ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ತಾದಿ ತೆಲಾವಂದ್. ಆತ್ ಸಸಾರ. ಮುಲ್ಪ ಬಾಲೆಗ್ ಕೊರಂದಿನಾಲ್ ಅಮ್ಮೆ ಆತಲ್. ಕೊರ್ಪುನಾಲ್ ಮುಂಡೆ ಆತಲ್, ಲೋಕೊದ ವ್ಯವಹಾರನೆ ಅಂಚಿತ್ತಿನವು
•ಕಂಡನೆದಾಂತಿನಾಲೆನ ಬಾಲೆಗ್ ಊರುದಕ್ಲು ಅಮ್ಮೆರ್.
• ಬೆರಕೆದ ಕೈಪು ಎಡ್ಡೆ - ಕಂಡ್ರೆಕುಟ್ಟಿ ಬಾಲೆ ಎಡ್ಡೆ.
•ಉರೆಕೊಡಿನ ಬಿತ್ತ್ ಗ್ ಬುಲೆ ಎಚ್ಚ-ಉರೆಕೊಡಿನ ಬಾಲೆಗ್ ಬುದ್ಧಿ ಹೆಚ್ಚ :- ಉಂದು ಪೊನ್ನು ಆನನ ಆದ್ರದ ವಿಷಯ. ಅಪ್ಪೆ ಏರ? ಅಮ್ಮೆ ಏರ? ಕೆಲಸರ್ತಿ ರಡ್ಡ್ ಗುನೊತ ನೆತ್ತೆರೆಡ್ ಬಾಲೆ ಕೀರ್ತಿವಂತೆ ಆತಿನ ಉದಾರ್ಮೆಲ್ ಉಂಡು..
•ಪೀ - ತಿಂದಿ ಬಾಲೆ ಮಲ್ಲೆ ಆನಗ ಕಲುವೆರ್ ತಿಕ್ಕುಗೆ.
•ಬಾಲೆ ಪತ್ತಿ ಪದತ್ತಿ ಬಾಲೆದ ಬಾಯಿ ಗುಜ್ಜೆತಿನ್ಪಿ ಬಾಯಿಂದೊಲ್ಗೆ.
•ಬಾಲೆದ ತರೆಟ್ ಬರೆಯಿನೆನ್ ಇರೆಟ್ ಒಚ್ಚಿಂಡಲ ಮಾಜಂದ್
•ಅಜ್ಜಿಗ್ ಪುಲ್ಲಿ ಕಲ್ಪಾಯಿಲೆಕ್ಕ.
•ಒಂಜಿ ಬಾಲೆ ಪೆದ್ದಿನಾಲ್ ಒರುಂಬ ಬಾಲೆ ಪೆದ್ದಿನಾಲೆಗ್ ಬುದ್ಧಿ ಪಂಡಲ್ಗೆ:- ಅರ್ಧ ವಿದ್ಯೆ ಕಲ್ಲಿನಾಕ್ಲಗ್ ಅಂಸಾನಿ, ಅಂಕಾರ ಎಚ್ಚ. ಜಿಂಜಿನ ಕೊಡಪಾನದ ನೀರ್ ಏಪಲ ತಮೆಲುಜ್ಜಿ. ಅನುಭವ ಇತ್ತಿನಾಕ್ಲು-ತೆರಿನಕ್ಲು ಏಪಲಾ ಇರೆ-ಮರೆತ ಕಾಯಿತ್ತಿಲೆಕ್ಕ ಉಪ್ಪೆರ್. ಅಂಚಿನಕ್ಲೆಗ್ ದಾಲಾ ಅನುಭವದಾಂತಿನಕ್ಲು ಬುದ್ಧಿ ಪಂಡ ಎಂಚಾವ್? ಉಂದು ಅಕ್ಲೆನ ಎಲ್ಯ ಮನಸ್ಸನ್ ತೆರಿಪಾವುಂಡು.
•ಕೈ ಪೊತ್ತಾವೊಂದಿ ಬಾಲೆ, ತೂ-ತ ಕೈತಲ್ ಪೋವಂದ್.
•ಜೋಕುಲು ಎಡ್ಡೆ ಆಂಡ ಊರುಗು ಎಡ್ಡೆ.
•ತೊಟ್ಟಿಲ್ ಮಾರುನಾಯೆಗ್ ಊರ್ದ ಬಂಜಿನಾಲ್ ಪೆದ್ದುನೆನೆ ಕಾಪುವೆಗೆ:-ಉಂದು ಅಕುಲಕ್ಲೆನ ಕಸಬುದ ಪ್ರಶ್ನೆ. ಆಂಡಲಾ ಒಂಜಿ ಇಲ್ಲಡ್ ಉಪ್ಪುನ ಪಿರಾಕ್ದ ತೊಟ್ಟಿಲ್ಗ್ ಅಜ್ಜೆರ್-ಪಿಜ್ಜೆ ಜೆತ್ದ್ ಮಲ್ಲೆ ಆತಿನ ಚರಿತ್ರೆ ಉಪ್ಪುನಗ ಒಂಜೊಂಜಿ ಬಾಲೆಗ್ ಒಂಜೊಂಜಿ ಪೊಸ ಪೊಸ ತೊಟ್ಟಿಲ್ ಕನಪುನ ಪ್ರಸಂಗೊಲು ಬರ್ಪುಂಡೆ?.
•ಪುಟ್ಟುನಗ ಬತ್ತಲೆ- ಪೋನಗ ಕತ್ತಲೆ.
•ಪುಟ್ಟುನಗಿತ್ತಿನ ಗುನ-ಗುಡ್ಡೆ ಮಿತರ್ಂಡಲಾ ಪೋವಂದ್.
•ಪುಟ್ಟ್ ರಾಶಿದ ಗುನ-ತೈನಗೆ ತೂವೊಡು.
• ಪುಟ್ಟುನಗ ಎಲಿತ ಕಿನ್ನಿ-ಬುಲೆನಗ ಪಿಲಿತ ಕಿನ್ನಿ.
•ಪುಟ್ಟುನಗಿತ್ತಿನ ಗುನ-ಚಟ್ಟಗ್ ದೀನಗ ಪೋಪುಂಡು,
126
