ಕಾರ್ ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಕಾರ್ ಕಾರ್, ಕಾರ್‌ಗ್ ಕಾಲೆನಯಿ ಅಗಿನ್ ಜೋರ್-ಜೋರ್-ಜೋರ್, ಜೋಕೆಗ್ ಜೋರ್ ನಾಯಿ ಅಗಿನ್, ಮರ್ದ್ ಅಂಪುಲ ತೋಮಪ್ಪ, ಮರ್ದದ ಚೀಲ ಉರ್ದುದ ಖಂಡಡ್ ಬೂಳ್ಯ ಫೋನಪ್ಪಾ ಬೂಳ್ಯ ಪೋನಪ್ಪ, ಇಂಚ ಬಾಲೆಲೆನ ಎದುರ್... ಬುಲಿಪುನ.. ಮರ್ದ್ ಕಡೆದ್ ಕನನಗ, ಡುಬ್ಬ ಬೂರುನ.. ಬುಲಿಪುನ ! ತಾಂಗ್ ಪತ್ದ್ ಬಾಲೆನ್ ತೆಲಿಪೋಪೆರ್. ಪುರುಬಾಲೆದ ಮಂಡೆ ಬಲದಾಂತೆ ಅಂಚಿ ಇಂಚಿ ಅಡಾನಗ, ಮಂಡೆ ಅಂಚಿ ಇಂಚಿ ಆಡೇಲೆ, ಚೆಂಡೆಲ್ ಅಂಚಿ ಇಂಚಿ ಆಡೇಲೆ ಒರುದ ಕಣ್ಡ್ ತೂಪೆಲೆ, ಹುಯ್ ಹುಯ್ಕ ಎಕ್ಕತಲೆ ಪುರ್ಕ್ ಪುರ್ಕ್ ಪೂಪೆಲೆಂದ್ ಗೊಬ್ಬಾವರ್. ಅಂಚನೆ ಬಾಲೆನ್ ಬೆರಿಟ್ ಉಪ್ಪು ಮೂಟೆದಲೆಕ್ಕ ಪತ್ತೊಂದು ಗೊಬ್ಬಾವುನ ನನೊಂಜಿ ಪದ ಉಂಡು. ಉಪ್ಪು ಬೋಡಾ... ಉಪ್ಪು | ಕಡಲ್‌ ಉಪ್ಪು, ಉಡಲ್‌ದ ಉಪ್ಪು, ಕಾಸ್‌ಗೊಂಜಿ ಉಪ್ಪು | ದುಡ್ಡುಗೊಂಜಿ ಉಪ್ಪು ಪಣವುಗೊಂಜಿ ಉಪ್ಪು | ಪಾವಲಿಗೊಂಜಿ ಉಪ್ಪು ರೂಪಾಯಿಗೊಂಜಿ ಉಪ್ಪು | ವರಹಗೊಂಜಿ ಉಪ್ಪು ಬೋಡಾ.. ಬೋಡಾ... ಬೋಡಾಂದ್ ಇಲ್ಲದಲ್ಲಿನ ಮೋನೆಗೆ ಬಾಲೆದ ಪುಕುಲಿನ್ ತಿರ್ಗಾದ್ ಪುರ್ಕ್- ಪುರ್ಕುಂದ್ ಪನ್ನೆರ್. ಕೆಲವು ಜೋಕ್ಲಗ್ ಕೋಪ ಬತ್ತ್ಂಡ ಪಿರಿಕಟ್ಟೆ ಇಜ್ಜಿ. ಎಂಚ ಎಂಚ ಮಾನಾವುಂಡಲಾ... ಬುಲಿಪುನಿ ಪಂದೆ ಅರ್ಥ. ಕೊರಿನೆನ್, ಎದುರಿತ್ತಿನೆನ್ ದಕ್ಕದ್ ಇಲ್ಲಿ ಕೊಡಿ ಕಡೆ ಮಡಸ್ಥಾನ ಪಾಡೊಂದು, ಕೈಟ್ ನೆಲಕಾಯಿ ದರ್ತೊಂದು, ಕಾರ್ನ್ ಪಟ-ಪಟ ಹಾಕೊಂದು ಬುಲಿಪುನಗ ಅಪ್ಪೆಗ್ - ಇಲ್ಲದಾಗ್ಲೆಗ್ ಮಂಡೆ ಬೆಚ್ಚ ಆಪುಂಡು. 162 -S
