ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪಕ್ಕ ಪಕ್ಕ ಕೈತ ಬಿರೆಲ್ನ್ ಬುಡ್ಪಾದ್ . . ಮಡಿಪುನಗ . . . ಬಾಲೆಗ್ ಚೋಧ್ಯ ತೋಜಿದ್ ಬುಲಿಪುನೆನ್ ಮಾತೃ ಬುಡ್ಪುಂಡು, ಬಾಲೆದ ಬಿರೆಲ್ನ್ ಬುಡ್ಪಾವೊಂದು,
ಒಂಜಿ ಮಂಜೊಟಿ | ರೆಡ್ ಮಂಜೊಟಿ |
ಕಂಕಣೆ ಮರಂಕಣೆ | ಗಲ್ಲ, ಬಾಯಿ |
ಮೂಂಕು ಪಿಳಿ ಪಿಳಿ | ಮೈತ ಬೊಟ್ಟು |
ನಿನ್ನ ಜುಟ್ಟು | ಬನ್ನದ ಟೊಪ್ಪಿ, |
ಈ ಪದಟ್ ಒಂಜಿ ಸಾಲ್ಡ್ದ್ ಒಂಜಿ ಸಾಲ್ಗ್ ದಾದಲ ಸಂಬಂಧ ಇಜ್ಜಿಡಲ ಬಾಲೆದ್ ಕೈತ ಮುಡುನ್ ಅಂಚಿ-ಇಂಚಿ ತಿರ್ಗಾದ್ ಕಂಕನೆ - ಮರಂಕನೆ ಪಾಡ್ದ್ ಗೊಬ್ಬಾವೆರ್. ಅಂಚನೆ ತನ್ನ ಕೈಟ್ ಪುಂಡಿ ಮಡಿಪುನ, ಬುಡ್ಪಾವುನ ಗೊಬ್ಬುಲೆನ್ ಕಲ್ಪರೆಗ್ ಪ್ರಯತ್ನ ಮಲ್ಪುಂಡು.
ಅಂಚನೆ ಬಲತಕೈನ್ ತಾಮರೆದ ಪೂ-ತ ಲೆಕ್ಕ ಅರ್ಲಾದ್ ತಾರಾಮ್ಮಯ್ಯ... ಪೊಲ್ಲುಕ್ಕೆ ತೋರಮ್ಮಯ್ಯ ಚಂದಿರ ಮಂದಿರಡ್.. ನಿನ್ನ ಪಲಯೆನ ಇಲ್ಲಡ್ ಲಿಂಬೆದ ಪರ್ಂದ್ ಇದ್ದಿಕೆರೆ ಇದ್ದಿಕೆರೆ! ತಾರಮ್ಮಯ್ಯ.. ಪೊಲ್ಲು ಕೈ ತೋರಮ್ಮಯ್ಯ ಬೊಲ್ಲಿದ ಮಂದಿರಡ್... ನಿನ ಪಲಿನ ಇಲ್ಲಡ್ ಬಾರೆದ ಪರ್ಂದ್ ಇದ್ದಿಕೆರೆ ಇದ್ದಿಕೆರೆ! ತಾರಮ್ಮಯ್ಯ ಪೊಲ್ಲುಕೈ ತೋರಮ್ಮಯ್ಯ
ಬಂಗಾರ್ದ ಈ ಪುಂಡಿಡ್ ಬರ್ಸದಲೆಕ್ಕ ಪುಷ್ಪ ಬಿರ್ಕ್ಲೆ… ಪಣವು ಬಿರ್ಕ್ಂದ್ ಬಾಲೆದ ಕೈತ ಬಿರೆಲ್ ನ್ ಅರ್ಲಾದ್ ಬೊಕ್ಕ ಪದತ ಕಡೆಟ್... ಬಾಲೆದ ಅಂಗೈಕ್ ಕ್ರಿಚಿಲ್ ಕೊರ್ಪೆರ್.
ಅಂಚನೆ ಬಾಲೆಗ್ ಕ್ರಿಚಿಲ್ ಕೊರ್ಪುನ ನನೊಂಜಿ ಪದ ಉಂಡು, ಮಟ್ಟೆಲ್ಡ್ ಬಾಲೆನ್ ಕುಲ್ಲಾದ್.. ಐತ ಅಂಗೈತ ಒಂಜೊಂಜೇ ಬಿರೆಲೆನ್ ತಿರ್ಗಾದ್ ಪೆತ್ತ-ಕಂಜಿ, ಎರ್ಮೆ, ಎರ್ಮೆದ ಕಂಜಿ, ಬೊಕ್ಕ ಕೊಂಬಬಿರೆಲನ್ ಮುಟ್ಟುದು ನೆಕ್ಕ್ ಬೈ ಪಾಡುನ ಏರ್? ಕುಡು ಪಾಡುನ ಏರ್? ಯಾನ್ ಒರಿ ಉಲ್ಲೆ ಪಂದ್ ಕುಡು ಕುಡು ಕುಡುಂದ್ ಬಿರೆಲ್ಡ್.. ಕೈತ ಮಿತ್ತ್ ಮಿತ್ತೆ ಕ್ರಿಚಿಲ್ ಕೊರೊಂದು ತೋಳ್ ದೆರ್ತದ್.. ಕಿತ-ಕಿತ- ಕಿತ ಪನ್ನಗ... ಬಾಲೆ ಬೊಚ್ಚುಬಾಯಿ ಬುಡ್ದ್ ಕುಟು-ಕುಟು ತೆಲಿಪುಂಡು. ಇಂಚನೆ ಕ್ರಿಚಿಲ್ ಕೊರ್ಪುನ ನಿಲೈನ್ ಪದಕುಲುಂಡು.
149
