ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನಿನನ್ ಮೀಪಾಯಿನ ಕೈಕ್ ತೂತ ಕೊಳ್ಳಿಡ್ ಬರೆ ಪಾಡ್ಗ.
ನಿನನ್ ಮೀಪಾಯಿನ ತಾಟೆಗ್ ಉಜ್ಜೆರ್ಡ್ ನೋಪುಗಂದ್
ಬುಲಿಪಡ ಬಾಲೆ ಬುಲಿಪಡಂದ್ ಮಾನಾದ್... ತರೆಕ್ ಮೈಕ್ ಬಿಗಿತ್ತ್ ದ್ ಕುಂಟು ಸುಂದ್ದ್... ತೊಟ್ಟಿಲ್ ಗ್ ಪಾಡ್ನಾಗ,, ಬುಲ್ತ್-ಬುಲ್ತ್ ದ್ ದೊಂಡೆ ಬಚ್ಚಿದ್ ಪೋಯಿನ ಬಾಲೆ ಅಪಗನೆ ನಿದಿರೆಗ್ ಜಾರುಂಡು.
ಕೆಲವೆರ್ ಮೀತ್ ಬೈದಿನ ಬಾಲೆದ ಮೈ ಒಚ್ಚಂದೆ... ಎಣ್ಣೆ-ನೀರ್ಡೇ ಮಲ್ಲೆ ಆವಡ್ಂದ್, ಅಂಚನೆ ತೊಟ್ಟಿಲ್ಗ್ ಪಾಡುವೆರ್. ಕೆಲವೆರ್ ಲೋಭಾನದ ಪುಗೆ ಪತ್ತ್ ದ್... ಪೇರ್ ಕೊರ್ದು, ಬಾಲೆನ್ ಐತ ಮಲ್ತ್ದ್ ಜಪುಡಾವೆರ್.
ಬಾಲೆ ನಿದಿರೆಡ್ ಕಿಟ-ಕಿಟ ತೆಲಿಪುನು..
ಒರ ಒರ ಪೋಡಿದ್ ದುಡಿನ್ ಪಿಂಟಾದ್ ಬುಲಿಪುನು.
ನಿದ್ರೆ ಮಲ್ಪುನ ಬಾಲೆನ್ ಅಪ್ಪೆ ಆಯಿನಾಲ್ ತೂಂಡಲಾ ದಿಟ್ಟಿ ಬೂರುಂಡುಂದ್ ಪನ್ಪೆರ್. ತೂಪುನಾಂಡಲಾ ಬಾಲೆಡ್ ಪೂವಲ್ ತೂದು.. ಮೋನೆ ತೂವೊಡುಗೆ.
ಪೋಯಿ ಜನ್ಮದ ಘಟನೆಲೆನ್ ಉಂಡು ಮಲ್ತಿನ ದೇವೆರ್ ಬಾಲೆಗ್ ನೆಂಪು ಮಲ್ಪುನಗ... ಐತ ಸುಖ್-ಕಷ್ಟೋದ ಪ್ರಸಂಗನ್ ನೆನೆತ್ದ್ ಬಾಲೆ ಬುಲಿಪುಂಡುಗೆ, ತೆಲಿಪುಂಡುಗೆ.
ನನೊಂಜಿ ಹೇಳಿಕೆದ ಪ್ರಕಾರ ಅಪ್ಪೆ ತೈತಿನ ಕನ ಬೂರ್ನಗ ಬಾಲೆ ಬುಲಿಪುಂಡುಗೆ, ಅಪ್ಪೆ ಪೇರ್ ಕೊರ್ಪುನ ಕೆನ ಬೂರ್ನಗ ಬಾಲೆ ತೆಲಿಪುಂಡುಗೆ.
ನಿದಿರೆದ ಬಾಲೆನ್ ಅಪ್ಪೆ ತೂವೊಡಾಂಡ ನಿನ್ನ ಅಪ್ಪೆನ ದಿಟ್ಟಿ... ಬಾಲೆಗ್ ಕಂತನ್, ಕಂತ್ಂಡ... ಬಾನ್ ಪುಡಾದ್ ತೂತ ಬರ್ಸ ಬರು, ಮುಗಲ್ ಕಡಲಾವುಂದ್ ತರೆತ್ತ್- ಕಾರ್ಮುಟ್ಟ ಪೂಜಿದ್, ಬಿರೆಲ್ನ್ ನೆಲಕ್ಕೆ ಊರ್ದ್ ನೆಟ್ಟಿ ದೆಪ್ಪೆರ್.
ನನ, ಬಾಲೆಗ್ ನಾಲೈನ್ ತಿಂಗಲಾನಗ, ಪಿದಾಯಿ ಲೋಕದ ಪಚ್ಚೆ ಪಜಿರ್ನ್ ತೂದ್, ಪಚ್ಚೆ ಪಚ್ಚೆ ಉರ್ಚುವ. ಪ್ರಪಂಚ ಜ್ಞಾನ ವಂತೆ ವಂತೆ ತೆರಿಪುನ ಪೊರ್ತು. ಇರೆ ಪಂದುನ... ಅಂಚಿ ಇಂಚಿ ಗೆಲ್ಲ ಮಾಲುಲೆನ್ ದೃಷ್ಟಿ ಕೊರ್ದು ಭೂತ ಬುಡ್ಡು ತೂನಗ, ಅಪ್ಪೆ ಆಯಿನಾಲ್ ತನ್ನ ಪುಂಡಿದ ಬಿರೆಲ್ ಬುಡ್ಪಾದ್ ಮಡ್ತ್ ದ್, ಗುಬ್ಬಿ.. ಗುಬ್ಬಿ... ಗುಬ್ಬಿ
•ಪೊರ್ಲುದ ಗುಬ್ಬಿ, ಮರ್ಲ್ದ ಗುಬ್ಬಿ (ಗುಬ್ಬಿ, ಗುಬ್ಬಿಗುಬ್ಬಿ)
ಬಂಗಾರ್ ಕೊಣ ಗುಬ್ಬಿ | ಬೊಳ್ಳಿ ಕೊಣ ಗುಬ್ಬಿ
ಮುತ್ತು ಕೊಣ ಗುಬ್ಬಿ | ಪಕಲ ಕೊಣ ಗುಬ್ಬಿ
ರತ್ನ ಕೊಣ ಗುಬ್ಬಿ | ವಜ್ರ ಕೊಣ ಗುಬ್ಬಿಂದ್
148
