ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಕೊಂಬ ಬಿರೆಲ್ ಕೊಕ್ಕೆ ಆಂಡ, ಮೂಂಕು ಸಂಪಾಯಿ ಮುಕ್ಕೆ ಆವು, ಮೂಕುದಡಿ ತಿಕ್ಕಗ, ಕೊಕಾಯಿ ಕೂಳಿ ಬರನ್ಜೇ?
ಬಿಮ್ಮೊ ಮುಕ್ಕೆ ತಿಕ್ಕನಾತ್, ಬಾಯಿ ಕೊಂಡೆ ಆವು,
ಕೆಪ್ಪಡೆ ಮೂಡೆ ಆವು, ತುಟ್ಟಿಬಾತ್ ಪೋವು.
ಈ ಪದಟ್ ಅಪ್ಪೆಗ್ ತನ್ನ ಬಾಲೆದ ಮೋನೆ ದಾಲ ಊನದಾಂತೆ ಪೊರ್ಲುಗಂಟ್ ಉಪ್ಪೋಡುಂದ್ ಅಂಗಲಾಪು ಬುಡ್ಪಲ್.
ನೆತ್ತಿ ಸಿತ್ತ್ ಪೂಜಿನಾತ್ ಮುಕ್ಕೆ ಆಪುಜಿ. ಕುಚ್ಚುನು ಪೂಜು ಪೊರ್ಲುಡ್, ಕುಜಾಲ್ ಮೂಡುಜೆ.
ಈ ಸಾಲ್ಡ್ ಬಾಲೆದ ಅಜ್ಜಿ.. ಪೆದಿಮೆತ್ತಿ ಪಂಡ ತನ್ನ ಮಗನ ಬಾಲೆಗ್ ಎಣ್ಣೆ ಪೂಜುನಗ ಕ್ರಮನ್ ಈ ಪದ್ಯಡ್ ಪಂಡ್ದ್ ಕೊರ್ಪಿಲೆಕ್ಕ ತೋಜುಂಡು.
ಇಂಚ ಬಾಲೆದ ಪ್ರತಿಯೊಂಜಿ ಅಂಗಲೆನ್ ಬಾರಿ ನಾಜೂಕುಡು ನುರ್ತ್ ದು ನರನಟ್ಟ್ ನ್ ಹಿಕ್ಕತ್ತಡ್ ಒಯ್ತ್ ದ್ ಬಾಲೆದ ಬೇನೆನ್ ದು:ಖನ್ ಮಾಜಾವರೆಗಾದ್ರ.. ರಾಗ ಒಯ್ತೊಂದ್,
•ಲು-ಲುಲು.ಲಾಯಿ, ಬಾಲೆಗ್ ಮಲ್ಲ ಬಾಯಿ, ತೇರ್ಗ್ ಪೋಯಿ, ಅಂಬಡೆದ ಕಾಯಿ, ಲು.ು.ಲು.ಲಾಯಿ, ಎನ್ನ ಬಾಲೆದ ಮಲ್ಲ ಬಾಯಿ, ಎಕ್ ತೆಲೆ ಕುಟ್ಟುನ ... ಅಕ್ಕಲೆ ಬಾಯಿ. ಗಡಿ ಗಡಿ ಆಡಿಗೆ ದೆಪ್ಪುನ... ಗುರ್ಕೆದ ಬಾಯಿ.
•ಲುಲು.ಲು.ಲಾಯಿ..ಎನ್ನ ಬಂಗಾರ್, ಲು.ಲು.ಲು.ಲಾಯಿ ಎನ್ನ ಬೊಳ್ಳಿ ಲುಲು.ಲು.ಲಾಯಿ.. ಎನ್ನ ರತ್ನ ಲುಲು.ಲು.ಲಾಯಿ ಎನ್ನ ಪಗಲ. ು.ಲು.ಲು.ಲಾಯಿ.. ಎನ್ನ ಮುತ್ತು, ಲು.ಲು.ಲು.ಲಾಯಿ ಎನ್ನ ಬಿಟ್ಟೆಗ್. ಲುಲುಲು.ಲಾಯಿ.. ಎನ್ನ ಕೊಟ್ಟೆಗ್. ಲು.ಲು.ಲುಲಾಯಿ ಒಟ್ಟೆ ತಟ್ಟೆಗ್ (ಪೊಣ್ ಬಾಲೆ ಅಂಡ).
ಲುಲುಲು.ಲಾಯಿ.. ಪೊತ್ತೆಲ್ ಕುಡುವಗ್ ಲುಲು.ು.ಲಾಯಿ ಬಾಂಪೆಲ್ಗ್
ಲು.ಲು.ಲು.ಲಾಯಿ.. ಎನ್ನ ಬುಲಿಪೆಲಗ್ ಲು ಲು ಲು ಲಾಯಿ ಎನ್ನ ಕಿನ್ನಿಗ್
ಇಂಚ ಪದಕ್ಷೆಡ್ ಆಲ್ ಮುಡೆತಿನನೆ ಸಾಹಿತ್ಯ. ಆಲ್ ಮೋಕೆಡ್ ಉದ್ದಗೆ ನೆಂಪು ಮಲ್ತೊಂದು ಪನ್ಪುನವು ಸಾಹಿತ್ಯ.
140
