ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಮಲ್ಲ ಗುವೆಲ್ಡ್ ನಲಿಪುನ ಬಾಲೆ : ಉತ್ತರ ನಾಲಾಯಿ
•ಸಾರ ಬಾಲೆಲೆಗ್ ಒಂಜಿ ಕಲಸ:- ಉತ್ತರ ಬಾರೆದ ಕೈಲ್ ಪೋಡಿಗೆ ದಾಂತೆ ಮಾತೆರ್ನ ಎದುರು:
•ಮಿರೆ ಪತ್ವೆ ಕಂಡನೆ ಅತ್ತ್, ಮಿಂಡೆ ಅತ್ತ್” ಏರ್ಗೆ? :- ಈ ಎದುರು ಕತೆತ ಉತ್ತರ- ಬಾಲೆ ಎಂಚಿನ ನಮ ಜನಪದರೆಗ್ ಕುಸಾಲ್ದ ಕಲ್ಪನೆ ಎಂಚಿನತ್ತೆ? ಮಿರೆಪತ್ತುನ, ಮುತ್ತು ಕೊರ್ಪುನ ತೊರ್ಪುನ, ನೋಪುನ, ತಿನ್ಪುನ, ಹಾಕುನ ಏರ್? ಬಾಲೆಗತ್ತಾವಂದೆ ಆ ಧೈರ್ಯ ಬೊಕ್ಕ ಏರೆಗ್? ಬಾಲೆಗ್ ಬಡವಾಂಡ, ತೊಡು ಆಂಡ ಒಲ್ಪಾಂಡಲಪ್ಪ ಅಪ್ಪೆನ ಸೆರೆಂಗ್ ಜಾರಾದ್ ಪೇರ್ ಪರ್ಪುನವು ಆ ಬಾಲೆದ ಹಕ್ಕು.
•ಪೋನಾಗ ಒಂಜಿ, ಬನ್ನಾಗ ರಡ್ಡ್:- ಉತ್ತರ - ಅಪ್ಪೆ ಬಾಲೆ ಪೆದ್ದರೆ ಪೋನಾಗ ಬಂಜಿನಾಲ್ ಬರ್ತಿ, ತೊಟ್ಲಾಲೆ ಬನ್ನಗ ರಡ್ಡ್ ಜನ ಆಪೆರತ್ತೆ ?
•ಬೊಲ್ದು ಕುಂಟುನು ತುತ್ತಿನ ಅಪ್ಪೆ, ಸೀದಾ ಅಡಿಪಿಲ್ಗ್ ಪೋಪಾಲ್ :- ಉತ್ತರ - ಸಾಂಬಾರ್ದರಿ
ಈ ಎದುರು ಕತೆನ್ ನನೊಂಜಿ ನಮೂನೆಲ್ಲಾ ಪನ್ಪೆರ್: ಬೊಲ್ದು ಕುಂಟುಂದ ಅಪ್ಪೆಗ್ ಸಾರ ಜೋಕ್ಲು. ಸಂಬರ್ದರಿತ ಚೋಲಿ ಬೊಲ್ದು ಕುಂಟುದಲೆಕ್ಕ. ಐತ ಒರ್ತಮೆ ಇತ್ತಿನ ನೇಲ್ಯ ಎಲ್ಯ ಸಾಂಬರ್ದರಿ ಐತ ಜೋಕ್ಲು.
ಎಲ್ಯ ಸಾಲ್ಡ್ ನೇಲ್ಯ ಅರ್ಥ ಕೊರ್ಪುನಂಚಿನ ಎದುರುಕತೆಕ್ಲು ಜೋಕ್ಲೆನ ಬಿರ್ಸಾತಿಕೆಗ್ ಕನ್ನಡಿ ಪತ್ತುನಂಜಿನವು. ಆಕ್ಲೆನ ಯೋಚನೆಗ್ ಹಾರ ಕೊರ್ಪುನಂಚಿನವು.
•ಒಂಜಿ ಕಾರ್ದ ಕೊಕ್ಕರೆಗ್ ಸಾರ ಬಾಲೆಲು :- ನೆತ್ತ ಉತ್ತರ ತಾರೆದ ಮರ. ಬಾಲೆಲು ಪಂಡ ಬೊಂಡ ಅತ್ತಡ ತಾರಾಯಿ. ಉದ್ದ ಕಾರ್ದ ಕೊಕ್ಕರೆ ಜನಪದರೆಗೆ ತಾರಾಯಿದ ಮರತಲೆಕ್ಕ ತೋಜಿದುಪ್ಪು.
•ಅಪ್ಪೆನ ಬಂಜಿಗ್ ಮಗಳ್ ಪೋಪಲ್, ಮಗಲ್ನ ಬಂಜಿಗ್ ಅಪ್ಪೆ ಪೋಪುಜಲ್:-ನೆತ್ತ ಉತ್ತರ ಸೇರ್, ಕೊಂಡೆ. ನನೊಂಜಿ ಉತ್ತರ ದಿಕ್ಕೆಲ್, ಕೋಡ್ದಿಕ್ಕೆಲ್
•ಪತ್ತ್ ಬಾಲುಲೆನ ಅಪ್ಪೆ ಪರ್ಕಟೆ ಕುಂಟು ತುತುದು, ಪತ್ತ್ ಬಾಲೆಲೆನ್ ದೆರ್ತೊಂದು ಅಡ್ಪಿಲ್ಲಗ್ ಪೋಯೆರ್ :- ಈ ಒಗಟ್ ದ ಪ್ರಕಾರ ಇಂಚಿನ ಬಡವೆದಿ ಅರಮನೆಗೆ ವನಸ್ಗ್ ಲೆಪ್ಪು ಇತ್ತ್ ದ್ ವನಸ್ಗ್ ಪೋಪುನ ಇಜ್ಜಿ. ಆಂಡ ಈ ಒಗಟ್ ಪೋತಿನವು ಸತ್ಯ. ಅವು ಎಂಚ? ಆಲ್ ಏರ್? ಪಂಡ ಉತ್ತರ ಐತ ಚೋಲಿ ಪರ್ಕಟೆ ಕುಂಟುದ ಲೆಕ್ಕ. ಐತ ಉಲಾಯಿದ ಬಿತ್ತಲ್ ಅಲೆನ್ ಅರಾಪತ್ತಿನ ಬಾಲೆಲೆನಲೆಕ್ಕ.
135
