ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಕಡೆತ ಸಾಲ್ ಪನ್ನಗ ಬಾಲೆದ ಕೈನ್ ತರೆತಮಿತ್ತ್ ದೆರ್ತದ್ ಜೋಡಿಸಾದ್ ಪತೊನ್ವೆರ್.
ಬಾಲೆ ಪಂಡ ನಮನ್ ಮಂಗ ಮಲ್ಪುನ ಜೀವೊದ ಕೊಡಿ, ಐತೊಟ್ಟುಗ್ ಮನಿಪಂದೆ
ಬಾಯಿಗ್ ಬೀಗಪಾಡ್ದ್ ಕುಲ್ಲರೆಗಾವ? ಬಾಲೆಲೆನ್ ಮೋಕೆಡ್ ಸಾರ ಪುದಾರ್ಡ್
ಲೆಪ್ಪುವೆರ್.ಲೋಕಡ್ ಬಿಲೆಬಾಲುನ ಸೊತ್ತುಲು ಮಾತಾ ಅಪ್ಪೆ ಬಾಲೆಗ್ ಪುದಾರ್ಂದೇಲೆಕ್ಕ
ಬಾಲೆದ ಬಂಜಿಗ್ ಬಡವತ್ತಡ ನುಪ್ಪು ಕೊರ್ನಗ,
ಭೂರಿ ಭೋಜನ ಅಂಪರೆ | ಕುಕ್ಕೆ ಲಿಂಗನ್ ಸೂಕ
ಕುಮಾರಧಾರೆಡ್ ಮೀಕ | ಒಡೆ ಪರಮಾನ್ನ ತಿನ್ಕ.
ಚಾಮಿ ದೇವರೇ ಸುಬ್ಬರಾಯರೆಗ್... ಭೋಜನ.ಭೋಜನ
ಭೋಜನ್ ಭೋಜನ್...ಂದ್ ಕೈತ ಗುಲ್ಲೆನ್ ಬಾಲೆದ ಬಾಯಿಗ್ ಗುಳಂ ಪಾಡ್ವೆರ್.
ಅಂಚನೆ... ಇಲ್ಲದಾಕ್ಲೆನ ಮಾತೆರ್ರ್ನಲ ಪುದಾರ್ಪಂದ್.. ಕೈತ ಗುಲ್ಲೆನ್ ಬಾಲೆಗ್ ಮಾಣಾದ್ ಉನ್ಪಾವೆರ್. ಬಾಲೆಗ್ ಕೂಲಿ ಬತ್ತಿ ಬೊಕ್ಕ ನುಪ್ಪುನು ಬಾವಡೆಗ್ ಪಾಡ್ದ್ ಮಂತ್ಡ್ ಸಣ್ಣ ಕಡೆದ್ ಐಕ್ ನೈತ ಪಸೆ,, ರೆಡ್ಡ್ ಉಪ್ಪು ಪಾಡ್ಡ್.. ಉಂಡೆ ಮಲ್ತದ್ ನೆಲಟ್ ಪಾಡ್ವರ್ಗೆ, ಅವೆನ್ ಬಾಲೆ ಪೆಜ್ಜಿದ್ ತಿನ್ನಂಡ ಮೈಕ್ ಪತ್ತುಂಡುಗೆ. ಆಂಡಲಾ ಬಾಲೆಗ್ ಬಂಜಿಗ್ ಹಾರ ದೆತೊನೆಗ್ ಜಿಂಜ ಉರು. ಅಪ್ಪೆನ ಪೇರ್ ಬೋಡುಂದ್ ಪಪ್ಪುನ ಛದಿ. ಅಪ್ಪೆ ಒಲ್ಪ ಕುಲ್ಲಡ್.. ವಾ ಬೇಲೆ ಮಲ್ತೊಂದಿಪ್ಪಡ್, ಮಿರೆತ ಮದೆತ ಸಿರೆಂಗ್ನ್ ರಾಕೆನ್ ಬದಿಗ್ ಮಲ್ತ್ದ್ ಎಂಚಾಂಡಂಚ ಪೇರ್ ಪರ್ಪುನವು ಬಾಲುಲೆನ ಬಿರ್ಸಾತಿಕೆ.
ಬಾಲೆಗ್.. ಬೇತೆ ವಾ - ಹಾರ ಕೊರ್ಂದೆ, ದುಂಬುದಾಕ್ಲು.. ಐನ್ ವರ್ಷ ಮುಟ್ಟ
ಬಾಲೆಗ್ ಮಿರೆ ಪೇರ್ ಮಾತ್ರ ಕೊರ್ದು ಮಲ್ಲೆ ಮಲ್ತಿನಾಕ್ಲು ಉಲ್ಲೆರ್.
.
ಪೇರ್ ಬಾಲೆಗ್ ಕೊರೊಂದೇ ಇತ್ತಂಡ ಬಾಲೆಗ್ ರೋಗನಿರೋಧಕ ಶಕ್ತಿ ಬರ್ಪುಂಡು ಬೊಕ್ಕ ಅಪ್ಪೆಗ್ ಬೇಗ ಗಬ್ಬ ಬರ್ಪುಜ್ಜಿಂದ್ ಇತ್ತೆದ ಡಾಕ್ಟರ್ನಾಕ್ಲು ಪನ್ಪೆರ್. ಅಂಚ ಈ ಸತ್ಯನ್ ನಮ ದುಂಬುದ ಅಪ್ಪೆಡಿಕುಲು ತೆರಿದಿತ್ತೆರ್. ಈ ವಿಷಯಡ್ ಅಪ್ಪೆಯಡಿಕ್ಲೆಗ್ ನಾಸಿಕೆ ಇತ್ತಿಜ್ಜಿ. ಆಕುಲೆನ ಪೊರ್ಲು ಮೈಕಟ್ ಹಾಲಾಪುಂಡು ಪನ್ಪುನ ಪೋಡಿಗೆ ಇತ್ತಿಜ್ಜಿ. ಇತ್ತೆದಾಕ್ಲು ಬಾಲೆಗ್ ಪೇರ್ ಕೊರಿಯರೆಗ್ ಪಿರ-ದುಂಬು ತೂಪೆರ್.
154
