ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಪೊನ್ನು ಬಾಲೆ ಪೆದ್ದ್ ದ್ ಮರ್ಮಾಯ ತಿಗಲೆಗ್ ದೀವೆರಾಂಡ್, ಆನ್ ಬಾಲೆ ಪೆದ್ದ್ ದ್ ಮರ್ಮಲೆ ತಿಗಲೆಗ್ ದೀವೆರಾಂಡ್, ಅಕೇರಿಗ್ ಎನ್ನ ಕೈ ಎನ್ನ ತರೆಕ್ಂದೊಲು ಅಪ್ಪೆ.
•ಪೊನ್ನು ಬಾಲೆನ್ಲ ಮಣ್ಣ್ ದ ಜಾಲ್ ದೀಲೆಕ್ಕ ಉಂಡು:- ಅಮೃತದ ಲೆಕ್ಕ ಉಪ್ಪುನಂಚಿನ ಗಾದೆದ ತಿರ್ಲ ದ ಸತ್ಯ. ಪೊನ್ನು ಮಗಲ್ ಒಂಜತ್ತ್ ಒಂಜಿ ದಿನ ನನವೊರಿಯನ ಸೊತ್ತು. ನನೊಂಜಿ ಇಲ್ಲದ ಬೊಲ್ಪು . ಅಯ್ಯಾದ್ರ, ಅಲೆಗ್ ಎಲ್ಲಿಡೇ ಬದ್ಕ್ ದ ಕಷ್ಟ ನಷ್ಟದ ವಿವರನೆ ಕೊರ್ದು ಜಾಗರ ಮೂಡಿಸೊಡು. ಇಜ್ಜಡ ಇಂಚ ಒಂಜಿ ರಡ್ಡ್ ಪಾತೆರೆಗ್ .. ಮೋನೆ ಬಾಪಾದ್ ಅಪ್ಪೆ ಇಲ್ಲಗ್ ಬಲ್ತೊಂದು ಬತ್ತದ್ ಅಪ್ಪೆನ ಇಲ್ಲನ್ ಕುರುಕ್ಷೇತ್ರ ಮಲ್ತೊಂದು ಇಲ್ಲಾದಾಕುಲೆಗ್ ನೆಮ್ಮದಿ ದಾಂತಿ ಲೆಕ್ಕ ಮಲ್ಲುವಾಲ್. ಅಂಚನೆ ಜಾಲ ಮಣ್ಣ್ನ್ಲನಾ ದಿನಾ ಅಡ್ತ್ ದ್ ಅಂಬಿ-ಕರಿ ಗಟ್ಟಿದ್ ಪೊರ್ಲುಡು ದೀವೊಡು. ಇಜ್ಜಡ ನಾಚಿಗೆ ಮುಲ್ಲು, ಪಜಿರ್, ದೈಕುಲು ಕಜವು ಜಿಂಜಿದ್ ಇಲ್ಲ್ ನರಕ ತೋಜು . ಇಲ್ಲಗ್ ಗುರ್ಕಾರ್ದಿ ಎಡ್ಡೆ ಇತ್ತಿಲೆಕ್ಕನೆ ಜಾಲ್ಲ ಪೊರ್ಲು ಉಪೊಡು.
•ಬಾಲೆಡ್ಡೆ ಕಣ್ಣಡ್ಡ;- ಒರ್ದ ಕಣ್ಣಿದ ಬಾಲೆ ಏತ್ ಪೊರ್ಲು ಇತ್ತಂಡಲಾ, ಮಾತ ಬಣ್ಣನ್ ಮಜ್ಜಿ ದಿಂಗಿಲೆಕ್ಕ ಕುರ್ತೆಲ್ ತೋಜುಂಡು.
•ಬಾಲೆಡ್ಡೆ - ಪೀ ಪಡ್ಕೆ;-ಕಿನ್ನಿಬಾಲೆದ ಕೋಮಾಟಿಕದ ಗೊಬ್ಬುಲೆನ್ ತೂದು ಏರ್ ಮರ್ಲಾಪುಜೆರ್! ಪುರುಬಾಲೆಲು ಮಿರೆ ಪೇರ್ ಪರಿಲೆಕ್ಕನೆ. ಅಪಗಪಗ.. ಪೀ ಊಜುಂಡು, ಮಡಿಕುಂಟ್ ತುತ್ತಿನಾಕ್ಲು ಅಂಗಲಾಪುಡು ಬಾಲೆನ್ ಪತ್ತೊಂಡ .. ಕುಂಟುಗು ಬಾಲೆದ ಪ್ರಸಾದ ರೆಂಕು.
•ಬುಲ್ತ್ ಬುಲ್ತೇ ಬಾಲೆ ಬುಲೆಪಿನಿ, ಬಾಲೆ ಬುಲಿಪಂದೆ ಮಲ್ಲೆ ಆಪುಜ್ಯ
•ಪೊನ್ನು ಬಾಲೆಗ್ ಸೇಲೆ ಎಚ್ಚ, ಆನ್ ಬಾಲೆಗ್ ಬೇಲೆ ಎಚ್ಚ :- ತ್ರಾಸ್ಡ್ ತೂಂಕುಂಡ ಆನ್ ಬಾಲೆಗ್ ತಂಟೆ, ಲೂಟಿ, ಪೋಕ್ರಿ ಎಚ್ಚ ಹೆಚ್ಚಾದ್ ಪೊನ್ನು ಬಾಲೆಲು ಅಪ್ಪೆನ ಸಿರಿಂಗ್ ಪತ್ತ್ದ್ ಅಂಚಿ ಇಂಚಿ ನೇಲೊಂದಿಪ್ಪುನ ಸತ್ಯ.
•ರಡ್ಡ್ ಪೊನ್ನು ಬಾಲೆ ಪುಟ್ಟುಂಡ ರಡ್ಡ್ ಊರು..ರಡ್ಡ್ ಕುಟುಮ ನಮ್ಮ ಆವು.
•ಅಪ್ಪೆನ ಸಿಕೆ ತಾಗಿ ಬಾಲೆಗ್ ನಿದಿರೆದ ಸುಖ ಎಚ್ಚ ಅಪ್ಪೆನ ಮೈತ ಮಪ್ಪು ಬೆಚ್ಚಡ್ ಬಾಲೆನ್ ತಟ್ಟಿದ್ ಪತ್ತ್ ದ್ ಜೆತ್ಂಡ ಬಾಲೆಗ್ ಅಪ್ಪೆನ ಬಂಜಿಡಿತ್ತಿನ ಕುಸಿಟ್ ಪೊರ್ಲುಡು ನಿದಿರೆ ಮಲ್ಪುಂಡು.
•ಬಾಲೆದ ಸುರುತ ಶಾಲೆ ಇಲ್ಲ್. ಅಪ್ಪೆ .. ಬಾಲೆದ ಸುರುತ ಗುರು;- ಪರಿಸರ. ಪ್ರಕೃತಿದ ಗುರ್ತ-ಅರ್ಥ, ಕುಟುಂಬದ ಸಂಸ್ಕೃತಿ, ಪಾತೆರಕತೆ.. ಒಪ್ಪ ಓರನ, ಎಡ್ಡೆ -
120
-
