ತುಳು ಜಾನಪದ ಸಂಸ್ಕೃತಿಡ್ ಪುರುಶಾಲೆ
ಅಂಚನೆ ಬಾಲೆನ್ ಸೊಂಟಡ್ ಪತ್ತ್ದ್ ತಿರ್ಗಾನಗ
ಗಿರಿ-ಗಿರಿ ಗಿರ್ಗಿಂಡಿ, ಪುರಿ-ಪುರಿ ಪುರಿಕುಂದ್ರಿ
ಚರಿ-ಚರಿ ಚಾವುಂಡಿ, ತುರಿ-ತುರಿ ತಾರ್ಗಿಂಡಿ
ಬುರಿ-ಬುರಿ ಬೂರು...ಂಡಿಂದ್
ಒಯ್ತೊಂದು ಪದ ಪಂದ್ ಇರ್ವೆರೊಟ್ಟಿಗ್ ಬೂರ್ನ ಕಲ್ಪ ಕೋಮಾಟಿಕೆದ ಗೊಬ್ಬುಂಡು.
ಗರುಡ ಗರುಡ ಪಾತಾಳ | ರೆಂಕೆ ಬುಡ್ಪಾದ್ ಏಳ್ ಕಡಲ್ ತಿರ್ಗರೆ ಪೋನಗ|
ತರೆ ಗಿರಿಂಡ್ ಡುಬ್ಬ ಬೂರುಂಡು |
ಗಿರಿ ಗಿರಿ.. ಗಿರಿಯೊಂದ್ ಗೋವಿಂದ.
ಉಂದು ಬಾಲೆನ್ ಬೆರಿಟ್ ಕುಲ್ಲಾದ್ ಗರ-ಗರ ಸುತ್ತು ಬರ್ಪುನ ಗೊಬ್ಬುದ ಪದ.
ಬಾಲೆನ್ ಉಂತಾದ್ ಗೊಬ್ಬಾವುನ ನನೊಂಜಿ ಪದ
ತೆಯ್ಯ ತೆಯ್ಯ ತೆಯ್ಯ | ತೆಯ್ಯ ನಪ್ಪು ದಿಕ್ಕ
ಬೈತರಿತ ನುಪ್ಪು | ನೀರ್ಕ್ಕುದ ಬಜ್ಜಿ
ತಂಞನಲ್ ಬೆಂಞನಲ ತೊಯಿತ್ ಕಟ್ಟಿಗೆ ದಿಕ್ಕ
ತಯ್ಯ ತೆಯ್ಯ ತೆಯ್ಯ | ತೆಯ್ಯ ನಪ್ಪು ದಿಕ್ಕ.
ದುಂಬು ತಿರ್ತ ವರ್ಗದಾಕ್ಲೆಗ್ ಬಾಲುಲೆನ್ ಮಾನಾವನಗಲ... ಬಂಜಿದ ಬಡವುದ ನೆಂಪು, ಬಡವುಡ್ ಮಲ್ಲ ಬೇತೆ ಪ್ರಪಂಚನೆ ಇಜ್ಜಿ. ಅಕುಲು ದಿನ ಇಡಿಲಾ ಬೆನ್ನಗ... ಮಿತ್ತ ವರ್ಗದಾಕ್ಲು ಅಕುಲೆಗ್ ಸಂಬಲದ ಪಡಿಯಾದ್ ಬೈತರಿನ್ ಲತ್ತ್ ಕೊರೊಂದಿತ್ತೆಂದ್ ತೋಜುಂಡು.ಬಡವುದಾಯೆಗ್ ಅವ್ವೆ ಮಲ್ಲ ಸಿರಿ. ತಂಞನಲ- ಬೆಂಞನಲ ಅಕುಲೆಗ್ ಕನತ ಸೊತ್ತು. ಅವೆನ್ ತೊಯಿತ್ ಕಟ್ಟ್ ಗ, ನಮ್ಮಂಚಿನಾಕ್ಲೆಗತ್ತ್. ಬೈತರಿತ ನುಪ್ಪುಗು ನೀರ್ಗ್ ಪಾಡ್ಡಿನ ಕುಕ್ಕುದ ಬಜ್ಜಿ ಆಕುಲೆಗ್ ಪಂಚ ಭಕ್ಶ್ಯ. ಪರಮಾನ್ನಂದ್ ನಲ್ಪು ದಿಕ್ಕ ನಲ್ಪು ದಿಕ್ಕಾಂದ್ ಪುರುಬಾಲೆಯಾದಿಪ್ಪುನಗನೇ. . . ಆಕುಲೆನ ಸ್ಥಿತಿ-ಗತಿನ್ ತೆರಿಪೋಪುನ ಕ್ರಮ ಈ ಪದಟ್ ಉಂಡು. ಇಂಚನೆ,
161
