ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಐಕಾದ್ರ... ಇತ್ತೆದ ಬಾಲುಲೆಗ್ ಕುಪ್ಪಿದ ಪೇರೇ ಗತಿ. ಮಿರೆ ಪೇರ್ನ್ ಕಾಯ್ಪೊಡ? ಬೆಚ್ಚ ಮಲ್ಪೊಡ? ಕುಪ್ಪಿ ದೆಕ್ಕೊಡ? ಗೂಪುಂಡ ? ಹಾಲಾಪುಂಡ? ಇಂಚಿನ ವಾ ಪೋಡಿಗೆಲಾ ಇಜ್ಜಿ. ಮಿರೆ ಪೇರ್ನ್ ನೆನಪುನಗ, ಬಾಲುಲೆಗ್ ಕೊರೊಲಿಂದ್ ಆ ದೇವೆರ್ ಅಪ್ಪೆಡಿಕ್ಲಗ್ ಕೊರ್ತಿನ ವರ. ಈ ಕ್ರಮಟ್ ಅಪ್ಪೆ ಬಾಲೆಲೆನ ಸಂಬಂಧ ಅಖೇರಿಮುಟ್ಟ ಉಪ್ಪುಂಡು. ಆ ಮೋಕೆದ ಕೊಲ್ಕೆ ಏಪಲಾ ಕಡಿಪುಜಿಂದ್ ವಿಜ್ಞಾನಿಲು ಸಂಶೋಧನೆ ಮಲ್ತದ್ ಪನ್ತೆರ್.
ಆ... ಆ... ಆ... ಅಜ್ಜಿಗ್… ಅಜ್ಜಗ್, ದೊಡ್ಡಗ್, ಮಾಮಗ್, ಮಾಮಿಗ್, ಚಿಕ್ಕಪ್ಪಗ್,
ಚಿಕ್ಕಮ್ಮಗ್, ಪಲಿಕ್, ಪಲಯಗ್, ಮೆಗ್ಯಗ್, ಮೆಗಿದಿಗ್, ಆಕೆರಿಗ್ ಇಲ್ಲಡಿತ್ತಿನ ಪೆತ್ತ ಕೈಕಂಜಿ,
ನಾಯಿ, ಪುಚ್ಚೆದ ಪುದಾರ್ ಪಂದ್ ಬಾಲೆದ ಬಾಯಿಗ್ ಗುಲ್ಲೆ ತಲ್ಲನಗ... ಐಕ್ ನುಪ್ಪು
ದಿಂಗ್ನನೆ ಮಾತೃ ಪೋದು... ಇಲ್ಲದಾಕ್ಲೆನ ಪುದಾರ್ದ ಗುರ್ತ-ಅರ್ಥನ್ ಎಲ್ಲಿಡೇ
ತೆರಿಪುಂಡು.
ಬಾಲೆನ್ ಮಟ್ಟೆಲ್ಡ್ ಕುಲ್ಲಾದ್ ಗೊಬ್ಬವುನ ನನೊಂಜಿ ಪದ ಉಂಡು, ಬಾಲೆದ ಕೈಟ್ ತುಡೆಕ್ ಹಾಕಾವೊಂದು,
ಒರ ಬಲದೆ ನೆಟ್ ಕುಲ್ಲುದೆ | ತಮ್ಮೆ ಓಂಡುದೆ? ಸುಣ್ಣ ಕೊರುದೆ|
ಪೂಲು ಕೊರುದೆ ಇಂಚ ಗುದ್ದುದೆ | ಇತ್ತೆ ಅಜ್ಜನ ಬಾಯಿಗ್
(ಅಜ್ಜಿನ) ದೊಡ್ಡನ ಬಾಯಿಗ್ ಗುಲ್ಕ ಪಾಡ್ದೆ|
ಬಚ್ಚಿರೆದ ಮುದ್ದೆನ್ ಅಜ್ಜ-ಅಜ್ಜಿನ ಬಾಯಿಗ್ ದೀಯರೆಗ್ ಪುಲ್ಲಿಲೆಗ್ ಕುಶಿಯೋ ಕುಶಿ. ಅಕುಲು ಬಚ್ಚಿರೆ ಗುದ್ದುನ ಸೊರ ಕೇಂಡ ಸರಿ ಬಾಲೆಲು ಒಲ್ಪ ಇತ್ತಂಡಲಾ ಅಲ್ಪ ಹಾಜರ್. ಅಕುಲೇ ಬಚ್ಚಿರೆ-ಪೂಲು ಕೊರೊಡು. ಟಕ 0 ಟಕ ಗುದ್ದೊಡು, ಗುಲ್ಕಂದ್ ಬಾಯಿಗ್ ಪಾಡ್ನಗ... ಬಾಲೆಲೆನ ಕುಷಿನ್ ಪುಗರ್ರೆಗಾವಂದಿನವು. ಇತೆದ ಅಪ್ಪೆಡಿಕ್ಲಗ್ ಬಾಲೆ ಬಾಯಿ ಕೊರ್ದು ಬುಲ್ತುಂಡ ರಡ್ಡ್ ದಡಿ ಕೊರ್ರೆಗ್ಲ ಪಿರ-ದುಂಬು ತೂಪುಜೆರ್. ಕಾರ್ಟೂನ್ದ ಚಾನ್ನೆಲ್ ಪಾಡ್ದ್... ಬಾಲೆದ ಬಂಜಿಗ್ ಕೊರ್ಪೆರ್. ಉಪ್ಪುನ ಒಂಜಿ ಬಾಲೆ ಕಾರ್ಟೂನ್ ಅತ್ತಡ ಕಾಮಿಕ್ಸ್ ಬೂಕು ತೂದೇ ಮಲ್ಲೆಆಪಿನವು ಇತ್ತೆದ ಬಾಲೆಲೆನ ಗೆರಚಾರ.
155
