ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಬಾಮಿದ್, ಜಕ್ಕೆಲ್ಡ್ ಕುಲ್ಲಾದ್ ಮಂಗಟಾದ್ ಮುದ್ದು ಮಲ್ತ್ದ್ ಗೊಬ್ಬಾವುನನೇ ಕುಶಿಕನಪಿನವು. ಪೊರ್ತು ಪಕ್ಕ ಪಕ್ಕ ಪೋಪಿನಂಚಿತ್ತಿನವು. ಬಾಲೆದ ರಡ್ಡ ತೋಳ್‌ಗ್ ಎಣ್ಣೆ ಪೂಜಿನಗ ಅತ್ತಡ ಗೊಬ್ಬಾನಗ ಬಾಲೆದ ಒಂಜಿ ಕೈನ್ ಬೀಜಾದ್, ಕುಡೊರ ನನೊಂಜಿ ಕೈನ್ ಬೀಜಾವೊಂದು ಕೈ ಬೀಜಮ್ಮ ಕೈ ಬೀಜ್ ಸಂತೆಗ್ ಪೋಯಿ ಕೈ ಬೀಜ್ ದೇತನೊಗು ಪೋಯಿ ಕೈ ಬೀಜ್
- ತೇರ್‌ಗ್ ಪೋಯಿ ಕೈ ಬೀಜ್
ಕೋಲಗ್ ಪೋಯಿ ಕೈ ಬೀಜ್ | ಅಶನಂಕ್ ಪೋಯಿ ಕೈ ಬೀಜ್ | ಆಟಗ್ ಪೋಯಿ ಕೈ ಬೀಜ್ ಗೊಬ್ಬರೆ ಪೋಯಿ ಕೈ ಬೀಜ್ ಇಂಚ ಪುರುಬಾಲೆಗ್ ಪೂಜಿನ ಎಣ್ಣೆ ಮೈಕ್ ಒ‌ರೆಗಾದ ಪಾಕ ನಮುನೆಡ್ ವ್ಯಾಯಾಮ ಮಲ್ಪೆ ಪೊಸ-ಪೊಸ ಶಬ್ದದ ಪದಕುಲೆನ್ ಬಾಲೆ ಕೇನ್ನಗ ಐತ ಬುಲಿಪಾಟಿಕೆ ಕಡಿಮೆ ಆಪುಂಡು. ಇಂಚಿಡ್ ಕುಲ್ಲಾ, ಜೆತ್ತಾ, ಉರು ಆಪುನ ಪೆದಿಮೆತ್ತಿಗೆ ಬಾಲೆನ್ ಮಾನಾದ್ ಗೊಬ್ಬೊಪಿನೈಟ್ ಪೊರ್ತು ಪೋಪುನನೇ ಗೊತ್ತಾವಂದ್. ಬಾಲೆದ ರಡ್ಡೆ ಮುಡುನ್ ಅಂಚಿ-ಇಂಚಿ ಮಲ್ಪುನಗ . . .ಕಾರ್ನ್ ಕೈತ ಮುಡುಕು ತಾಗಾನಗ, ಮುಂಡಗ್ ತಗಾನಗ ಇಂಚಿ ಕಿ‌ಂಬುಗ.. ನಮ ಅಂಚಿ ಕಿರ್‌ಂಬುಗ, ಕಂಚಿದ ಬಾವಡೆದ್,, ಮುಂಚಿ ನುರ್‌ಪುಗ. ಅಪ್ಪಚ್ಚಿದ ಬಾಯಿಗ್ ಕಂಚಾಲ್ ರಸ ಪುಂಟ್‌ಗ ಮಿಲ್ಪ ಅಂಚಿ-ಇಂಚಿ ಕಿ‌ಂಬರೆಗ್ ಕೈ ಪೋವೊಡು ಸಮ. ಕಂಚಿ ಬಾವಡೆಗ್ ಮುಂಚಿ ಮುಲ್ಪ ಪ್ರಾಸ ಉಂಡು. ಕಾರದೊಟ್ಟುಗು... ಕೈಪೆದ ರಸ... ಪನ್ನೊಂದು ಬಾಲೆದ ಕಾರ್ ಮುಂಡಗ್ ತಾಗಾನಗ... ಬೇನೆಡ್ ಐತ ಮೋನೆ ಪುಲಿ-ಪುಲಿ ಆದ್ ಪಿಂಕಾಣ್‌ಡ್ ಪೀಲಾ ಬರು, ಮುಂಚಿಡ್ ಪಡೈಲಾ ಬರು. ಅಪಗ ಪೆದ್ದನ ಕರ್ಲ್ಬಗ್... ಕೈಪೆದ ರಸ ಪರ್ತಿಲೆಕ್ಕ ಬೇನೆ ಆಪುನವು ಸತ್ಯ. ಅದಗ, ಪುರುಬಾಲೆದ ಕಾರ್ನ್ ಮುಂಡಗ್ ಮುಟ್ಟಾನಗ... ಪುರ್ಕ್ ಪುರ್ಕುಂದ್ ಪೂಕಿ ಬುಡ್ಡ 146
