ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
• ಅಮಾಸೆ ಬೂದೆದಾನಿ ಬಾಲೆ ಪುಟ್ಟುಂಡ ಬಾಲೆನ್ ಬೊನ್ಯದ ರಾಶಿಡ್ ಜೆಪ್ಡಾದ್ ಕೊರಗೆರೆಗ್ ದಾನ ಕೊರ್ದು ಪಿರ ದೆತೊನೊಡುಗೆ. ಕೆಲವು ನಕ್ಷತ್ರದ ಬಾಲೆ ಪುಟ್ಟುಂಡ ಇಂಚ ಗಾದೆಡ್ ಪನ್ಪೆರ್.
•ಭರಣಿ ನಕ್ಷತ್ರದಕುಲು ಧರಣಿ ಆಲ್ವೆರ್.
•ಉತ್ತರದಕ್ಲು ಒತ್ತರೆ ಮಲ್ಪೆರ್.
•ಧನಿಷ್ಟದಕ್ಲು ಅನಿಷ್ಟ ಕನಪೆರ್. . •ಜ್ಯೇಷ್ಟದಕ್ಲೆಗ್ ಜೇಷ್ಠ ನಕ್ಷತ್ರದ ಪೊನ್ನನ್ ಸಾಟೆ ಮಲ್ಲೊಡು.
•ಮೂಲದಕ್ಲು ಮೂಲನ್ ಕರಾವೆರ್ಗೆ, (ಅಮಾಸದ ಮೂಲ ಹಾಲ್ಗೆ, ಬೊಲಿಯ ಮೂಲದಕ್ಲು ಇಲ್ಲ-ಬದ್ಕ್ ಮಲ್ಪೆರ್ಗೆ),
•ರೋಹಿಣಿಡ್ ಪುಟ್ಟುಂಡ ಸೋದರಮಾಮುಗು ಹಾಲ್.
•ಚಿತ್ರದಾಕ್ಲು ವಿಚಿತ್ರದಾಕ್ಲು, ಚಿತ್ರದಕ್ಲು ಚಿಟ್ಟೆ ಮಾಜವೆರ್ಗೆ .
•ಅಮಾಸೆದ ದುಂಬುದಿನ ಹಾಲ್, ಪುನ್ನಮೆದ ದುಂಬು ಎಡ್ಡೆ.
•ಅಂಗಾರೆ-ಶನಿವಾರ ಹಾಲ್, ಕಿರಣ (ಗ್ರಹಣ)ದಾನಿ ಹಾಲ್,
•ಅಂಗಾರೆದಾನಿ ಪುಟ್ಟಿನಾಯೆಗ್ ಮೂಂಕುದ ಕೊಡಿಟ್ ಕೋಪ
•ಆಶ್ಲೇಷ ನಕ್ಷತ್ರಡ್ ಪೊಣ್ಣುಬಾಲೆ ಪುಟ್ಟುಂಡ ಮಾಮಿ ಅತ್ತಡ ತಮ್ಮಲೆ ತರೆ ಅಲಿವುಂಡ್ಗೆ.
•ನೂದು ಕೈಕಂಜಿಲ್ನ ಮೇಪು ಮೇಪದೆ ಒಂಜಿ ಬಾಲೆ ಮಣಾವೆರೆಪಿನಯ :- ಕೈ-ಕಾರ್ ಬತ್ತಿನ ಬಾಲೆ ಒಂಜಿ ಗಲ್ಗೆ ಕುಲ್ಲುಂಡ್ ಅವೆನ್ ಕಾಪೆರೆಗ್ ನೂದು ಕಣ್ಣ್ ಬೋಡು. ಗೂಪುನು, ದಕ್ಕುನು, ಹಾಕುನು, ಬೂರುನು, ಬುಲಿಪುನು, ಬಲಿಪುನು, ಬಿರ್ಕುನು ಒಂಜಿ ರಡ್ಡ್ ಬೇಲೆನ ಐತ ಮೈ ಒರ್ಮೆ ಕನಾಂಡಲ ಯಾವಂದ್.
•ಬಾಲೆ ಪೆದ್ -ಪೆದ್ದ್ ದ್ ಮದ್ಮಾಲಾಯೊಲ್ಗೆ.:- ಆನಿ ಆನಿಗ್ ಮದಪುನಾಕ್ಲೆಗ್.. ಈ ಪಾತೆರ ಪನ್ಪೆರ್.
•ಬಾಲೆ ಪಿಂಗಾರ-ಬಾಲೆಡ್ದ್ ಬಾಲೆ ಬಂಗಾರ, ಬಾಲೆಡ್-ಬಾಲೆಡ್ದ್ ಬಾಲೆ ಬಂಗಾರ್ದ ಗುರ್ಬಿ.
•ಮಗಲೆ ಬಾಲೆನ್ ನಿಟ್ಟೆಲ್ಡ್ ತಟೊಂದು, ಮಗನ ಬಾಲೆನ್ ನಡಪಾವೊಂದು ಪೋಪಿ ಅಜ್ಜಿಡ ಮಗನಬಾಲೆ - ಅಜ್ಜಿ ನಮ್ಮ ಕಂಡೊಡು ಕೈ-ಕಂಜಿಲು ತಿನ್ಪಂದ್ ಪಂಡ್ಗೆ.
124
