ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪಡ್ಕೆ, ತನ್ನ ಬೇಲೆನ್ ಮಲ್ಪುನಂಚಿನ ವಿದ್ಯೆಲೆನ್ ಬಾಲೆ ಸುರುಕು ತನ್ನ ಅಪ್ಪೆಡ ಕಲ್ಪುಂಡು. ಅಂಚಾದ್ ಆ ಗಾದೆದ ಉದಿಪನೆ ಆದಿಪ್ಪು.
•ಜೋಕ್ಲೆನ್ ಹಾಕ್ದ್ ತಾಂಕ್.. ನುಗ್ಗೆ ದೈನ್ ಕಡ್ತ್ ದ್ ತಾಂಕ್:- ದೈ ಆನಗ ಬಗ್ಗಂದಿನವು ಮರವಾದ್ ಬುಲಯಿಬೊಕ್ಕ ಬಗ್ಗವರೆ ಸಾಧ್ಯ ಉಂಡಾ? ಬಲತ್ಕಾರಡ್ ಬಗ್ಗಾಂಡ ಪೊಲಿದ್ ಪೋವು, ಅಂಚನೆ ಛದಿ-ಗರ್ವ ಇತ್ತಿನ ಜೋಕ್ಲೆಗ್.. ಎಡ್ಡೆಪಾತೆರಡ್ ಪನ್ಂಡ ಕೆನಯೆರ್. ದಂಡಂ ದಶಗುಣಂದ್ ಪಂಡಿಲೆಕ್ಕ .. ಅಕುಲೆಗ್ ಪೆಟ್ಟ್ ದ ಪೋಡಿಗೆ ಬೋಡು. ಇಜ್ಜಾಂಡ ಇಲ್ಲಗ್ ಮಾರಿ ಆಪೆರ್. ಅಂಚನೆ ನುಗ್ಗೆ ದೈನ್ ಕಡ್ಪಂದೆ ಬುಡುಂಡ ಬಾನಗ್ ಮೋನೆ ಪಾಡ್ದ್ ಬುಲೆಪುಂಡು, ಐತ ಇರೆ ಕಾಯಿ ದಾದಲ ಎಂಕ್ಲೆನ ಉಪಯೋಗಗ್ ತಿಕ್ಕುಜ್ಜಿ.
•ಗೆರಚಾರ ಗುದ್ದುನಗ ಬಾಲೆಗ್ ಅಪ್ಪೆನ ಪೇರೆ ವಿಷ:- ಅಪ್ಪೆನ ಪೇರ್ ಒರಒರ ಜೋಕ್ಲೆನ ಬಂಜಿಗ್ ಆವಂದೆ ಪೋವು. ಜಿಂಜ ಪೇರ್ ಪರ್ಂಡ ಬಂಜಿಪುರಿ ಸೊರ್ಕುದು ಮೂಂಕುಡ್ಡು - ಬಾಯಿಡ್ದ್ ಬರು. ರಾತ್ರೆ ಲಕ್ಕರೆಗ್ ಉರು ಆತಿನ ಅಪ್ಪೆ ಬಾಲೆ ಬುಲಿಪುನಗ ..ಜೆತ್ತೊಂದು ಪೇರ್ ಕೊರ್ನಗ, ಆಲೆಗ್ಲ ಅಕ್ಕಲಿಪ್ಪುಜ್ಜಿ. ಬಾಲೆಲ ಮಿರೆ ಪೇರ್ ಜುಂಬುದು ಜುಂಬುದು. ಶ್ವಾಸದೆಪ್ಪರೆಗಾವಂದೆ ದಮ್ಮು ಕಟ್ಟ್ ದ್ ಐತ ಜೀವೊಲಾ ಪೋವು. ಅಂಚ ಏರ ತಾವು ಎಂಚ ಬರ್ಪುಂಡುಂದ್ ಪನರೆಗಾಪ್ಪುಜ್ಜಿ.
•ತಿಕ್ಕಿ ತಿಕ್ಕಿ ದೇವೆರೆಗ್ ಕೈ ಮುಗಿಂಡಲಾ ಕಂಡಾನೆ ದಾಂತೆ ಬಾಲೆ ಆವಂದ್.
•ಅಮಸರೊಗು ಇಲ್ಲ್ ತಿಕ್ಕುಜ್ಜಿ, ಆಶಿರ್ವಾದೊಡು ಬಾಲೆ ಪುಟ್ಟುಜ್ಜಿ:- ಈ ರಡ್ಡ್ ಗಾದೆದ ತಿರ್ಲ್ ಕಂಡನೆ -ಬುಡೆದಿನ ದಾಂಪತ್ಯ ಜೀವೊನದ ಸಮಸ್ಯೆಲೆನ್ ಪನ್ಪುಂಡು. ಪೀ ಬನ್ನಗ ಬಿತ್ತೀಲ್ ನಾಡುನ ಗಾದೆದಲೆಕ್ಕ. ಅಮಸರಗ್ ಇಲ್ಲ್ ನಾಡ್ಂಡ ಎಂಕ್ಲೆನ ಕಾಸ್ಗ್ ಬೋಡಿತ್ತಿನ ಇಲ್ಲ್ ತಿಕ್ಕುಜ್ಜಿ, ಅಂಚನೆ ಕಂಡನೆ ದಾಂತೆ ಇತ್ತಿ ದೇವೆರೆಗ್ ಪಟ್ಟ ಪರಕೆ ಪಂಡ ಸಾಧು-ಸಂತರೆನ ಆಶಿರ್ವಾದ ಪಡೆಂಡಲಾ, ಬಾಲೆ ಪುಟ್ಟಂದ್.
•ಒರಿ ಅಮ್ಮೆ ಪತ್ತ್ ಬಾಲೆಲೆನ್ ತಾಂಕುವೆ. ಆಂಡ್ ಪತ್ತ್ ಬಾಲೆಲೆಗ್ ಒರಿ ಅಮ್ಮೆರೆನ್ ತಾಂಕರೆ ಸಾಧ್ಯ ಇಜ್ಜಿ.
•ಪತ್ತ್ ಜೋಕ್ಲನ ಅಪ್ಪೆ, ತಾದಿಡ್ ಬೂರ್ದ್ ತಯ್ತಲ್:-ಅಪ್ಪೆ ಅಮ್ಮನ ಮೋಕೆ ಮಾತಾ ಜೋಕ್ಲೆಗ್ ಒಂಜೆ. ವಾ ಬಡಪತ್ತ್ಡ್ ಇತ್ತಂಡಲಾ ಬಂಜಿ ಬಾಯ್ಕಟ್ಟಿದ್ ಜೋಕ್ಲೆನ್ ತಾಂಕುವೆರ್. ಆಂಡ ಆ ರಿನನ್, ಆ ಮೋಕೆನ್ ಇತ್ತೆ ನಮ ಪಿರ ಬರ್ಪುಂಡೂಂದು ಎನ್ನರೆಗ್ ಸಾಧ್ಯ ಇಜ್ಜಿ. ರೆಂಕೆ ಬುಲೆತಿನ ಪಕ್ಕಿಲೆಗ್.. ಐತನೇ ಬೇತೆ ಪ್ರಪಂಚ. ಕೆಲಸರ್ತಿ ಜೋಕ್ಲು ಅಪ್ಪೆ ಅಮ್ಮೆನ್ಲಾ ಪಾಲ್ ಮಲ್ತೊಂದು ಚಾಕ್ರಿ
121
