್ಪುಗ ಮುಲ್ಪ ಪೊಣ್ಣುಬಾಲೆದ ಶರೀರನ್ ಗುರ್ತ ಮಲ್ಪುನ ಕುಸಾಲ್ ಉಂಡು. ಅಳ್ಪುನ ಬಾಲೆದಪ್ಪೆ ತುದೆಕ್ ಮೀಯರೆ ಪೋನುಅಳಡೆ ಎನ್ನ ಬಂಗಾರ್ | ನಿನ್ನಪ್ಪೆ
ತುದೆ ಮೀದ್ ಬರುವಳ್ ನಿನ್ನ ಕೈತಾಳ್.
•ಅಪ್ಪೆ ಬಾಲೆನ್ ಮೋಕೆಡ್ ತೂಪಳ್ ಉಪವಾಸ ಬೂರ್ದು ಭಂಞಡಿತ್ತ್ಂಡಲಾ ಅರ್ತಿ ಪಿರ್ತಿಡ್ ಬಾಲೆನ್ ತಾಂಕುವಲ್.
ತುಳುತ ತ್ರಿಪದಿಲೆಡ್ ಅಪ್ಪೆ ಬೊಕ್ಕ ಬಾಲೆದ ಐಸಿರಿ ನೆಗತ್ದ್ ತೋಜುಂಡು,
173
