ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಆಡಾವೊಂದ್ ಬತ್ತೆ.. ಬೊಗ್ರೆ | ಗಣ ಗಣ ಗಂಟಾಮಣಿ
ಆಡಾವೊಂದು ಬತ್ತೆ.. ಪೊತ್ತೆಲ್ಕುಡ್ವೆಂದ್ ಪದ ಪನ್ಪೆರ್.
ಚರಿಟಾ.. ಉರುಟಾ ತೊಮ್ಮೆ ಉಲಾಯಿ ಪೋದಿತುಂಡಾ
ಎನ್ನ ಬಾಲೆದ ಮುಂಚಿ ಇದ್ದಿ. ಓಡೆ ಪೋಂಡುಣಿ?
ಕಜಿಪುಗು ಪಾಡಿಯೆರ್ಣಿ? ಮಿಂಡಿನಡೆ ಪೋಯೆನಣಿ? ಚಳಿಟ್ ಮುರುಂಟ್ನಣಿ? ನಿನ ಬುಡೆದಿಗ್ ಬೋತ್ರಿಯಣಿ?
- ಈ ಪದಟ್ ಲೈಂಗಿಕತೆದ ಸುಲಿ ಇತ್ತ್ಂಡಲಾ ಮಿಂಡಿನ ಕೈತಾಲ್ ಪೋವಡ ಪನ್ಪುನ ಎಚ್ಚರಿಕೆದ ತಿರ್ಲ್ ಉಂಡು.
ಅಂಚನೆ ಮಾಮಿ... ಬೊಕ್ಕ ಬಾಲೆದ ನೆರ್ಪಾಟಿಕದ ಪದ ಇಂಚ ಉಂಡು.
ಏರಣ್ಣ ಮಾಣಿ ? ಈ ಎಲ್ಲ ಪುಳ್ಳಿ
ಜೇಗ್ ಬತ್ತ ಮಗ? ಅಳೆಕ್ ಬತ್ತೆ ಮಾಮಿ.
ಅಳೆ ಇದ್ದಿ ಮಗ, ಸೈತೆ ಪೋಲ ಮುಂಡೆ.
ಜಾದೊ ಪಂಡ ಮಗ? ಪೋಪೆ ಪಂಡೆ ಮಾಮಿ
ಮಾಮಿ ಬೊಕ್ಕ ಬಾಲೆದ ಕಲ್ಪ ಕೋಮಾಟಿಕೆದ ಪಾತೆರಲು ಒಂಜೆಕ್ ಒಂಜಿ ಸಂಬಂಧ ಇಜ್ಜಿಡಲ.. ಬಾಲೆನ್ ಮಾನಾವರೆಗ್ ಆಕುಲೆಗ್ ಅರ್ಥ ಬೋಡುಂದ್ ಇಜ್ಜಿ.
ಬಾಲೆದ ಬಿರೆಲ್ಲೆನ್ ತಿರ್ಗಾವೊಂದು ಪನ್ಪುನ ನನೊಂಜಿ ಪದ :-
ಉನ್ಕ-ಉನ್ಕಂದ್ ಪಂಡೆ | ಒಲ್ತು ಉನ್ಪುನಂದ್ ಪಂಡೆ
ಸಾಲ ಕೊಂಡುಬರ್ಕಂದ್ ಪಂಡೆ | ಸಾಲ ಬೂಟುನೇರ್ಂದ್ ಪಂಡೆ
ಕುಂಟೆ ಆವಡ್ ಕುರುಡೆ ಆವಡ್
ಕೊಂಬ ಬಿರೆಲ್ ನ್ ತಿರ್ಗಾವೊಂದು
ತಾಂಟೆ ಆವಡ್ - ಮೋಟೆ ಆವಡ್ :
152
