ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೫೭

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ

ಹೆಚ್ಚಾದ್ ಬಾಲೆಲೆನ ಪದಕ್ಲೆಡ್ ಆನ್ಜೊಕ್ಲೆನ್ ಮಾನಾವುನ ಪದಕುಲು ಹೆಚ್ಚ ದುಂಬುಡ್ಡ. ಆನ್ಬಾಲೆಗೇ ಮದಿಪು.ಆ ಪದಕ್ಲೆನ್ ಪೊನ್ಸ್ಬಾಲೆಗ್ ಅದಲ್-ಬದಲ್ ಮಲ್ತೊಂದು ಪನ್ಪೆರ್. ದುಂಬುಲಾ ಲಿಂಗ ತಾರತಮ್ಯ ಇತ್ತಂಡ್ ಪನ್ಪುನೈಕ್ ಉಂದೊಂಜಿ ಉದರ್ಮೆ.ಆಂಡ ಮುಲ್ಪ ಪೊನ್ನುಮಗಲೆನ್ ಅರ್ತಿ-ಕುಸಾಲ್ಡ್ ಮಕ್ಕರ್ ಪನ್ಪುನ ಒಂಜಿ ಪದ ಇಂಚ ಉಂಡು. ಛವಿ ದೋಷ ಇತ್ತಿನ ಬಾಲೆಲೆಗ್ ಮಿರೆಟ್ ಪೇರ್ಲಾ ಬರ್ಪುಂಡು. ಅತ್ತಾಂದೆ ಕೆಲವು ಪೊನ್ನು ಬಾಲೆಲೆಗ್ ಒಂಜಿ ತಿಂಗಲ್ ಮುಟ್ಟ ಶರೀರಡ್ ಕೆಂಪು ಪೋವೊಂದಿಪ್ಪುಂಡು. ಅಪಗ ಇಲ್ಲದ ಅಜ್ಜಿನಾಕ್ಲು ಕುಸಾಲ್‌ಡ್.

ಪೊಣ್ಣು ಮಮ್ಮಾಳಾಂಡಪ್ಪ|ಪೊಣ್ಣು ಮಮ್ಮಾಳಾಂಡಪ್ಪ

ಪೂ ಕೊಣಲೇ | ಪಿಂಗಾರ ಕೊಣಲ್ಲೆ

ಪೊಣ್ಣು ಮಮ್ಮಾಳಾಂಡಪ್ಪ|ಪೊಣ್ಣು ಮಮ್ಮಾಳಾಂಡಪ್ಪ

ಬಜಿಲ್ ಕೊಣಲ್ಲೆ|ಬೆಲ್ಲ ಕೊಣ್ಣಲೇ |

ಪೊಣ್ಣು ಮಮ್ಮಾಳಾಂಡಪ್ಪ |ಪೊಣ್ಣು ಮಮ್ಮಾಳಾಂಡಪ್ಪ

ಎನ್ನೆ ಕೊಣಲ್ಲೆ| ತೆಂಗೈ ಪಿರಾಲೆ |

ಪೊಣ್ಣು ಮಮ್ಮಾಳಾಂಡಪ್ಪ ಪೊಣ್ಣು ಮಮ್ಮಾಳಾಂಡಪ್ಪ

ಬೊಂಡ ಕೊಣಲ್ಲೆ| ಚೆಂಡ್ ಮುಡಿಪಾಲೆ

ಪೊಣ್ಣು ಮಮ್ಮಾಳಾಂಡಪ್ಪ ಪೊಣ್ಣು ಮಮ್ಮಾಳಾಂಡಪ್ಪ

ಪೇರ್ ಬೆಂಜನ ಕೊಣಲ್ಲೆ|ಮಡ್ಡೆಲ್ತಿನ್ ಲೆಪ್ಪುಲೇ |

ಪೊಣ್ಣು ಮಮ್ಮಾಳಾಂಡಪ್ಪ ಪೊಣ್ಣು ಮಮ್ಮಾಳಾಂಡಪ್ಪ

ಮಂಜಲ್ ಕುಂಕುಮ ಕೊಣಲ್ಲೆ | ಚಟ್ಟ ಒತ್ತಾಲೆ |

ಪೊಣ್ಣೂ ಮಮ್ಮಾಳಾಂಡಪ್ಪ |ಪೊಣ್ಣೂ ಮಮ್ಮಾಳಾಂಡಪ್ಪ |

ಪೊಣ್ಣು ಮಗಲ್ ಮದಿಮಾಲ್ ಆನಗ ಮಲ್ಪುನ ವಿಧಿ ವಿಧಾನಲೆನ್ ಈ ಪದಟ್ ವಿವರನೆ ಕೊರ್ತೆರ್.

ಬಾಲೆಲೆನ ಪೋಕ್ರಿ. ಅರ್ತಿ-ಕುಸಾಲ್, ಮಂಗ ಗೊಬ್ಬಾಟಿಕೆನ್... ಕಲ್ಪ ಕೋಮಾಟಿಕೆನ್ ನಮ್ಮ ಶ್ರೀಕೃಷ್ಣ ದೇವೆರೆನ ಪುರುಬಾಲೆದ ಲೀಲೇಡ್ ತೆರಿಪ. ದಾಸ ಸಾಹಿತ್ಯಡ್ ಶ್ರೀಕೃಷ್ಣ ದೇವೆರೆನ ಜೋಕ್ಲಾಟಿಕೆದ ವರ್ನನೆಲು ಜಿಂಜಿದುಂಡು.

156