ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಲಿಪುನ, ಪಡ್ಕೆ ಮಲ್ಪುನ, ಮಂಡೆಗ್ ಹಾಕೊನ್ನ ಇಂಚ ಅಕ್ಲೆನ ಚೊರೆಪಟ್ಟಿನ್ ಪಂಡ್ರೆಗಾವಂದಿನವು. ಅಪಗ ದುಂಬುದಾಕುಲು ಉಪದ್ರ, ಗೆರಚಾರ, ಸೋಂಕನೆ ಪಂಡ್ದ್ ಬಲ್ಮೆಡ್ ಕೇನ್ದಾ ಅತ್ತಡ ಮಂತ್ರವಾದಿಲೆನ ಕೈತಲ್ ಪೋದು ನೂಲು ಉರ್ಕು ಕಟ್ಟಾವೊಂದಿತ್ತೆರ್. ನನ ಕೆಲವು ಬಾಲೆಲೆಗ್ ಉಗುರು ಅಗಿಪುನ, ನೆಟ್ಟಿ ದೆಪ್ಪುನ, ಅಪ್ಪೆನ ಕುಂಟು ಅತ್ತಡ ಪೊದಪುದ ಕುಚ್ಚುನ್ ತಿರಿ ಮಲ್ಪುನ, ಕಣ್ಣೆ ರೆಪ್ಪೆದ ಕೂಜಲ್ನ್ ಮುಟ್ಟುನ, ಅಪ್ಪೆನ ತರೆತ ಕುಜಲ್ನ್ ಬಿರಲ್ಡ್ ಸುಂದ್ರೆ ಪಾಡ್ದ್ ಜೆಪ್ಪುನ, ಕೈತ ಅತ್ತಡ ಕಾರ್ದ ಬಿರಲ್ನ್ ಜುಂಬುನ, ಮೂಂಕುದ ಸುರಲೆನ್ ತಿನ್ನುನ, ಕಣ್ದ ಪುರ್ಕುನ್ ದೆಪ್ಪುನ, ಕೂಲಿನ್ ಕಟ ಕಟ ಅಗಿಪುನ ಇಂಚಿನ ಬೇತೆ ಬೇತೆ ದುರ್ಬುದ್ದಿಲೆನ್ ಅಭ್ಯಾಸ ಮಲ್ದಿಪ್ಪೆರ್. ಅವೆನ್ ಬುಡ್ಪಾವುನಾಂಡ ಜನಪದೆರ್ ಕೆಲವು ಮುಡ್ಸ್ಲೆನ್ ಮಾಂತ್ರಿಕ ವಿಧಾನಲೆನ್ ನಾಡ್ದ್ ಪತ್ತ್ ದಿತ್ತೆರ್.
ಬಾಲೆಗಾದ್ರ ನಾಗದೇವೆರೆನ ಆರಾಧನೆ
ಸಂತತಿ ಕೊರ್ಪುನಾರ್ ನಾಗದೇವೆರೆಂದ್ ತುಳುವೆರ್ ಪ್ರಾಕ್ದಂಚಲಾ ನಾಗನ್ ನಂಬೊಂದು ಬೈದೆರ್. ಜನಮಾನಿ ಬೊಕ್ಕ ಮುರ್ಗತ ನಡುಟು ಕೂಡೊಂದು ಬೈದಿನ ಸಂಬಂಧ ತುಳುವೆರೆಡ ಅತಿ ಮುಖ್ಯವಾತಿನವು. ಅಕುಲೆಗ್ ಮುರ್ಗ, ಪಕ್ಕಿ, ಮರ, ದೈ ಇಂಚ ಪ್ರಕೃತಿದ ಮಾತಾ ಸೃಷ್ಟಿಲಾ ದೈವ ದೇವೆರೆಗ್ ಸಮಾನವಾಯಿನವು.
ತುಳುನಾಡ್ಗ್ ನಾಗರ ಖಂಡಂದ್ಲಾ ಪುದಾರ್ ಉಂಡು. ಭೌಗೋಲಿಕವಾದ್ ತುಳುನಾಡ್ ನಾಗಸಂತತಿ ಬುಲೆಯೆರೆ ಅನುಕೂಲವಾದುಂಡು.ತುಳುವೆರ್ ಪಿರಾಕ್ದಿಂಚ ಬ್ರಮ್ಮೆರ್ ಬೊಕ್ಕ ನಾಗನ್ ನಂಬೊಂದು ಬತ್ತಿನಾಕುಲು. ಅಂಚಾದ್ ತುಳುನಾಡ್ಡ್ ಒಲ್ಪ ತೂಂಡಲಾ ನಾಗಬನ, ನಾಗಕಲ್ಲ್, ಆದಿಮೂಲ, ಆದಿ ಆಲಡೆದ ಜಾಗೆಲು ನಾಗಗ್ ಮುಲ್ಪ ಪ್ರಧಾನ ಆಯಿನವು.
ಬಾಲೆಲ್ ಇಜ್ಯಾಂಡ, ಚರ್ಮ ದೋಷಗ್, ದೃಷ್ಟಿ ದೋಷಗ್, ಗುನ ಆವಂದಿನ ಸೀಕ್ಲೆಗ್ ನಷ್ಟ-ಕಷ್ಟೊಲೆಗ್ ನಾಗನನೇ ಉಪದ್ರಂದ್ ತೆರಿವೆರ್. ಐಕಾದ್ರ ಪಟ್ಟಪರಕೆ ಪನ್ಪೆರ್. ಮುಖ್ಯವಾದ್ ಬಾಲೆಲು ದಾಂತಿನಕ್ಲು ನಾಗದರ್ಶನ, ನಾಗತನು, ನಾಗತಂಬಿಲ, ಸರ್ಪಸಂಸ್ಕಾರ, ಆಶ್ಲೇಷ ಬಲಿ, ಪ್ರತಿ ತಿಂಗಲ್ ಪಂಚಮಿದಾನಿ ವೃತ ಕುಲ್ಲುದು ಉಪ್ಪುದಾಂತೆ ಒನಸ್ ಮಲ್ಪುನ ಇಂಚಿನ ಬೇತೆ-ಬೇತೆ ಸೇವೆಲೆನ್ ಮಲ್ಪುವೆರ್. ಅಸ್ವತ್ತ ಕಟ್ಟೆಡ್ ದೀತಿನ ನಾಗನಕಲ್ಲ್ ಗ್ ಬಲಿ ಬರ್ಪೆರ್. ನಾಗರ್ಕಲ್ಡ್ಗ್ ಬೊಂಡ, ಪೇರ್ ಮೈಪಾವೆರ್., ಸುಬ್ರಹ್ಮಣ್ಯ ದೇವೆರ್ ಪಂಡ ನಾಗದೇವೆರ್ಂದ್ ನಂಬೊಲಿಕೆ. ನಾಗದೇವರ ಕರುನೆಡ್ ಸಂತತಿ ಆಂಡ ಸುಬ್ರಹ್ಮಣ್ಯ ದೇವಸ್ಥಾನೊಡು ಮಡೆ ಮಡಸ್ತಾನ, ಪೊಡಿ ಮಡಸ್ತಾನ, ತೊಟಿಲ್ ಬಾಲೆದ
111
