ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಅಪ್ಪೆ... ಬಂಜಿಡ್ ಬಾಲೆಲು ಉಪ್ಪುನಗಯಿಕೇರ್ ಪೊದಿಕೆ ಕಡಪುಡ್ ಕೊರ್ತೆರ್ ತಯ್ಪಿನ ಪುಟ್ಟುನ ಪೊರ್ತುನು ತಪ್ಪಾದ್ ಕುಲ್ಲಿಯೆರೆಗೂರುಡೇರ್ ಸಮರ್ತೆ.
-ದಿ. ಬಡಕಬೈಲ್ ಪರ್ಮೇಸ್ರಾಯೆರೆನ ತುಲು ನೀತಿ ಪದ್ಯೊಲು ಪನ್ಪಿ ಪುಸ್ತಕೊಡ್ಡು ಅಪ್ಪೆ ದೆತ್ತೊಂಡಿ ಮರ್ದ್ ಬಂಜಿದ ಬಾಲೆನೇಪೊಲ ಕಾಪುಂಡು. (ತನ್ನೆ ಸೇವಿತಿನೌಷಧಾಮೃತೊ ಬಾಲೆ ರಕ್ಷಿಪು ಬಂಜಿತಾ) ತುಳು ಕಾವ್ಯ - ಕಾವೇರಿ 8.21- ಡಾ.ಕೆ.ಪದ್ಮನಾಭ ಕೇಕುಣ್ಣಾಯ.
ಜೋಕ್ಲು ಆವಂದಿನೈಕ್ ಬೇತೆ ಬೇತೆ ನೂದ್ ಕಾರನ ಇತ್ತ್ಂಡಲ್ಲ. ಆ ತಪ್ಪುದ
ಮಾತಾ ಪುದೆನ್ ಪಿರಾಕ್ಡ್ ಪೊನ್ನನ ತರೆಕ್ ಪಾಡೊಂದಿತ್ತೆರ್. ಬಾಲೆಲ್ ಆತಿಜ್ಜಿ ಪನ್ಪಿ ಈ
ಕಾರನಗಾದ್ರ ದುಂಬು ಆನಗ್ ನಾಲೈನ್ ಮದ್ಮೆನ್ ಮಲ್ತೊಂದಿತ್ತೆರ್. ಈ ಅಪವಾದದ
ಪಾಪದ ಪುದೆ ತುಂಬುದಿನ ಪೊನ್ನನ ಬದ್ಕ್ ಕನ್ನನೀರ್ದ ಕಡಲ್ದಲೆಕ್ಕ.
ಕೆಲವೆರ್ ಜೋಕ್ಲೆನ್ ದತ್ತು ಸ್ವೀಕಾರ ಮಲ್ತೊಂದಿತ್ತೆರ್. ಅಂಚಾದ್ ಪೊನ್ನುಲೆಗ್
ಮದ್ಮೆ ಆಪುನ ಮಾತ್ರ ಅತ್ತ್. ಒಂಜಿ ಬಾಲೆನ್ ಪೆದ್ದುನ ಮುಟ್ಟ ಆಲೆನ ಬಂಜಿಡ್ ಬಜಿಲ್
ಮೆದ್ದುನ ಪೋಡಿಗೆ ಇತ್ತ್ಂಡ್.
ಪೊನ್ನು-ಆನ್ಲು ಮದ್ಮೆ ಆದ್ ಒಟ್ಟ್ಗಾದ್ ಬೊಕ್ಕ ಬಂಜಿನಾಲ್ ಆಪುನಂಚಿತ್ತಿನವು ಒಂಜಿ ಸೂಕ್ಷ್ಮವಾಯಿನ ಕ್ರಿಯೆ. ಕಷ್ಟನಾ ಸುಖೊನ ಬದ್ಕ್ ಪನ್ಪುನವು ಎಂಚನೇ ಉಪ್ಪಡ್.. ವಂಶ ತೆಗಲೆರೆಗಾದ್ರ ಬಾಲೆ ಬೋಡೇ ಬೋಡು. ತೈತಿ ಬೊಕ್ಕ ಮೋಕ್ಷ ತಿಕ್ಕೊಡಾಂಡ ಜೋಕ್ಲೆಡ್ದ್ ಪನ್ಪುನ ನಂಬಲಿಗೆ ನಮ್ಮ ಸಮಾಜಡುಂಡು. ಶಿಷ್ಟ ವರ್ಗಡ್ ದುಂಬು ಪೊನ್ನು ಜೋಕ್ಲೆಗ್ ತೊಟ್ಟಿಲ್ದ ಬಾಲೆ ಉಪ್ಪುನಗನೇ ಮದಿಮೆ ಮಲ್ತೊಂದಿತ್ತೆರ್.
ದುಂಬು ಪೊನ್ನು ಮದಿಮೆ ಆವಂದೆ ಮದ್ಮಾಲ್ ಆಂಡ ಕನ್ನ್ ಗ್ ಕುಂಟು ಕಟ್ದ್ ಕಾಡ್ಗ್ ಬುಡ್ಪುನ ಮಲ್ಲ ಸಿಕ್ಷೆದ ನಡಾವಲಿ ಇತ್ತಂಡು. ಆಲೆನ್ ಕಾಡ್ಡ್ ಏರ್ ರಕ್ಷನೆ ಮಲ್ಪೆರಾ.. ಅಕ್ಲು ಮದಿಮೆ ಆವೊಂದಿತ್ತೆರ್ ಅತ್ತಡ ಆಲೆನ್ ದೀಪಾವೊಂದಿತ್ತೆರ್. ಒಂಜಿವೇಲೆ ಅಲ್ಪ ಬಂಜಿಗ್ ದಾಂತೆನಾ .. ಅತ್ತಡ ಕ್ರೂರ ಮುರ್ಗುಲು ತಿನ್ಂಡಲಾ ಕೇನುನಾಕ್ಲ್ ಇತ್ತೀಜೆರ್. ಇಂಚಿನ ದು:ಖೇದ ಪ್ರಸಂಗ ಕೋಟಿ-ಚೆನ್ನಯ ಪಾಡ್ಡನಡ್ ಬರ್ಪುಂಡು. ಐಟ್ ಅಕುಲೆನ ಅಪ್ಪೆ ದೇಯಿ ಬ್ರಾಣೇರಂದ್ ತೋಜಿದ್ ಬರ್ಪುಂಡು.
ಮಾತೃ ಮೂಲ ಪದ್ಧತಿಡ್ ಈ ಸಮಸ್ಯೆಲಾ ಇಜ್ಜಿ. ಪೊನ್ನು ಪೋದು ಪೊಂಜೋವು ಆಪುನ ದೈಹಿಕ ಬದಲಾವಣೆದ ಕ್ರಿಯೆಗ್ ತಲೆನೀರ್ ಮದಿಂದ್ ಪನ್ಪೆರ್. ಬಿರಣೆರೆಡ್
15
