ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
“ಆನೆ ಬತ್ತ್ ನ್ ಆನೆ | ಆನೆ ಬತ್ತ್ ನ್ ಆನೆ
ಆನೆ ಬತ್ತ್ ನ್ ಆಯರೆಡ್ | ಕುದ್ರೆ ಬತ್ತ್ ನ್ ಈಯರೆಡ್
ಒಂಟೆ ಬತ್ತ್ ನ್ ಪೇಂಟೆಡ್ | ಒಂಟೆದ ಕಂಟೆಲ್ ಗಣ ಗಣ ಗಂಟೆ,
ಸಾಲ್ಡ್ ಸೂಯರ ಪೋಯೆರ್ ಜೋಕುಲು- ಬಾಲೆಲು.
ಇಂಚ ಲಯ-ಗೇಯದೊಟ್ಟುಗು ದುಂಬು-ಪಿರ ಆನೆ ಆಪಿನಾಕ್ಲು ಆಡಾವೊಂದು ಪೋನಗ... ಕಣ್ ಅರ್ಲಾದ್,ಬಾಯಿ ಅಂಗಾದ್ ತೂಪುನ ಬಾಲೆದ ಸಂತೇಸನ್ ಪನರೆಗಾವಂದಿನ ಸಂಗತಿಲು,
ಆ ಮರ್ಲ್ ಮಲ್ಪುನ ಬಾಲೆದ ಪೊರ್ಲುನು ತೂದೇ ಅರ್ಥಮಲ್ತೊನೊಡು. ನಮನಾಡ್ದ ಬೇತೆ ಬೇತೆ ಕೋಡಿಡ್ ಉಂದುವೆ ಪದ ಇಂಚ ಉಂಡು,
ಆನೆ ಬಂತೊಂದಾನೆ, ಯಾವೂರಾನೆ? ಮೈಸೂರಾನೆ. ಇಲ್ಲಿಗೇಕೆ ಬಂತು? ದಾರಿ ತಪ್ಪಿ ಬಂತು.
ದಾರಿಗೊಂದು ದುಡ್ಡು, ತೇರಿಗೊದು ಕಾಸ್ಂದ್ ಕನ್ನಡಡ್ ಉಂಡು.
ಈ ಪದ... ತುಳುಭಾಷೆಡ್ ಇಂಚ ಒಂತೆ ಬದಲಾವಣೆಡುಂಡು. ಆನೆ ಬತ್ತ್ ನ್ ಆನೆ I ವಾ ಊರ್ದ ಆನೆ ? ಉಡುಪಿದಾ..ಆನೆ | ಇಡೆ ಜಾಯೆಗ್ ಬತ್ತ್ ನ್ ? ಸಾದಿ ತತ್ತ್ದ್ ಬತ್ತ್ ನ್ | ತಾದಿಗೊಂಜಿ ದುಡ್ಡು | ಓಣಿಗೊಂಜಿ ದುಡ್ಡು | ಇಲ್ಲಗೊಂಜಿ ಮುಕ್ಕಾಲ್ ಕೊಳ್ಳೆ | ಬೆಲ್ಲಗೊಂಜಿ ಮುಕ್ಕಾಲ್ ಕೊಳ್ಳೆ |ತೆಂಗೈಗೊಂಜಿ ಮುಕ್ಕಾಲ್ ಕೊಳ್ಳೆ
ಬುಲಿಪೆಲ್ ಬಾಲೆ ಎಂಕ್ ಬೋತ್ರಪ್ಪಾ ಬೋತ್ರಿ 1 ಬಾಂಪೆಲ್ ಬಾಲೆ ಎಂಕ್ ಬೋತ್ತಪ್ಪಾ
ಪೊತ್ತೆಲ್ ಕುಡುವೆ ಎಂಕ್ ಬೋಡಪ್ಪಾ ಬೋಡು.
ಪದತ ಕಡೆತ್ ಬಾಲೆದ ಶರೀರಗ್ ಮುತ್ತು ಕೊರ್ನಗ ಐತ ಪತ್ತೆ.. ಕಾರಂಜಿದ ಲೆಕ್ಕ ಮೋನೆಗ್ ರಂಟುಂಡು.
ಬಾಲೆ ಎಂಕ್ ಬೋತ್ರಿ...ಬೋತ್ರಿಂದ್ ಪನ್ನಗ ಬಾಲೆದ ಮೋನೆ ಸಿಂಟ್ ಬುಲುಪಿನೆನ್ ತೂಪುನನೆ ಒಂಜಿ ಪೊರ್ಲು, ಬಾಲೆನ್ ಇಂಚ ಬುಲಿಪಾದ್ ಬೊಕ್ಕ
145
