ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಪರಕೆ (ಬೊಲ್ಲಿ ಅತ್ತಡ ಬಂಗಾರ ತೊಟ್ಟಿಲ್ದ ಬಾಲೆದ ಪರಕೆ) ಸಂದಾವೆರ್. ಬಾಲೆದ ಪುಂಡಿಡ್ ಪಣವು ಪಾಡಾವೆರ್.ಬೊಂಡ, ಧಾನ್ಯ, ಪರ್ಂದ್, ಕಾಯಿ, ಕಾಸ್ಡ್ ತೊಲಾಬಾರ ಮಲ್ಪೆರ್. ವಟು ಆರಾಧನೆ ಮಲ್ಪುವೆರ್. ಕೆಲವೆರ್ ಬಾಲೆಗಾದ್ರ ಢಕ್ಕೆ ಬಲಿ, ನಾಗ ಮಂಡಲ ಇಂಚಿನ ಮಲ್ಲ ಮಲ್ಲ ಪರಕೆನ್ ಪಂದ್ ಸೇವೆ ಕೊರ್ಪೆರ್ .
ನನ ಬಾಲೆಲ್ಗಾದ್ರ ಕುಟ್ಮದ ದೈವದೇವೆರೆಗ್ ನಾನಾ ನಮೂನೆಡ್ ಪರಕೆ ಪನ್ಪೆರ್.
•ಬಾಲೆದ ಸುರುತ ಚೌಲ ಅತ್ತಡ ಕಜಬುನ್ ಪವಿತ್ರ ಕ್ಷೇತ್ರೋಡ್ ದೆಪ್ಪಾವರ್. ಅಲ್ಪನೆ ಸುರುತ ಅನ್ನ ಪ್ರಾಶನ (ನುಪ್ಪು) ಕೊರ್ಪೆರ್ ಕ್ಷೇತ್ರದ್ ನೆಲಟ್.
•ದೈವಸ್ಥಾನಡ್ ಕಂಚಿಲ್ ಕುಲ್ಲಾವೆರ್
•ತುಲಾಭಾರ ಮಲ್ಪಾವೆರ್, ಮಡಸ್ನಾನ ಪಾಡಾವೆರ್, ಪರಕೆ ಪಂಡಿನ ಸೊತ್ತುಲೆನ್ ಪರಕೆ ಪಾಡಾವೆರ್, ಮೊಸರ್ ಕುಡ್ಕೆದಾನಿ ಬೊಕ್ಕ ನವರಾತ್ರಿದಾನಿ ವೇಷ ಪಾಡಾವೆರ್, ಪಿಲಿವೇಷ ಪಾಡುನ ಪರಕೆಲ ಉಂಡು. ಐನ್ ಇಲ್ಲ್ ನಟ್ದ್ ಉನ್ಪುನಲ ಉಂಡು. ಗುರುವಾರ, ಶನಿವಾರ, ಸಂಕಷ್ಟ ಚೌತಿ, ಪುನ್ನಮೆದಾನಿ ಬಾಲೆಗಾದ್ರ ಇಂಚ ಪಾಸ ಕುಲ್ಲುನ ಕ್ರಮಲಾ ಉಂಡು. ಪುನ್ಯ ಕ್ಷೇತ್ರಲೆಡ್ ಮೂಲೆ ನಮಸ್ಕಾರ, ಪೆಜ್ಜೆ ನಮಸ್ಕಾರ ಪಾಡುನ ಪರಕೆ, ಆಟ ತೂಪುನ, ಆಟ ನಲಿಪಾವುನ ಇಂಚಿನ ಮಾತಾ ಪರಕೆನ್ ಬಾಲೆಲ್ಗಾದ್ರ ದೈವ-ದೇವೆರ್, ನಾಗಗ್ ಬೊಕ್ಕ ಪಿತೃಲೆಗ್ ಪರಕೆ ಪನ್ಪುನ ಕ್ರಮ ತುಳು ಜನಪದೆರೆಡ ಇತ್ತ್ಂಡ್. ದಾಯೆ ಪಂಡ ತುಳು ಜನಪದೆರೆಗ್ ಜೋಕ್ಲೆಡ್ ಮಿತ್ತ್ ಮಲ್ಲ ಐಸಿರಿತ ಬದ್ಕ್ ಇತ್ತಿಜ್ಜಿ.
. ತುಳು ಗಾದೆಲೆಡ್ ಜೋಕುಲು ಬಾಲೆಲ್.
ತುಲು ಜನಪದ ಸಾಹಿತ್ಯದ ಮುಟ್ಟಿಗಲ್ಲಡ್ ಪಾಡ್ಡನ, ಕಾವ್ಯ-ಪದ-ಕತೆ, ಎದುರ್ಕತೆ ಇತ್ತಿಲೆಕ್ಕನೆ. ಗಾದೆಲಾ ಒಂಜಿ ಜನಮಾನಿನ ಸಂಸ್ಕೃತಿಗೆ ಪತ್ತಿನಂಚಿನ ಕನ್ನಡಿ. ಗಾದೆ ಪನ್ಪುನವು ಜನಮಾನಿಲೆನ ಸಮಷ್ಟಿದ ಸೃಷ್ಟಿ .ಉಂದು ಸಾಹಿತ್ಯೋಡು ಎನ್ಮೆದಾತ್ ಎಲ್ಯಾಂಡಲ ಅರ್ಥಡ್ ಕಡಲ್ದಾತ್ ಮಲ್ಲ. ಅಂಚಾದ್ ತುಲುಜನಪದರೆನ ಬದ್ಕ್ಡ್ ದಿನ ನಿಚ್ಚಲ ನಾಲಾಯ್ಡ್ ನಲಿಪುನ ಗಾಯತ್ರಿ ಮಂತ್ರ. ಬರವು ಸರವು ದಾಂತಿನ ಅಜ್ಞಾತ (ಪುದರ್ದಾಂತಿನ) ಕಬಿಕ್ಲು ಉಂಡು ಮಲ್ತಿನ ಸಾಹಿತ್ಯೊಡು ಲೋಕೊದ ಮಾತಾ ಪ್ರಸಂಗಲು ಉಂಡು.
ಜನಮಾನಿನ ಬೇತೆ ಬೇತೆ ಗುನೊತ ಮರ್ಜಿಲೆನ್, ಲೋಪ ದೋಷನ್, ಕಲು ಕಪಟನ್, ಕೋಮಾಟಿಕೆಗ್ ಬೊಲ್ಪು ಪತ್ತುನ ಗಾದೆ ವೇದಗ್ ಸಮ. ನೂದು ವಾಕ್ಯಡ್
112
