ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಬೊಕ್ಕ ಬಾಲೆದ ಉಬ್ಬಿದಿನ ಮುಂಡನ್ ಪೂಜಿ-ಪೂಜಿದ್ ಸಪಾಯಿ ಮಲ್ಲೊಡಾಂಡ ಎನ್ನೆ ಪೂಜುನಾಯ್ಡು ಆಕೆನ ಮುಂಡಗ್ ಎನ್ನೆ ಪೂಜಿದ್ ಪುರುಬಾಲೆದ ಮುಂಡಗ್ ತಾಗಾದ್ ಬೊಂಡು ಇದ್ಯಾಂತಿನ... ಮುಂಡಗ್, ಚೆಂಡ್‌ ಪುರಲ್‌ಗೆ, ಖಂಡ ಅಂಪುಗ, ಓಡ ಒಚ್ಚುಗ, ಮಾಡ್ ಮಿತ್ತರ್ಗ... ಬೆಡಿ ಪುಡಾಕ ಬೆಡಿ ಪಂದ್... ಟುಕ್ಸ್....ಂದ್ ರಾಗ ಒಲ್ಲೊಂದು ಮುಂಡನ್ ತಿಕ್ಕೊಂದಿತ್ತೆರ್. ಬೊಕ್ಕ ಎಣ್ಣೆ ಕೆಕ್ಕಿಲ್‌ಗ್ ಪೂಜೊಂದಿತ್ತಿಲೆಕ್ಕನೆ ಪಕ್ಕ ಮೂಜಿ ಸರ್ತಿ. ಬಾಲೆನ್ ಅಂಚಿ-ಇಂಚಿ ನೇಲಾನಗ ಸೂರ್ಯನ್ ಪತ್ತೆ, ದೊಂಬುನು ದೊಂಕುಗ, ಮಿಂಚಿದ ಪಳ ಪಳ, ತೆಡಿಲ್‌ ಗಡ ಗಡ, ಬಾಲೆದ ಕಣ್ ಪಡ್ಡಾಯಿ, ಬಾಯಿ ಅರಬಾಯಿ, ಬುಡೆದಿ ಕೋಕಾಯಿ, ಕುಂಟೆ ಮೊಂಟೆ ಬಾಲೆ ವ್ಯಾ . ವ್ಯಾ.. ವ್ಯಾ.. ಬೊಡ್ಡಪ್ಪ ಬೊಡ್ಡಿ ಬೊಡ್ಡಪ್ಪ ಬೊಡ್ಡಿ ಎನ್ನ ಬಾಲೆಗ್ ಪೊರ್ಲು ಕಂಟ್‌ ಬುಡೆದಿ ಬರೊಡಪ್ಪ ಬರೊಡು. ಮಾತಾ ಅಪ್ಪೆಡಿಕ್ಲಗ್ ತನ್ನ ಕಿನ್ನಿ ಪೊರ್ಲುಗಂಟ್‌ ಸುಂದರೆ ರಾವಣೆ ಆವೊಡು. ಕೆಕ್ಕಿಲ್ ಉದ್ದದಾಂತೆ. . ಕುದ್ಯ ಆಂಡ, ತಾಂಟೆ, ಮೋಂಟೆ, ಕುಂಟೆ ಅಂಡ ಕಜವುದ ಲೆಕ್ಕಂದೆ ಅರ್ಥ. ಬಲದಾಂತೆ ಕಣ್ ಮೂಡಾಯಿ-ಪಡ್ಡಾಯಿ ತೂಪುನ ಬಾಲೆ . .ಪೋಡಿದ್ ಬುಲಿಪುನಗ ಅರೆಬಾಯಿ, ಇಂಚಿನ ಕುರ್ತೆಲ್ ಸುರ್ಪದ ಬಾಲೆನ್ ಏರ್ ಮಧ್ಯೆ ಆಪರ್‌?. ಐಕ್ ಅಪ್ಪೆಗ್ ತನ್ನ ಬಾಲೆ ಉದ್ದ ಆವೊಡು ಪನ್ನುನ ಅಂಗಲಾಪು. ಮುಲ್ಪ ಆನ್ಸಾಲೆಗಾಂಡ ಜೋವ್‌ಂದ್, ಪೊನ್ನುಬಾಲೆಗಾಂಡ ಮಾಣಿಂದ್ ಅದಲ್ ಬದಲ್ ಮಲ್ತ್‌ದ್ ಪನ್ನೆರ್‌ಗೆ ಆಜಿ ತಿಂಗಲ್ ಮುಟ್ಟ ಬಾಲೆದ ಪಾದದಡಿಕ್ ಕುಂಟು ಪಾಡ್ ಉಂತಾವೊಡುಗೆ, ಇಜ್ಜಿಡ ನೆಲತ ಸಿಮ ಬಾಲೆದ ನೆತ್ತಿಗೆ ಒರಾನೆ ಪೋಪುಂಡು ಪನ್ನುನ ಕಾರನಗಾದ್ರ ಆಜಿ ತಿಂಗಲುಟ್ಟ ಬಾಲೆದ ಪಾದದಡಿಕ್ ಕುಂಟು ಪಾಡ್ ಉಂತಾವೊಡುಗೆ. ಇಂಚ ಊರಾದ್ ಬಾಲೆದ ಪಿರಮಂಡೆಗೊಂಜಿ ಕೈ . ಗಲ್ಲಗೊಂಜಿ ಕೈ ಕೊರ್ದು ದೆರ್ತದ್‌ ಮೂಜಿ ಸರ್ತಿ ಅಂಚಿ ಇಂಚಿ ನೇಲಾದ್ 141
