ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಪೆದ್ದಿನಾಲೆಗ್ ಪೆರ್ಗುಡೆ ಮುದ್ದು.
•ಬಾಲೆ ಕಪ್ಪಾಂಡ ಬಾಲೆದ ಪಗ್ ರ್ ಕಪ್ಪಾವ?
•ಉರ್ಯಾಯ ಬಾಲೆದ ಬಾಯಿಗ್ ತಲ್ಲುನೆಡ್ದ್ ನಮ್ಮ ಬಾಲೆದ ಪೀಂಕನ್ಗ್ ತಲ್ಲುನೆಡ್ಡೆ.
•ತಾಂಟೆನಾ ಮೋಂಟೆನಾ ಅಪ್ಪೆಗ್ ಬಾಲೆ.
•ಕುಂಟೆನ ಕುರುಡೆನಾ ಅಪ್ಪೆಗ್ ಬಾಲೆ.
•ಊರ್ ಗ್ ಅರಸೆ ಆಂಡಲಾ ಅಪ್ಪೆಗ್ ಬಾಲೆ.
•ಅಪ್ಪೆಡ್ ದ್ ಮಲ್ಲ ಬಂಧು ಇಜ್ಜಿ, ಉಪ್ಪುಡ್ಡು ಮಲ್ಲ ರಿಚಿ ಇಜ್ಜಿ :- ಈ ಗಾದೆಲು ಅಪ್ಪೆನ ಪೆರ್ಮೆದ ಗುನಕ್ಲೆನ್ ಜಗಕ್ ಸಾರುನಂಚಿತ್ತಿನವು. ಒರುಂಬ ತಿಂಗಲ್ ಅಂಗೈ ಅಗಲ ಕರ್ಲ್ದಡಿಟ್ ಜಾಗೆ ಕೊರ್ದು, ತುಂಬುದು, ಬೇನೆ ದಿಂಗ್ದ್ ಪೆದ್ದದ್, ಜಾಗರ ಕುಲ್ಲುದ್ ಜೋಯಿ ಪನ್ನೊಂದು ಜೋಕ್ಲೆನ್ ಜೋಕೆ ಮೋಕೆಡ್ ತಾಂಕ್ದ್ ಮಲ್ಲೆ ಮಲ್ಪು ಅಪ್ಪೆನ ರಿಣನ್ ಈ ಜನ್ಮೊಡು ಬೂಟರೆಗಾಪುನತ್ತ್.
•ಪತ್ತ್ ಬಾಲೆ ಇತ್ತ್ಂಡಲಾ ಅಪ್ಪೆಗ್ ತೈತಿ ಬಾಲೆದ ನೆಂಪು, ಕರ್ಲ್ದ ಮೋಕೆ ಅಂಚಿನಿತ್ತಿನವು. ಬಾಲೆನ್ ತುಂಬುದು ಪೆದ್ದುನ ಬೇನೆ ಅಪ್ಪೆಗ್ ಒಂಜತ್ತೆ.
•ಪುಡ್ಕೆದ ಬಾಲೆ ಒಂಜಿಯಾವು, ಕುದ್ಪೆದ ತೆಲ್ಲಾವು ಒಂಜಿಯಾವು :- ಸಕ್ಕನದ ತೀರ್ಥಡ್ ಕಡಲ್ ಜಿಂಜಿಲೆಕ್ಕ ಸೀಕ್-ಸಂಕಟೊದ ಪತ್ತ್ ಬಾಲೆಲೆನ್ ಪೆದ್ದು ನೈಡ್ ಪುಡ್ಕೆ ಪುಡ್ಕೆ ಆದಿತ್ತಿನ ಆರೋಗ್ಯದ ಕುರ್ಲೆ ಒಂಜಿತ್ತಂಡ ಯಾವ್. ನೂದು ವಿದ್ಯೆಲೆನ್ ಅರ್ಧಧ್ರ ಕಲ್ತ್ ದ್ ವಾ ವಿದ್ಯೆಲ ಕೈಕ್ ಸಿದ್ದಿ ಆವಂದೆ ತ್ರಿಶಂಕು ಸ್ಥಿತಿಟ್ ನೇಲುನೈಡ್ದ್ ದಾದಾಂಡಲಾ ಒಂಜಿ ವಿದ್ಯೆಡ್ ಬಿರ್ಸೆ ಆಂಡ ಐಟ್ ಸಂಪದನೆ ಮಲ್ತೊಂದು ಪೊರ್ಲುಡು ಬದ್ಕೊಲಿಂದ್.. ಈ ಗಾದೆ ಸೊರ ಕೊರ್ಪುಂಡು. ನನ ರಡ್ಡನೆ ಸಾಲ್ಡ್ ಕುದ್ಪೆ ಪಂಡ ತೋರದ ತೆಲ್ಲಾವುನು ಒಂಜಿ ತಿನ್ನ್ಂಡ ಬಂಜಿ ಜಿಂಜಿಲೆಕ್ಕಂದೇ ಅರ್ಥ.
•ಅಪ್ಪೆದಾಂತಿನ ಬಾಲೆ, ಬಲದಾಂತಿನ ಪಾಲೆ.
•ಅಪ್ಪೆದಾಂತಿನ ಬಾಲೆಗ್ ಕಲ್ಪ ಎಚ್ಚ:- ಅಪ್ಪೆದಾಂತಿನ ಬಾಲೆಂದ್ ಮಾತೆರ್ಲ ದೆರ್ತ್ ಪತ್ತೆದ್ ಕೊಂಡಾಟ, ಮೋಕೆ ಮಲ್ಪೆರ್, ಬುಲಿಪಂದಿನಲೆಕ್ಕ ತೂಪೆರ್. ಈ ಸತ್ಯನು ತೆರಿನ ಬಾಲೆ, ಛದಿ-ಗರ್ವೊಡೇ ಮಲ್ಲೆ ಆಪುಂಡು. ಅಕ್ಲೆನ್ ಮಂಗ ಮಲ್ಪರೆಗಾದ್ರ ಬುಲಿಪುಂಡು, ಬೂರುಂಡು, ಒಟ್ರಾಸಿ ಮಾತೆರ್ನಲ ಗೇನ ತನ್ನಮಿತ್ತ್ ಉಪ್ಪಡ್ಂದ್ ಬಯಕುಂಡು.
116
