ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಾಲೆ ಕಂಕನೆ- - ಮರಂಕನೆ ಬೂರುನ, ಬಂಜಿ ತೇನ್ ಒಡ ಒಚ್ಚೊಂದು ದುಂಬು ಪೋಪುನ... ಡೊಂಗಲ್ ಕಾರ್ಡ್ ಪೋಪುನ... ಪತ್ತ್ ತಿಂಗಲ್ಗ್ ಪತ್ತ್ ಪಜ್ಜೆ ಪಾಡುನ.. ಬೂರೊಂದು-ಲಕ್ಕೊಂದು ನಡಪುನಂಚಿನ ಬಾಲೆ ಕಲ್ಪುನ ಒಂಜೊಂಜಿ ವಿದ್ಯೆಲಾ ಇಲ್ಲದಾಕ್ಲಗ್ ಕುಶಿಕನಪಿನಂಚಿತ್ತಿನವು.
ಬಾಲೆ ಕಲ್ಪುನ ಒಂಜೊಂಜಿ ಮುಟ್ಟಿಕಲ್ಲದ ವಿದ್ಯೆಲೆಲ್ಲ ಆನಿ ಇಲ್ಲಡ್ ಪರ್ಬ. ಪಾಯಸದ ಉನಸ್, ಪಡಸಾಲೆದ ತಡ್ಯದಂಟುನಾನಿ ಇಲ್ಲದ ದೇವೆರೆಗ್ ವಿಸೆಸ ಪೂಜೆ ಮಲ್ಪೆರ್.
ಬಾಲೆನ್ ನಮ ಕಾರ್ ಪಾದೊಡು ಕುಲ್ಲಾದ್ ಐತ ಕೈಕ್ಲೆನ್ ನಮ ಕೈಟ್ ಪತ್ತೊಂದ್ ಕಾರ್ನ್ ಬೊಕ್ಕ ಬಾಲೆನ್ ನಮಾ ಮಿತ್ತ್ ದೆರ್ತ್ ದ್ ತಿರ್ತ್ ಮಲ್ತ್ ಗೊಬ್ಬಾನಗ
ಪಣಿ ಕಿರೀಲ- ನೀರ್ ದುಸೀಲ -ಬಾರೆಗ್ ನೀರ್, ತಾರೆಗ್ ನೀರ್
ಕಂಡೊಗು ನೀರ್ ದೋಟಗ್ ನೀರ್-ಬಾಲೆದ ಪೀಂಕಣ್ ದೆಕ್ಕರೆ ನೀರ್
ಬಟ್ಟಲ್ ದೆಕ್ಕರೆ ನೀರ್-ಬಾಲೆದ ಒರ್ಬಡಿ ಅರ್ದರೆ ನೀರ್
ಬಾಲೆ ಮೀಪಾಯರೆ ನೀರೋ ನೀರ್ ಕಾಂಕೂಕೂರ್ಲೂ್ರಲೀಸೀರ
ನೀರ್ ದುಸೀಲ ನೀರೋ-ನೀರ್
ಇಂಚ ಕುಲ್ಲುದು ಅತ್ತಡ ಜೆತ್ತ್ದ್ ಬಾಲೆನ್ ಕುಲ್ಲಾದಿನ ಕಾರ್ನ್ ತಿರ್ತ್ ಮಿತ್ ಮಲ್ತ್ದ್ ಗೊಬ್ಬಾವೆರ್.
•ಉರ್ಚರೆ ಪೋಯೆ | ಪಿಂಕಾನ್ ದೆಕ್ಕರೆ ಒಡಾರಿನಡೆ ಪೋದು | ನೀರ ನಟ್ಟಿಯೆ.
•ಗಾಲಿಗೆ ರಾವೊಂದ್ ಕುದ್ರೆಡ್ ಕುಲೈ, ಬುಡೆದಿನ ಇಲ್ಲಡ್ ಗಡಾಯಿ ಬುಡೊಂದ್
ಮುಡಾಯಿ-ಪಡ್ಡಾಯಿ ಪೋಯೆ, ಬಂಜಿಗ್ ನುಪ್ಪು ದಾಂತೆ, ಮಂಡೆಗ್ ಕೈ ದೀಯೆ.
ಈ ಪದಕುಲೆನ್ ಅಭಿನಯ ಮಲ್ತ್ದ್ ಬಾಲೆಗ್ ಪಂದ್ ಕೊರ್ಪುನಂಚಿತ್ತಿನವು. ಬಾಲೆದ ಕಾರ್ ಪೆಜ್ಜೆ ದೀದ್ ಗಟ್ಟಿ ಆವರೆಗಾದ್ರ ಥೆಯ್ಯ ಥೆಯ್ಯ ಥೆಯ್ಯ ತಾ- ಥೆಯ್ಯ-ಥೆಯ್ಯ-ಥೆಯ್ಯ ನಲ್ಪು ಬಾಲೆ ನಲ್ಪು.. ಬೇಲೆ ಕಲ್ಪು ನ, ಬಕ್ಕಣ್ ಬಾಯ್ ಬುಡ್ದ್ ನಲ್ಪು, ಜೊಲ್ಲೆ ಕಾರೊಂದು ನಲ್ಪು ಪನ್ನಗ, ಬಾಲೆ ತನ್ನ ರೆಡ್ ಕೈಟ್ ತಾಟಿ ಬೊಟೊಂದು ಜೊಲ್ಲೆ ಕಾರೊಂದು ತೆಲಿತೊಂದು... ಮೈ ಮರ್ಲ್ದ್ ತಕ-ತಕ ನಲ್ಪುಂಡು. ಅಪಗ ಆನ್ ಬಾಲೆ ಅದಿತ್ತಂಡ.
151
