ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಬಾಲೆದಾಂತಿ ಗೊಡ್ಡುನ ಬದ್ಕ್ ಉಂಡುದು ದಕ್ಕುನ ಮಡೆ ಇರೆತಲೆಕ್ಕ :- ಗಾದೆದ ಅರ್ಥೋಡು ಪೊನ್ನನ ಶೋಷನೆದ ತೆಡಿಲ್ ಮಿಂಚ್ ದ.. ಬೇನೆ, ದುನಿಪುಂಡು. ದುಂಬು ಇತ್ತೆದಲೆಕ್ಕ ಮದಿಮೆ ಆದ್ ಬಾಲೆಗಾದ್ರ ಏಲೇನ್ಮ ವರ್ಷ ಕಾಪುಜೆರ್. ಮದಿಮೆ ಆಯಿ ಬೆರಿಕೆ ಆಲ್ ಬಂಜಿನಾಲಾದ್ ಪೆದ್ದೊಡು. ಮದಿಮೆ ಆಯಿ ಪೆಟ್ಟಿಗೆ ತೂಯಿನಾಕ್ಲು ಸುರುಕು ಕೇನುನ ಪ್ರಶ್ನೆ ಬಂಜಿನಾಲಾ? ಏತ್ ತಿಂಗಲ್ಂದ್ ಕೇನುವೆರ್. ಪೆದ್ದಂದೆ ರಡ್ಡ್ ವರ್ಸ ಕರಿಂಡ ಇಲ್ಲದಾಕ್ಲು ಗಾಲ್-ಮೇಲ್ ಆಪೆರ್. ಅಲೆಗ್ ದಿನ ಇಡೀಲಾ ನೆರಡೆ, ಮಗಕ್ ಬೇತೆ ಮದಿಮೆ ಮಲ್ಪುನ ಆಲೋಚನೆ ದೊಟ್ಟುಗು ಲೋಕಾಪವಾದ ಬೇತೆ. ಗೊಡ್ಡುನ ನಿರೆಲ್' ರೆಂಕ್ಂಡ ಬಾಲೆಲೆಗ್ ಮರ್ಕಸಂಕಟ, ಜರ, ಸನ್ನಿ ಬರ್ಪುಂಡುಂದ್ ಜನಪದರೆನ ನಂಬಲಿಗೆ. ಆಲ್ ಎಡ್ಡೆಪಡ್ಕೆಗ್ ಎದುರುಂತರೆ ಬಲ್ಲಿ. ಮಾತೆರ್ನಲ ಕತ್ತೆ ಚಾಕರಿ ಮಲ್ಪೊಡು. ಪಾಡಿನುಪ್ಪು, ಕೈಪುನು ತಿಂದ್ ದ್ ಇಡೀ ದಿನಲಾ ಬೆನ್ಪೊಡು. ಏತ್ ಬೆನ್ಂಡಲಾ ಆಲೆನ ಸ್ಥಾನ ಮಾನ ಉಂಡುದು ದಕ್ಕುವ ಮಡೆ ಇರೆತಲೆಕ್ಕ,.ಉನ್ನಗ ಮಾತ್ರ ಇರೆಕ್ ಬಿಲೆ, ಬೊಕ್ಕ ದಕ್ಕುನ ಸೊತ್ತದ ಲೆಕ್ಕ ಆಲೆನ ಬದ್ಕ್.
•ಬಾಲೆದಾಂತಿ ಇಲ್ಲಡ್ ತಡ್ಯ ತೂಂಡ ತೆರಿವು. :- ಉಂದು ಇಲ್ಲದಾಕ್ಲೆನ ಧಾರ್ಮಿಕ ಸಂಸ್ಕೃತಿಗೆ ಬಿರೆಲ್ ತೋಜಾವುಂಡು. ಒಂಜಿ ವರ್ಗದ ಪೊಂಜೋವುಲೆಗ್ ತಡ್ಯಪಂಡ ಮಾ. ಲಚ್ಚಿಮಿ ದೇವೆರ್ ಲೆಕ್ಕ, ಪುಲ್ಯಕಾಂಡೆ ಮೀದ್.... ಮಡಿ ತುತ್ತುದು ತಡ್ಯನ್ ಒಚ್ಚಿದ್ ಸೇಡಿಮಣ್ಡ್ ಗೀಟ್ ಒಯ್ತ್ ದ್.. ಕುಂಕುಮ-ಮಂಜಲ್ ಬನ್ನ - ಬನ್ನದ ಪೂ-ವುಡ್ದ್ ಐತ ಮಲ್ತ್ದ್. ಪುಡಾಡ್ದ್ ತುಲಸಿ ಕಟ್ಟೆಗೆ ಸುತ್ತು ಬರ್ಪುನ ಕ್ರಮ. ಇಲ್ಲಡ್ ಜೋಕ್ಲು ಬಾಲೆಲಿತ್ತುಂಡ ಅಂಚಿ ಇಂಚಿ ತಡ್ಯ ಕಡಪುನಗ, ತಡ್ಯಗ್ ಐತ ಮಲ್ತಿನ ಒಂಜಿ ಗುರ್ತ ಕುಡ ಉಪ್ಪಂದ್.
•ಬಾಲೆ ಬುಲ್ಬಂದಿ ಇಲ್ಲಡ್ ಕಾಲೆಲಾ ಕುಲ್ಲಂದ್ಗೆ
•ಬಾಲೆ ಉಪ್ಪಿ ಇಲ್ಲಗ್ ಬೀಸನಿಗೆ ದಾಯೆ?
•ಬಾಲೆ ಇತ್ತಿನ ಇಲ್ಲಗ್ ದೇವೆರೆಗ್ ಪೂಜೆ ದಾಯೆ?:- ಕಲು ಕಪಟ ದಾಂತಿನ ಬಾಲೆಲು ದೇವೆರೆಗ್ ಸಮ. ಅಕುಲೆನ ಚಾಕ್ರಿ ಮಲ್ಪುನವು ದೇವೆರೆನ ಪೂಜೆಗ್ ಸಮಂದ್ ದುಂಬುದಾಕ್ಲೆನ ಆಲೋಚನೆ.
•ಒಕ್ಕೆಲಿತ್ತಿ ಇಲ್ಲ್ ಪೊರ್ಲು_ ಜೊಕ್ಲೆನ ಪಾತೆರ ಪೊರ್ಲು:- ಒಕ್ಕೆಲ್ದಾಂತೆ ದೂಲ್- ಕಜವು. ಬಲೆ ಜಿಂಜಿನ ಇಲ್ಲ್ ನ್ ತೂನಗನೆ ಮರ್ಕ ಸಂಕಟ ಆಪುಂಡು. ಅಟಿಲ್ದ ಕೋನೆಡ್ ಪುಗೆ ಪೋಪುಜ್ಜಿ ಪೂ-ತ, ಕೈಪುಕಾಯ್ದ ಬಿತ್ತಿಲ್ ತೋಜುಜ್ಜಿ. ಒಕ್ಕೆಲಿತ್ತಿ
114
