ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬುಡೊಂದಿತ್ತೆರ್ಗೆ. ಎಲ್ಲಿ ಪ್ರಾಯಡ್ ಬಾಲೆದ ಕಂಡನೆ ತೈತ್ಂಡ ಆಲೆನ ಪುಚ್ಚೆದ ಗೊಂಡೆ ಪಂಡ ಕುಜಲ್ನ್ ಕೆರಸ್ದ್ ಮಂಡೆನ್ ಬೋಲ್ ಮಲ್ಪೆರ್. ಅಪಗ ಗೊಂಡೆನ್ ವಾ ಪುಚ್ಚೆಗ್ ಪಾಡುನು? ಕುಂಕುಮ-ಮಂಜಲ್, ಪೂ.. ಕಾಜಿ, ಮೈತ ಬಂಗಾರ್ ಪೂರಾ ದೆತ್ತ್ದ್ ಬೋಲು ಮಲ್ಪೆರ್. ನನ ಮದಿಮಾಲ್ ಆದ್ ಒಂಜಿ ವರ್ಸಡೇ ಆಲ್ ಬಾಲೆನ್ ಪೆದ್ಂಡ ಆಲೆನ ಜೋಕ್ಲಾಟಿಕದ ಗೊಬ್ಬುಲೆನ್ ಮಾತ್ರ ಬುಡಿಲೆಕ್ಕನೆ. ಎಲ್ಲಿ ಪ್ರಾಯೊಡೇ ಮಲ್ಲ ಪುದೆ ತುಂಬಿಲೆಕ್ಕ!. ನನ ದಿನ ಇಡೀಲಾ ಬುಲಿಪುನ ಬಾಲೆ ಇತ್ತಂಡ ಆಲೆನ ಭಂಜನ್ ಪಂಡ್ದ್ ಪುಡಾಡ್ರೆಗ್ ಇಜ್ಜಿ. ಆಲ್ ಸುಖ ಸಂತೇಸನ್ ಮಾತಾ ತ್ಯಾಗ ಮಲ್ಪೊಡಾಪುಂಡು.
•ಏರೆರ್ನ ಬಾಲೆಲು ತೈತ್ಂಡ್ ತೂವೆರೆಗ್ ಪೊರ್ಲು :- ಈ ಗಾದೆಡ್ ಜನಮಾನಿನ ಸ್ವಾರ್ಥದ ಚಿತ್ರನ್ ಪೊರ್ಲುಡು ಮುಡೆತೆರ್. ಕೈತಲ್ದ ಇಲ್ಲಗ್ ತೂ ಬುರುಂಡ, ಏರ್ ನೀರ್ ಮೈತೆರ್? ಏರೇರ್ ಬತ್ತೆರ್? ದಾದ ದಾದ ಪೊತ್ತುಂಡು? ಏತ್ ನಷ್ಟ ಆವೊಂದ್ ಪೊರ್ಲುಡ್ ದೂರಡ್ ಉಂತುದು ಲೆಕ್ಕ-ಚಾರ ಮಲ್ಪುನವು ಜನಮಾನಿನ ಗುನ, ಅಂಚನೆ ಬೇತೆಕ್ಲೆನ ಬಾಲೆ ತೈನಗ .. ಅಕುಲೆನ ಬೇನೆ ದು:ಖ ತೆರಿಪುಜ್ಜಿ. ಆಂಡ ತನ್ನ ಇಲ್ಲದ ಬಾಲೆ ತೈನಗ ಮಾತ್ರ ಆ ಬೇನೆ ಗೊತ್ತಾಪುಂಡು. ಈ ಗಾದೆ ಸಾಹಿತ್ಯಲಾ ಅಂದ್ ..ಬದ್ಕ್ ದ ಸೂತ್ರಲಾ ಅಂದ್.
•ಗಾದೆ ಪನ್ಪುನವು ಜನಮಾನಿನ ವಿಶ್ವಕೋಶ, ಅವು ಮುಟ್ಟಂದಿನ ವಿಷಯ ಇಜ್ಜಿಂದ್ ಪನ್ಪುನೆಕ್ಕ್.. ತಿಥಿ, ನಕ್ಷತ್ರ, ಪಕ್ಷ, ತಿಂಗಲ್ನ್ಹಾ ಬುಡ್ದಿಜ್ಜಿ.
•ಅಮಾಸೆಗ್ ಆನ್ ಪುಟ್ಟರೆ ಬಲ್ಲಿ, ಪುನ್ನಮೆಗ್ ಪೊನ್ನು ಪುಟ್ಟರೆ ಬಲ್ಲಿ :- ಅಮಾಸೆಗ್ ಪುಟ್ಟಿನಾಕ್ಲು ಉದ್ದಾರ್ ಆವಯೆರ್ಗೆ.ಮೇಲ್ ಮೇಲ್ ಅಪವಾದ ಬರ್ಪುನಂಚಿನ ನರಮಾನಿಗ್, ಈ ದಾನೆ ಅಮಾಸೆಗ್ ಪುಟ್ಟಿನಾಯೆನಂದ್ ಕೇನುವೆರ್. ಅಮಾಸೆ, ಅಮಾಸೆ ಬೂದೆಗ್ ಪುಟ್ಟುಂಡ .. ಬಾಲೆಗತ್ತಾವಂದೆ ಪೆದ್ದಿ ಅಪ್ಪ-ಅಮ್ಮೆಗ್ ಹಾಲುಂಡು ಪನ್ಪುನ ನಂಬಲಿಗೆ ಉಂಡು. ಪುನ್ನಮೆದಾನಿ ಪೊನ್ನು ಪುಟ್ಟುಂಡ ಇಲ್ಲದ ಐಸಿರಿ- ಲಕ್ಷನ ಪೋಪುಂಡುಗೆ . ದಾಯೆ ಪಂಡ ಪೊನ್ನು ನನೊಂಜಿ ಇಲ್ಲಗ್ ಪೋಪಿನಾಲ್, ಆಲೆನೊಟ್ಟುಗು ಸಂಪತ್ ಪೋವುಂದು ದುಂಬುದಕ್ಲೆನ ನಂಬಲಿಗೆ, ಆಂಡ ಈ ಪಾತೆರ ಏತ್ ಸತ್ಯ? ಇಂಚಿನ ಒಂಜಿ ರ ಉದಾರ್ಮೆ ಒಲ್ಪಾಂಡಲಾ ನಡೆದಿಪ್ಪು ಐಕಾದ್ರ ಅವೆನ್ ದುಂಬು ಕನದ್ ಇಂಚಿನ ಅಪವಾದದ ಕತೆ ಕಟ್ಟಿ ದ್ ಆ ಪೋಡಿಗೆನ್ ಶಾಶ್ವತವಾದ್ ಒರಿಪೋವುನ ಎಡ್ಡೆ ಅತ್ತ್.
123
