ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಮಗಲೆನ ಬಾಲೆ ಅಜ್ಜಿ ನಿಲ್ಕೆ ಕಂಡದ ಕೈಯಿನ್ ಗೋಣೆ ತಿನ್ಪುಂಡುಂದು ಪಂಡ್ಗೆ. ಅಪಗ ಅಜ್ಜಿ, ಮಗಲೆನ ಬಾಲೆನ್ ದಿಡ್ಕ ತಿರ್ತ್ಪಾಡ್ಡ್.. ಮಗನ ಬಾಲೆನ್ ಸೊಂಟೊಡು ದೀವೊಂಡಲ್ಗೆ.,
•ತಾರಾಯ್ದ ಮರ ತೆಂಕಾಯಿ :- ಈ ರಡ್ ಗಾದೆದ ಅರ್ಥ.. ಪೊನ್ನು ಜೋಕ್ಲು ನಮ್ಮ ಅತ್ತ್. ಅಕ್ಲೆನ ಗುನಲಾ ಬೇತೆ ಬೇತೆ ಉಪ್ಪುಂಡುಂದು ಪನ್ಪುಂಡು.
•ಏಲ್ ಜೋಕ್ಲೆಗ್ ಏಲ್ಗುರಿಟ್ ಗಂಜಿ ಮೈತ್ದ್ ಕೋರಿ ಅಪ್ಪೆ ಆ ಗುರುಟ್ ಒರಿನ ತೆಲಿ ನಕ್ಕೊಂದು ನನ ರಡ್ಡ್ ಜೋಕ್ಲಿತ್ಕಂಡ ನನ ರಡ್ಡ್ ಗುರಿನ ಬಂಜಿ ದಿಂಜಾದೊಲಿಂದ್ ಪಂಡಲ್ಗೆ:- ಮುಲ್ಪ ಅಪ್ಪೆನ ಮೋಕೆದೊಟ್ಟುಗು ಗಂಜಿದ ಗುರಿನೆಕ್ಕದ್ ಬಂಜಿ ಜಿಂಜಾವುನ ಬಡಪತ್ತ್ ಇತ್ತಂಡಲಾ ಜೋಕ್ಲು ನನಲ ಬೋಡುಂದು ಬಯಕುನಂಚಿತ್ತಿನವು ಅಪ್ಪೆನ ಮಲ್ಲಾದಿಗೆ.
•ಕೆಕ್ಕಿಲ್ ಮುರ್ಕುನಂಗೆ ಬೊಲ್ಲದ ನೀರ್ಡ್ ದೆರ್ತ್ತ್ ಉಂತಿ ಅಪ್ಪೆ ಬೊಕ್ಕ ಬಾಲೆನ್ ಕಾರ್ದಡಿಕ್ ಪಾಡ್ದ್ ಮೇಲ್ಡುಂತಿಯಲ್ :- ಅಪ್ಪೆನ ಸ್ಥಾನಗ್ ಅಪವಾದ ಆತಿನ ಈ ಗಾದೆದ ಅರ್ಥ ಅಪ್ಪೆ ಬದ್ಕರೆಗಾದ್ರ ಮಲ್ಪುನ ಸ್ವಾರ್ಥ ಮುಲ್ಪ ಪುಲೆವುಂಡು. ಬಾಲೆಲ್ಗಾದ್ರ ಜೀವ ಬುಡ್ಪುನ ಅಪ್ಪೆಲು ಉಪ್ಪುನ ಲೋಕೊಡು, ಬಾಲೆನ್ ಕೆರ್ದ್ ಬದ್ಕ್ ನಂಚಿತ್ತಿನ ಅಪ್ಪೆಲ್ ಉಲ್ಲೆರ್ಂದ್ ಬಿರೆಲ್ ತೋಜಾವುಂಡು.
•ಬಾಲೆನ್ ಕೆರ್ಪಿ ಅಪ್ಪೆಡ್ದ್ - ಮೋಕೆಡ್ ತಾಂಕುನ ಕುರ್ಪೆಲ್ ಭೂತ ಎಡ್ಡೆ:-ಈ ಗಾದೆಲಾ ಅವ್ವೆ ಅರ್ಥೋನು ಕೊರ್ಪುಂಡು.
•ಕಿರ್ಕಟ್ಟಿದ್ ಬುಲ್ಪುನ ಬಾಲೆಗ್ ನಿನ್ನ ಬಾಯಿಗೆ ಸುರೂಟ್ ಕೈ ಪಾಡಿ ತಾಟಕಿ ಏರಪ್ಪ ಪಂಡೊಲ್ಗೆ ಅಪ್ಪೆ.
•ಒಡಕದಾಂತೆ ಪಾತೆರುನ ಬಾಲೆಗ್ ನಿನ್ನ ನಾಲಾಯಿಗ್ ಸುರುಕು ಬಜೆನ್ ಏರ್ ನಕ್ಕಾಯರಪ್ಪಂದ್ ಕೇನ್ವೆರ್ಗೆ:- ಬಜೆ ಒಂಜಿ ಗಿಡಮೂಲಿಕೆದ ಬೇರ್. ಉಂದು ಎಡ್ಡೆ ಮರ್ದ್. ಪುರುಬಾಲೆಲೆಗ್ ದಿನಾ ಬಜೆನ್ ತರೆತ್ದ್ ಉಂಗಿಲ ಬಿರೆಲ್ಡ್ ನಾಲಿಗೆಗ್ ತಿಕ್ಕವರ್. ತಿಕ್ಕಂಡ ಅಗ್ರ ಪೋದು ಸ್ಪಷ್ಟವಾದ ಪೊರ್ಲುಡು ಪಾತೆರ್ವ. ಅಜ್ಜಿ ಮರ್ದ್ ಉಂದೆನ್ ಜಿಂಜ ಸೀಕ್ಲೆಗ್ ಉಪಯೋಗ ಮಲ್ಪುವೆರ್.
•ಬಾಲೆದ ಮೊರಂಪಾಯಿಗರಿಂಡ ಅಪ್ಪೆನ ಕಣ್ಡ್ ನೀರ್ ಒಡ್ಡು, ಅಪ್ಪೆನ ಮೋಕೆದ ಮನಸ್ಸ್ ಪಂಡ ಅಂಚಿತ್ತಿನವು.
•ಕೊರಂದಿ ಅಮ್ಮ ಏಪಲ ಕೊರಯೆರ್. ಕೊರ್ಪಿ ಮುಂಡೆಗ್ ಇನಿದಾನೇಂದ್? ಪಂಡ್ಗೆ ಬಾಲೆ. ದಿನಾ ಕೊರ್ಪುನಾಕುಲು ದಿನಾ ಮೋನೆ ತೂಪುನಕ್ಲು ಪಂಡ ನಾಯಿಲಾ
125
