ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪುರುಬಾಲೆ ಪುಂಡಿನ್ ಗಟ್ಟಿಡ್ ಪತ್ತೊಂದಿಪ್ಪುನೆನ್ ನಮ ತೂಪ. ಆ ಪುಂಡಿಡ್ ದೇವೆರ್ ಪುಂಡಿ ನಿಲ್ಕೆ ಕಾಸ್ ಕೊರ್ತಿಪ್ಪೆರ್ಗೆ. ನಿನ್ನ ಕೈಟ್ ಕಾಸ್ ಕೊರ್ತೆ ಕೊರ್ತೆ ಪನ್ನಗ ಬಾಲೆ ತೆಲಿಪುಂಡುಗೆ. ನಿನ್ನ ಕೈಟ್ ಕಾಸ್ ಇಜ್ಜಿ ಇಜ್ಜಿಂದ್ ಪನ್ನಗ ಬಾಲೆ ಬುಲಿಪುಂಡುಗೆ.
ಬಾಲೆ ಒಂಜಿ ವರ್ಷ ಆನಮುಟ್ಟ ಪಕ್ಕ-ಪಕ್ಕ ಬುಲಿಪುಂಡು. ಕೈ-ಕಾರ್ ಆಡಾವೊಂದು ಬಾಯಿನ್ ಆ... ಊಂದು ಪನ್ನೊಂದಿತ್ತಿನ ಬಾಲೆಗ್ ರಡ್ಡ್ ತಿಂಗಲ್ ಆನಗ ಒರ್ದ ಬೂರ್ರೆಗ್ ಪ್ರಯತ್ನ ಮಲ್ಪುಂಡು. ಚುರ್ಕುದ ಬಾಲೆಗ್ ರಡ್ಡ್ ರಡ್ಡರೆ ತಿಂಗಲಾನಗ ಕಂಕಣೆ ಬೂರುವ. ಕೈಟ್ ದೇವರ್ಲೆಕ್ಕೆ ಬಾಲೆನ್ ಪತೊಂದೇ ಕುಲ್ಲುಂಡ ಆ ಬಾಲೆಲು ದಾಲ ಮಲ್ಪಂದೆ ಮನಿಪಂದೆ ಜೆಪ್ಪುವ. ನಿದಿರೆದ ಪೊರ್ತು ಅತ್ತವಂದೆ ಬಾಕಿ ಪೊರ್ತುಡು ಐಕ್ಲೆನ್ ತಟೊನೊಡು.. ಇಬ್ಬಡ ಕಿರ್ಕಟ್ ದ್ ಬುಲಿಪುನುಂದ್ ಲೆಕ್ಕ. ಕೆಲವು ಜೋಕ್ಲಗ್ ಅಪ್ಪನೇ ಆವೊಡು, ಬಾಕಿದಾಕ್ಲು ಪತ್ತ್ಂಡ ತೂಂಕುಂಡ ರಂಭರೂಟಿಡ್ ಬುಲಿಪುವ. ಮಾತೆರ್ನ ಕೈಟ್ ಪೋದು ಪೊಲಸಿತ್ತಿನ ಬಾಲೆದ ಮಂಡೆ ಕೈ-ಕಾರ್ ಬೇಗ ಗಟ್ಟಿ ಆಪುಂಡು, ಉಂತರೆ, ನಲಿಪರೆ ತೂಪ. ಕಂಕಣೆ-ಮರಂಕನೆ ಬೂರ್ದು ದುಂಬು ಪೋವರೆಗೆ ಅಬ್ಬೆಸ ಮಲ್ಪುವ. ಅಪಗ ಏತೋ ಸಲ ಪಿರ ಮಗ್ರ್ನಗ... ಬಾಲುಲೆನ ಬುಲಿಪಟಿಕೆ ತೂವೊಡು, ಅಪಗ...
ಕಂಕನೆ ಮರಂಕನೆ ಬೂರುನ ಮಾಮ್ಯ ಕಲ್ಲೆಗೇತರಿ?ಬಯ್ಯಗೇತರಿ? ಂದ್ ಈ ಸಾಲ್ಡ್ ಪನ್ಪೆರ್.
ಈ ಪದಟ್ ದಾದಲಾ ಅರ್ಥ ತೋಜ್ಜಿ.
ನನೊಂಜಿ ಪದ ಇಂಚ ಉಂಡು.
ಕಂಕನೆ ಬರೊಂಡೆ ಮೂಂಕು ಚಟ್ಟೆ ಆಂಡ್ | ಮರಂಕನೆ ಬರೊಂಡೆ ಮಂಡೆ ಚಟ್ಟೆ ಆಂಡ್|
ಕಂಕನೆ ಬೂರ್ನಗ ಪೂಕಿ ಪೋಂಡು ಪುರ್..ಪುರ್.ಪುರ್.. ಮರಂಕನೆ ಬೂರ್ನಗ ಪೊಸ್ರ ಪೋಂಡು ಚುಳ್ಯ, ಚುಳ್ಯ, ಚುಳ್ಯ.. ಪೀ-ಪೊಸ್ರದ ಕಂಬಳಡ್ ಓಡ ಒಚ್ಚುನ ಬಾಂಪೆಲೆ.
ಬಂಜಾರೆ ತಿಂದ್ದ್ ಕಂಕಣೆ ಬೂರ್ದಿನ ಬಾಲೆಗ್ ಆಡಿಗೆ ಬಯಿಜ್ಜಡ ಒರಾನೆ ಬಸ ಬಸ ಕಕ್ಕುವ. ಪೊಸ ಪೊಸ ವಿದ್ಯೆಲೆನ್ ಕಲ್ಪರೆಗ್ ಸುರು ಮಲ್ತಿನ ಬಾಲೆನ್ ನಮ ಇಡೀ ದಿನ ಕಾಪೆರೆಗಾಪುಂಡ? ಕಂಕಣೆ ಬೂರ್ದು.. ಬಂಜಿ ಬೇನೆಡ್ ಒರಾನೇ ಬುಲ್ಪರೆ ಸುರು ಮಲ್ಪ. ಇಜ್ಜಿಡ ಒರಾನೇ ಮರಂಕನೆ ಬೂರ್ನಗ ತರೆಕ್ ಪೆಟ್ಟಾದ್ ಮೊಳಪೆ ಬರು.
158
