ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಆನೆ ಬತ್ತ್ ನ್ ಆಯಿರೆಡ್---ಕುದ್ರೆ ಬತ್ತ್ ನ್ ಕುದ್ರುಡು
ಒಂಟೆ ಬತ್ತ್ ನ್ ಒಟ್ರೆಡ್---ಕುದ್ಕೆ ಬತ್ತ್ ನ್ ಕುಡ್ಲಡ್
ಎರ್ಮೆ ಬತ್ತ್ ನ್ ಎರ್ಮಾಲ್ಡ್---ಕಕ್ಕೆ ಬತ್ತ್ ನ್ ಕದ್ರಿಡ್
ಗಿಳಿ ಬತ್ತ್ನ್ ಗಿಳಿಯಾರ್---ನಾಯಿ ಬತ್ತನ್ ನಾರಾವಿಡ್
ಪೆತ್ತ ಬತ್ತ್ ನ್ ಪೆಲತೂರ್ಡ್---ಪುಚ್ಚೆ ಬತ್ತನ್ ಪುಂಚೂರ್ಡ್
ಎನ್ನ ಬೊಗ್ರೆ ಬತ್ನ ಒಲ್ಪಡ್ದ್? ಪೊನ್ನುಬಾಲೆ ಆಂಡ ಬೊಗ್ಗಿ ಬತ್ನ ಒಲ್ಪಂಡ್ಂದ್ ಬಾಲೆದ ಮೈ ಒರ್ಮೆಲಾ ಕ್ರಿಚಿಲ್ ಪಾಡುವೆರ್. ಆ ಪೊರ್ತುಗು ಬಾಲೆಗ್ ಗರ್ಕ ಆಡಿಗೆ ಬನ್ನಗ... ಅಪ್ಪೆಗ್ ತನ್ನ ಮೋಕೆದ ಪೇರ್ನ್.. ಬಂಜರೆ ಪರ್ತಿನಬಾಲೆ ನನ ಕಕ್ಕರೆಗಿಜ್ಯತ್ತಂದ್ ಸಮಧಾನದ ಉಸಿಲ್ ಬುಡ್ಪಲ್.
ಅತ್ತಂದೆ.. ಪುರುಬಾಲೆಗ್' ಮುಲ್ಪ, ಕಕ್ಕೆ-ನಾಯಿ, ಪುಚ್ಚೆ, ಪೆತ್ತ,. ಆನೆ.. ಕತ್ತೆ. . ಇಂಚಿನ ಮುರ್ಗ -ಪಕ್ಕಿಲೆನ ಗುರ್ತ ಅರ್ಥ ಆಪುನೊಟ್ಟುಗು ಊರ್ದ ಪುದಾರ್ದಲ ಗುರ್ತ ಆಪುಂಡು. ದಾಯೇ ಪಂಡ . “ಇಲ್ಲ್ ಬಾಲೆದ ಸುರುತ ಶಾಲೆ” ಪಂಡಿಲೆಕ್ಕ “ಅಪ್ಪೆನೇ ಬಾಲೆದ ಸುರುತ ಗುರು” ಪನ್ಪುನಂಚಿನ ಈ ಪಾತೆರ ಸತ್ಯ. ಪಾತೆರಕತೆ-ಉನಸ್, ತಿನಸ್, ಗೊಬ್ಬು, ಆಚಾರ- ವಿಚಾರ, ಧರ್ಮ - ದೇವೆರ್ ಇಂಚಿನ ಮಾತಾ ಸಂಸ್ಕೃತಿನ್.. ಅಪ್ಪೆ ಆಯಿನಾಲ್ ಬಾಲೆಗ್ ಎಲ್ಲಿಡೇ ಪಂದ್ ಕೊರ್ಪಲ್. ದಿನಡ್ದ್ ದಿನ ಬುಲೆಪುನಂಚಿನ ಪುರುಬಾಲೆ ರಡ್ಡ್ ವರ್ಷ ಮುಟ್ಟ ಅಪ್ಪೆನ ಮಾತಾ ಚರ್ಯೆಲೆನ್ ಬೇಗ, ಬೇಗಡ್ ತೆರಿದ್ ಆ ತಾದಿಡ್ ನಡಪರೆಗೆ ಸಾಧನೆ ಮಲ್ಪುಂಡು. ಒಂಜೇ ಪಾತೆರಡ್ ಪನ್ಪುನಾಂಡ ಅಪ್ಪೆ ಆಯಿನಾಲ್ ಬಾಲುಲೆಗ್ ಸಂಬಲದಾಂತೆ ವಿದ್ಯೆ-ಬುದ್ಧಿನ್ ಕಲ್ಪಾವುನ ಗುರುಂದ್ ಪನೊಲಿ. “ನೂಲುದಲೆಕ್ಕ ಕುಂಟು-ಅಪ್ಪೆಲೆಕ್ಕ ಬಾಲೆ” ಈ ಗಾದೆ ಈ ವಿವರನೆನ್ ಕೊರ್ಪುಂಡು, ಪಂಡ ಪುರುಬಾಲೆದ ಮನಸ್ ಪಜಿ ಮಣ್ಣದ ಗೋಡೆದಲೆಕ್ಕ. ಐಕ್ ದಾದ ದಕ್ಕಂಡಲಾ ಗೊಡ್ಯುಂಡು. ಎಡ್ಡೆ ಆವಡ್ ಪಡ್ಕೆ ಆವಡ್ ವಾ ವಿಷಯನೇ ಆವಡ್ ತನ್ನ ಅಪ್ಪೆ- ಅಮ್ಮೆ ಅತ್ತಡ ಇಲ್ಲದಾಕ್ಲು ನಡಪುನಂಚಿನ ತಾದಿಡ್ ಪೋವರೆಗ್ ಪ್ರಯತ್ನ ಮಲ್ಪುಂಡು.
ಅತ್ತಾಂದೆ ತುಳುನಾಡ್ಡ್ ಪ್ರಾದೇಶಿಕವಾದ್ ಬಾಲುಲೆನ ಪದಕ್ಲಡ್ ವಂತೆ-
ವಂತೆ ವ್ಯತ್ಯಾಸ ತೋಜಿದ್ ಬರ್ಪುಂಡು. ತುಳು ಅತ್ತಾವಂದೆ ಹವ್ಯಕ, ಕೋಟ, ಕನ್ನಡ,
ಭಾಷೆಡ್ಲ.. ಬಾಲುಲೆನ ಮಿತ್ತದ ಸಾಹಿತ್ಯ ಜಿಂಜ ಉಂಡು,
144
