ತುಳು ಜಾನಪದ ಸಂಸ್ಕತಿಡ್ ಪುರುಬಾಲೆ
ಮಲ್ಲಾಕ್ಲೆನ ಮದಪುಡು.. ಏತೋ ಸರ್ತಿ ಮಂಚವುಡ್ದ್, ತಿಟ್ಟೆಡ್ದ್, ತೊಟ್ಟಿಲೆಡ್ದ್ ಬಾಲೆಲು ಬೂರ್ನಲ ಉಂಡು.ಅಪಗ ಬಾಲೆಲೆನ್ ದೇವರೇ ಕಾಪಾಡೊಡು. ಅಂಚಿನ ಪೆಟ್ಟುಲು ಮಲ್ಲಕ್ಲೆಗ್ ಆದಿತ್ತಂಡ ಎಲು ಪೊಡಿ ಪೊಡಿ ಆವು. ಕಂಕನೆ ಬೂರ್ದಿನ ಬಾಲೆ ಬುಲಿಪಂದೆ, ಮನಿಪಂದೆ ಇತ್ತಂಡ ಆ ಬಾಲೆ ಪೀ ಮಲ್ತ್ಂಡ್ಂದ್ ಲೆಕ್ಕ. ಪೀ ದೊಟ್ಟುಗು ಪಡ್ಕೆಲಾ ಮಲ್ತ್ ಆ ಕಳಕಂಬಳಡ್ ಬಾಲೆ ಚಕ್ರ ಸುತ್ತು ಪಾಡೊಂದು ನಿಂದೊಂದಿಪ್ಪುನಗ ಐಕ್ ಭಾರಿ ಕುಷಿ. ಪೀನ್ ಕೈಟ್ ಪೊಜಂಕ್ದ್ ಒರ ಒರ ಕೈ ನಿಲ್ಕೆ, ಮೈ ನಿಲ್ಕೆ ಕೊಡಿ ಕಡೆ ಮಲ್ತೊಂದ್ ಬಾಯಿಗ್ಲ ದೀವೊಂದಿಪ್ಪ. ಅಂಬಿ ಗಟ್ಟಿನ ನೆಲ ಆಂಡ ಅಂಬಿಲಾ ಬಾಯಿಗ್ ಪೋದಿಪ್ಪು. ಬೊಕ್ಕ ಅಪ್ಪೆಗ್ ಆ ಬಾಲೆನ್ ತರೆಕಾ-ಮೈಕಾ ಮೀಪಾವೊಡಾಪುಂಡು. ಇಂಚ ಪುರುಬಾಲೆಲು ಪಕ್ಕ ಗಾಲಿಗ್ ಮಲ್ಲಪುಜ್ಜ. ಅಪ್ಪೆಗ್ಲ ಕೆಲಸರ್ತಿ ಮಲ್ತಿನ ಬೇಲೆನ್ ಅರ್ಧಡೇ ಬುಡ್ದು ಬರೆಗಾಪುಜ್ಜಿ. ಬಾಲೆ ಬುಲಿತೊಂದಿಪ್ಪುಂಡು.
ಐಕಾದ್ರ ದುಂಬುದಾಕ್ಲು ಬುಲ್ತ್ ಬುಲ್ತ್ದ್ ರಾಗ, ನಲ್ತ್ ನಲ್ತ್ದ್ ಲಾಗಂದ್ ಪನ್ತೆರ್.
ಕೆಲಸರ್ತಿ ಬಾಲೆಲು ಬುಲ್ತ್ ಬುಲ್ತ್ ದ್ ಅಡೇಗೇ ನಿದ್ರೆ ಮಲ್ಪುವ-ಅಂಚ ಅರಸೆರ್ನ ಇತ್ತಿನ ಜೋಕ್ಲಾಂಡಲ ಸಮ ಪೀ ತಿಂದೇ ಮಲ್ಲೆ ಆಪುನೀಂದ್ ದುಂಬುದಾಕ್ಲು ಪನ್ಪೆರ್. ಬಾಲುಲೆನ ಚರ್ಯೆಲೆಗ್, ಗೊಬ್ಬಾಟಿಗೆಗ್, ಮಲ್ಲಾಯೆ, ಪಾಪದಾಯೆಂದ್ ಬೇತೆ ಬೇತೆ ಕಟ್ಟುಂಡ ? ಇದ್ಯತ್ತೆ.
ಕೆಲವು ಬಾಲೆಲು ಬಂಜಿ ಒಯ್ಪಂದೆ ಕೃಷ್ಣ ದೇವೆರ್ನಲೆಕ್ಕ ಡೊಗ್ಗಲ್ ಪಾಡೊಂದು ಬಲಿಪುನ, ಅವೆನ್ ತೂವೆರೆ ರೆಡ್ಡ್ ಕಣ್ಣಿಲಾ ಯಾವಂದ್.
ಗುಡು ಗುಡು ಗುಡು ಬತ್ತೆ ಪೋಕ್ರಿ, ಇಲ್ಲದಾಕ್ಲೆಗ್ ಮಲ್ಪರೆ ಚಾಕ್ರಿ.
ನೀರ್ ಗೂಪುನ, ತೂತ ಕೊಳ್ಳಿ ಒಯ್ಪುನ, ತಿಕ್ಕಿನನ್ ಬಾಯಿಗ್ ಪಾಡುನ., ಕೈ- ಕಾರ್ ಬತ್ತಿನ ಬಾಲುಲೆನ್ ಕಾಪುನ ಪಂಡ ಸಾರ ಕಣ್ಣ್, ಸಾರ ಕೈ ಇತ್ತ್ಂಡಲಾ ಯಾವಂದ್, ಅಪ್ಪೆ ಮೈ ಒರ್ಮೆಲ ಕಣ್ಣಾದ್ ತೂವೊಂದಿಪೊಡು.
ಬಂಜಿ ಒಯ್ಪಂದೆ ಡೊಗ್ಗಲ್ ಪಾಡುನ ಬಾಲೆಲೆಗ್ ಗಂಜಿ ಓಂಡು ಬಾಲೆ, ಬಂಜಿಡುಂಡು| ಬಂಜಿ ಓಂಡು ಬಾಲೆ, ನೆತ್ತಿಡುಂಡು | ನೆತ್ತಿ ಓಂಡು ಬಾಲೆ ಕುತ್ತಿಡುಂಡು| ಕುತ್ತಿ ಓಂಡು ಬಾಲೆ, ಮೂಲುಂಡು, ಗಣ-ಗಣ ಗಣ
159
