ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಆಡಾವೊಂದುಂಡು.. ಅಲ... ಲ..ಲ..ಲಲ ಪಂದ್ ಬಾಲೆನ್ ಮುಟ್ಟರೆಗ್ ಮಲ್ಲಕ್ಲು ಡೊಗ್ಗಲ್ ಪಾಡೊಂದು ಬೆರಿಯೇ ಪೋಪೆರ್. ಅಪಗ ಬಾಲೆ ಕುಸಿಟ್ ಬಲ್ಲಿಂದ್ ಬಿಸ ಬಿಸ ಪೋಪುಂಡು.
ಬಾಲೆ ಕಾರ್ ಗಟ್ಟಿ ಉರ್ನಗ, ಬಾಲೆದ ಸೊಂಟ ಪತ್ತ್ದ್... ಎಡ-ಬಲ ಮರ್ಗಿಲ್ಡ್ ಮಾಲಾವೊಂದು
“ಅಂಚಿಂದ್ನ್. ಚಣಿಲ್ ಇಂಚೀಂದ್ ನ್..
ಸಾಂತೇರಿದ ಮರಕ್ ಪೋತು ಕಾಯಿ ತಿಂದ್ನ್
ತಾಳೇದ ಮರಕ್ ಪೋತು ಕಳಿ ಪರ್ನ್,
ಗೋಳೀದ ಮರಕ್ ಪೋತು ಪರ್ಂದ್ ತಿಂದ್ನ್
(ಬಾಲೆನ್ ಐನಾಜಿ ಸರ್ತಿ ಅಂಚಿ ಇಂಚಿ ಮಾಲಾದ್ ಕಡೇಕ್)
ಡಬ್ಬ ಬೂರುಂಡು ಚಣಿಲ್ ದಿಬ್ಬ ಬೂರುಂಡು ಚಣಿಲ್
ಡಬ್ಬ ಬೂರುಂಡು ಚಣಿಲ್ ದಿಬ್ಬ ಬೂರುಂಡ್ಂದ್ ಪಂದ್
ಕೈ ಬುಡ್ದ್ ಬಾಲೆ ಬೂರ್ನಗ ರಬ್ಬಕ್ಕ ಪತೊನೊಡು.
ಅಂತೋನಿನ ಇಲ್ಲ ಮಿತ್, ಸಾತನೆದ ಮರ ಉಂಡು,
ಅಯಿತ್ ಒಂತೆ ಕೆತ್ತ ಕೆತ್ತ್ದ್ ಬೆರಿಕಿಂಚ ಗುಡ್ದಾಂ ಪಾಡೊಡಂದ್
ಪುರುಬಾಲೆದ ಬೆರಿಕ್. . ಗುದ್ದುನು ಮೆಲ್ಲಡ್ ಪಾಡ್ನಗ ಬಾಯಿಡ್ದ್ ದುಢುಂ ದುಢುಂ ದುಢುಂದ್ ಸಬ್ದ ಮಲ್ಪೆರ್ಗೆ, ಹೆಚ್ಚಾದ್ ಬಾಲುಲೆನ ಪದಕ್ಲೆಡ್ ಒಂಜಿ ರೀತಿದ ಸಬ್ದೊಲು ಅತ್ತಂಡ ಒಂಜಿ ರೀತಿದ ಪ್ರಾಸೊಲು ಉಪುಂಡು. ಪ್ರಾಸೊಗು ಸರಿಯಾದ್ ಅರ್ಥಲೆನ್ ನಾಡ್ಡೆರ್ ಅತ್ತಂದೆ ಅರ್ಥಗ್ ಬೋಡಾದ್ ಸಬ್ದಲೆನ್ ನಾಡ್ಜೆರ್.
ಬಾಲೆ ಪಿಟಿ ಪಿಟಿ ನಡಪುನಗ, ಮಲ್ಲಕ್ಲು ಕೈ ಪತ್ತ್ ದ್
ಬೆರೆಣೆರವುಲು ಕಾರ್ಯ, ಜೋಕುಳು ಮಾತಾ ಪಾರ್ಯ
ಪಾರ್ದ್ ಜಾರ್ಡ್ ಬೂರ್ಯ, ಮುಂಡೆದ ಬಲ್ಲೆ ನೂರ್ಯ,
ಪುಂಡದ ಕಿನ್ನಿ ಪತ್ಯ.
ಬಲಿಪೆರ್. ಪಾರ್ವರ್... ಬೂರುವೆರ್,.. ನೂರ್ವೆರ್, ಬೊಕ್ಕ ಬಾಲೆನ್ ದೆರ್ತ್ತದ್, ಪತ್ತೆದ್ ಮೂಜಿಸುತ್ತು ತಿರ್ಗಾದ್ ಕುಲ್ಲಾನಗ... ಬಾಲೆಗ್ ತರೆಗಿರಿಲೆಕ್ಕಂದ್.. ಬೊಕ್ಕಲ ಬಾಲೆ ಅಂಚ ತಿರ್ಗಾವರೆಗಾದ್ರ ಚೊರೆ ಮಲ್ಪುಂಡು. ه
160
