ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
5.”ಕುಂಟಣ್ಣಾ .. ಮೊಂಟಣ್ಣ | ಉಳ್ಳಾಳ - ಮಂಜೇಶ್ವರ ಪೊರ್ಲುಡು ತೂಯರ ಮಂಗಣ್ಣ ಬಾರ್ಕೂರ್-ಸೊರ್ಕೂರ್ ಪೊರ್ಲುಡು ತೂಯರಂದ್ ಪನ್ಪೆರ್.
ಬಾಲೆನ್ ಜಕ್ಕೆಲ್ಡ್ ಕುಲ್ಲಾದ್ ತಿಗಲೆ ಅತ್ತಡ ಬಂಜಿಗೊಂಜಿ ಕೈ ಪಿರಮಂಡೆಗೊಂಜಿ
ಕೈ ಕೊರ್ದು, ಹದೋಟು ಪಿರ ದುಂಬು ಆಡಾನಗ
ಆನೆ ಬತ್ತ್ನೊಂಜಿ ಆನೆ | ಕಾಡ ತಪ್ಪು ತಿನ್ಪುನಾನೆ
ತೋಡ ನೀರ್ ಪರ್ಪುನಾನೆ | ಉಡ್ಪಿದ ಮರಿಯಾನೆ |
ಧರ್ಮಸ್ಥಳೊದ ಕಿನ್ಯಾನೆ ಕಾರ್ಲದ ಕರ್ಯಾನೆ |
ಬೋಳಾರ್ದ ಬೊಲ್ದಾನೆ | ವೇಣೂರ್ದ ಸೇಳೆದಾನೆ |
ಕುಡ್ಲದ ಕುದ್ಯದಾನೆ | ಪೊಳಲಿದ ಪೋಕ್ರಿಆನೆ |
ಇಂಚ ಆಕುಲೆಗ್ ಗೊತ್ತಿತ್ತಿನ ಊರ್ದ ಪುದಾರ್ನ್ ಪನ್ನೊಂದು ಬಾಲೆನ್ ಮಾನಾವೆರ್.
ಪೊಣ್ಣಗ್ ಮದಿಮೆ ಆನಗ ನಾಚಿಕೆ ಪೋಪುಂಡು, ಪೆದ್ದ್ ನಗ ಹೇಸಿಗೆ ಪೋಪುಂಡ್ಂದು ನಮ್ಮಡ ಒಂಜಿ ಗಾದೆದ ಪಾತೆರ ಉಂಡು. ಪುರುಬಾಲೆ ಗಡಿ-ಗಡಿ ಪೇರ್ ಪರಿಲೆಕ್ಕನೆ ಗಡಿ-ಗಡಿಕ್ ಉರ್ಚುಂಡು, ಕಕ್ಕುಂಡು, ಪಡ್ಕೆ ಮಲ್ಪುಂಡು, ಅವೆನ್ ಗೋರಂದೆ. ಒಚ್ಚಂದ ಕುಲ್ಲರೆಗಾಪುಂಡ? ಮೀದ್ ಮಡಿತ ಕುಂಟು ತುತ್ತೊಂದು ಬನ್ನಗ, ಬಾಲೆದ ಪೀ-ಪಡ್ಕೆ ಮಲ್ಪುವ. ಐಕ್ಲೆಗ್ ಮಲ್ಪರೆ ಬಲ್ಲಿ ಪಂಡ ಅರ್ಥ ಆಪುಂಡ? ಅಪ್ಪೆಲಾ.. ಹೇಸಿಗೆಡ್ ಒಂಜಿ, ರಡ್ ಸರ್ತಿ ಬೇತೆ ಕುಂಟು ಮಾಪುವಲ್, ಬೊಕ್ಕ -ಬೊಕ್ಕ ಅವೈ ಅಭ್ಯಾಸ ಆದ್ ಆ ನಾದಲ್ ಆಲೆಗ್ ಕಮ್ಮನೆ ಆಪುಂಡು. ಪೆದಿಮೆತ್ತಿನ ಕೋನೆಗೆ ಪೊಗ್ಗಿನಗ... ಬಾಲೆದನೆ ಪೀ-ಪಡ್ಕೆದ ನಾದೆಲ್. ಬಾಲೆ ಮಿರೆತ ಪೇರ್ ಪರ್ನಮುಟ್ಟ.. ಬಾಲೆದ ಪೀ- ಪಡ್ಕೆಡ್ಲಾ ಒಂಜಿ ನಮುನೆದ ಕಮ್ಮನೆ ಉಪ್ಪುಂಡು. ಬೊಕ್ಕದ ಕೆಟ್ಟ ಕುಜೆಲ್, ಐಕಾದ್ರ ಬಾಲೆ ಎಡ್ಡೆ. ಪೀ-ಪಡ್ಕೆ ಪನ್ಪುನಂಚಿನ ಗಾದೆದ ಪಾತೆರ ನಮ್ಮಡುಂಡು.
•ಆನೆ ಬತ್ತಂಡ್ ಒಂಜಿ ಆನೆ ಈ ಪದನ್ .. ಎಣ್ಣೆ ಪೂಜಿನಗ ಅತ್ತವಂದೆ... ಬಾಲೆದ ಮಂಡೆ ಗಟ್ಟಿ ಆಯಿ ಬೊಕ್ಕ.. ಅಜ್ಜ, ಅಜ್ಜಿ, ಅಪ್ಪ, ಅಮ್ಮೆ... ಇಂಚ ಏರಾಂಡಲ.. ಬಗ್ಗ್ ದ್ ಡೊಂಗಲ್ ಪಾಡ್ದ್ ಆನೆ ಆನಗ, ಆರ್ನ ಬೆರಿತ ಮಿತ್ತ್. ಬಾಲೆನ್
142
