ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಅಮ್ಮೆ ತೈನಗ ಮಗಲ್ ಅಲ್ಪಲ್ : ಈ ಒಗಟ್ಡ್ ಅಮ್ಮೆನ್ ಬಿಚ್ಚಾನಗ, ಮಗಲ್ ಅಲ್ಪಲ್ ಪಂಡ ದೆತ್ತ್ಂಡ ಎಡ್ಡೆ ಅರ್ಥ ತಿಕ್ಕುಂಡು. ದಾಯೆ ಪಂಡ ಅಮ್ಮೆ ತೈತ್ಂಡ ಮಾತೆರ್ಲಾ ಅಲ್ಪೆರ್. ಆಂಡ ಅಮ್ಮನ್ ತುಂಡು ಮಲ್ಪುನಗ ಅಲ್ಪುನ ಕ್ರಿಯೆ ಅಪರೂಪ. ಅಂಚಾದ್ ನೆತ್ತ ಉತ್ತರ - ನೀರುಲ್ಲಿನ್ ಪೊನ್ನು ಜೋಕುಲು ಮೂರುನಗ ಅಲ್ಪೆರ್.
•ಎಲ್ಯ ಬಾಲೆದ ಕೈತಾಲ್ ಕತ್ತಿ :- ನೆತ್ತ ಉತ್ತರ ಕುಡುತ ಕೋಡು, ಮೂಲು ಜನಪದೆರೆನ ಕಲ್ಪನೆ ತುವಿ ಬಿಚ್ಚಿದ್ ಉಂಡು ಮಲ್ತ್ಂಡ ಕಂಡ ನಿಲ್ಕೆ ಎಲ್ಯ ಎಲ್ಯ ಪುರ್ಪದ ನಡುಟು ಒಂಜೇ ಲೆಕ್ಕ ಕುಂಟುಪಾಡ್ದಿನ ಯುದ್ಧ ಮಲ್ಪುನಂಚಿನ ದಂಡ್ ದ್ ಲೆಕ್ಕ ತೋಜುಂಡು.
•ಬಾಲೆದೆಚ್ಚ ಉದ್ದ ಬೀಲ :- ಮುಲ್ಪ ಬಾಲೆ ಏರ್? ಬೀಲ ದಾದ? :- ಉತ್ತರ ಸೌಂಟು ಅತ್ತಡ ತಟ್ಟ್ ಗ.
•ಬಂಜಿಡ್ ಪುಟ್ಟಂದಿನ ಬಾಲೆ, ತೆಗುಲುಜ್ಜಿ ಕಡ್ತುಂಡ್ ಬಾಡುಜಿ :- ತೆಗ್ ಲಂದಿನ
ಬಾಡಂದಿನ ವಾ ದೈ? ನೆತ್ತ ಉತ್ತರ ಉಗುರು ಬೊಕ್ಕ ಕೂಜಲ್. ಏತ್ ಚೋದ್ಯ
ಕೊರ್ಪುಂಡತ್ತೆ?
•ಉರುಂಟು ಮೋನೆದ ಬಾಲೆ, ಚಂದಿರನ ಮೋನೆ ಬಾಯಿಡ್ ಜೊಲ್ಲೆ ಕಾರುನ ದಾದ?: ಉತ್ತರ ನಾಲಾಯಿ.
•ಉರುಂಟು ಚಂದಿರನ ಲೆಕ್ಕ ಉಪ್ಪುನವು ದಾದ: ಉತ್ತರ- ಹೋಳಿಗೆ
•ಅರಸನ ತಿಗಲೆಗ್ ತೊರ್ಪುನ ತಿಗಲೆ - ದಾದ ಈ ಎದುರುಕತೆತ ಗೂಡಾರ್ಥ? ಅರಸನ ತಿಗಲೆಗ್ ತೊರ್ಪುನಾಯೆನ್ ದೀವೆರಾ? ಅಪಗ ಆ ಬೀರೆ ಏರ್? ಏರ್ ಪಂಡ ಆಯನ ನೆತ್ತೆರ್ಗೆ ಪುಟ್ಟಿನ ಬಾಲೆ ಐತ ಉತ್ತರ.
ಇಂಚ ಬಾಲುಲೆಗ್ ಸಂಬಂಧ ಪಟ್ಟಿನ ಪತ್ತ್ ನೂದು ಎದುರುಕತೆಕುಲು ಉಂಡು. ಅವೆನ್ ಒರಿಪುನವು ನಮ್ಮ ಮಾಮಲ್ಲ ಕರ್ತವ್ಯ.
11. ಪುರುಬಾಲೆಲೆನ್ ಮಾನಾವುನ ಪದಕುಲು
ತುಳುನಾಡ್ಡ್ ಆಡಳಿತ ಬಾಸೆ ಕನ್ನಡ ಆಂಡಲಾ... ದಕ್ಷಿಣಕನ್ನಡ ಜಿಲ್ಲೆ ಬೊಕ್ಕ ಉಡುಪಿ ಜಿಲ್ಲೆದ ಬಾಸೆ ತುಳು. ದ್ರಾವಿಡ ಬಾಷೆಡ್ ಒಂಜಾಯಿನ ತುಳುಭಾಷೆ ಪಂಡ ಆನ್ ಭಾಷೆಂದ್ ಪನ್ಪುನ ಪೆರ್ಮೆ ಉಂಡು. ಒಂಜಿ ಸಮಾಜೊಡು ವಾವೊಂಜಿ ವ್ಯವಹಾರಲೆನ್ ನಡಪೋವೆರೆಗ್ ಅವು ಭಾಷೆದ ಮುಖಾಂತರನೇ ನಡಪೊಡು. ಬಾಸೆ ಪನ್ಪುನವು ಅನುವಂಶಿಕವಾದ್ ಬಯಿದಿನತ್ತ್. ಪುರುಬಾಲೆಲೆಗ್ ಬಾಸೆನ್ ಬಾಯಪಾಟ ಮಲ್ತ್ದ್ ಕಲ್ಪಾವುನತ್ತ್. ಅಪ್ಪೆನ ಮೋನೆದ ಭಾವ, ಸನ್ನೆ.. ಸೊರೊತ ಪಾತೆರನ್ ಕೇನ್ದ್-
136
