ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಯಂತ್ರದ ಎದುರು ಯಂತ್ರ ಆದ್ ಬದುಕುವೆರ್. ಕುಟ್ಮದಾಕ್ಲೆನ ಪರಿಚಯದಾಂತೆ,.ಪರಿಸರದ ಗುರ್ತ-ಅರ್ಥ ಮಲ್ಪಂದೆ ಪೆದ್ದಿನಾಕ್ಲು ಬಾಲೆಗ್ ಒಂಜಿ - ಒಂಜರೆವರ್ಸ ಆನಗನೆ ಪ್ಲೇ ಸ್ಕೂಲ್ ಪನ್ಪುನಂಚಿನ ಜೈಲ್ಗ್ ಪಾಡುವೆರ್. ಆ. ಬಾಲೆಲೆನ ಗೊಬ್ಬಾಟಿಕೆದ ಕಲ್ಪ- ಕೋಮಾಟಿಕೆ, ಪೊರ್ಲು-ಮರ್ಲ್ನ್ ಪೀಂಟಾದ್ ತುಂಡು ಮಲ್ತ್ ದ್ ಮಣ್ಣ್ ದಡಿಕ್ ಪಾಡ್ದ್ ಗೋರಿ ಮಲ್ಪೆರ್, ಅಂಚಾದ್ ಜೋಕ್ಲು ನಾಲ್ ಜನದೊಟ್ಟುಗು ಬೆರೆಕ್ದ್ ಬದ್ಕೆರೆ ಗೊತ್ತುದಾಂತೆ ಒಕ್ಕುಡ್ಮೆ ಆದ್ ಬದುನಂಚಿನವು ಜಿಂಜ ಬೇನೆ ಕೊರ್ಪುನಂಚಿನ ಸಂಗತಿ. ಒಂಜಿ ರೀತಿಡ್ ಇತ್ತೆದ ಜೋಕ್ಲು ಬಾಲೆಲು ಜೋಕ್ಲಾಟಿಕೆದಾಂತಿನ ಶಾಪಗ್ರಸ್ಥ ಬಾಲೆಲೆಂದ್ ಪನೊಲಿ.
ಬಾಲುಲೆನ ಲೂಟಿಲು
ಪುರುಕುಂದ್ರಿಲೆನ ತೆಲ್ಕೆ, ನಲ್ಕೆ, ಅರ್ತಿಕುಸಾಲ್, ಕಲ್ಪ ಕೋಮಾಟಿಕೆ ಏತ್ ಪೊರ್ಲಾ ಅಕುಲೆನ ಬುಲಿಪಾಟಿಕೆ, ಛದಿ, ಚೊರೆ, ಗರ್ವ, ರಂಬಾಲೂಟಿಲು ಆತೆ ಉಪದ್ರಾಂದ್ ದಿನಯಿಡಿ ಬಾಲೆದ ಬೆರ್ಯೆ ಬಲಿಪುನಕ್ಲೆಗೆ ತೆರಿವು. ಬಾಲೆ ಕಂಕಣೆ ಬೂರ್ದು ಬಂಜಿ ಒಯ್ಪುನಗನೆ ಲೂಟಿ ಸುರುವಾಪುಂಡು. ಡೊಗ್ಗಲ್ ಪಾಡ್ದ್ ನಡಪರೆ ಸುರುಮಲ್ತಿ ಬೊಕ್ಕ ಅಕ್ಲೆ ಲೂಟಿಲು ತಡೆವರೆಗಾವಂದಿನವು. ಒರ ಒರ ಬಾಲೆಲೆನ ಲೂಟಿಲು ಕೆಕ್ಕಿಲ್ ಮುಟ್ಟ ಬರ್ಪುಂಡು. ಬಾಲೆಲೆನ ಜೀವ ಕುತ್ತ ಕನಪುಂಡು. ಕೆಲವು ಜೋಕುಲು ಪಾಪದ ಆಂಡ ಕೆಲವು ಜೋಕುಲು ಕುಲ್ಲಿನಲ್ಪ ಕುಲ್ಲಯ ಉಂತಿನಲ್ಪ ಉಂತಯ. ಒಂಜಿ ಗಲ್ಗೆಡ್ ಕನ್ಸ್ಮದೆ ಆಪೆರ್.
ಅಕುಲೆನ ಕಾಪರೆಗ್ ಮೈ ನಿಲ್ಕೆ ಕಣ್ಣೆತ್ಂಡಲಾ ಯಾವಂದ್. ದಾಯೆ ಪಂಡ ಇಡಿದಿನ ಅಕ್ಲೆಗ್ ಲೂಟಿದನೆ ಸಿಂತೆ, ಬಲಿಪುನ, ಒಯ್ಪುನ, ದರ್ಪುನ, ಗೂಪುನ, ಬಿರ್ಕುನ, ದೆಂಗ್ದ್ಕುಲ್ಲುನ, ಕೈಕ್ ತಿಕ್ಕಿನೈನ್ ದಿಂಗುನ, ಗೂವೆಲ್ ನಿಲ್ಕುನ, ಕೆದುಕು ಜಪ್ಪುನ, ತೂ ಮುಟ್ಟುನ, ಗುರ್ತ ಅರ್ತದಾಂತಿನಕ್ಕೊಟ್ಟುಗು ಪೋಪುನ, ಇಂಚ ಮಂಗ ಕೋಲ ಕಟ್ಟುನ ಬಾಲೆದ ಲೂಟಿಲೆನ ಉದಾರ್ಮೆಲು ಒಂಜಿ, ರಡ್ಡೆ? ಇಂಚಿನ ಬಾಲುಲೆನ್ ದುಂಬುದಾಕ್ಲ್ ಕಟ್ಟೆಪಾಡ್ದ್ ತಾಂಕ್ನಗ ಶ್ರೀಕೃಷ್ಣ ದೇವೆರ್ನ ಲೂಟಿ ನೆಂಪಾಪುಂಡು. ಕೆಲವು ಜೋಕ್ಲಗ್ ಬೂರ್ದ, ಪೆಟ್ಟಾದ, ಆಂ ದ್ ದಮ್ಮು ಸ್ವರಕ್ ಪೊಂಡ ಬಾಲೆದ ಮೈ ಮಾತ್ರ ನೀಲಿ ಆಪುಂಡು. ಪಕ್ಕಗ್ ಉಸಿಲ್ ತಿರ್ತ್ ದೆಪ್ಪಯ, ಅಪಗ ಇಲ್ಲದಾಕ್ಲು ಗಾಲ್ಮೇಲಾಪೆರ್., ಲೂಟಿ ಮಲ್ಪುನ ಬಾಲೆಲೆನ ಎದುರು ವಾ ಸೊತ್ತುಲಾ ತಿರ್ತ್ ದೀಯರೆಗಿಜ್ಜಿ. ಸಿರ್ತ್ ದೀಂಡ ಪೊಡಿ ಪೊಡಿಂದ್ ಲೆಕ್ಕ. ಆಕುಲೆನ ಕೈಟ್ ಎಕ್ಕಂದಿಲೆಕ್ಕ ಮಾತ ಸೊತ್ತುಲೆನ್ ಮಿತ್ತ್ ಅಕ್ಕಡ್ದ್ ದೀವೊಡಾಪುಂಡು. ನನ ನಿತ್ರಾನದ ಬಾಲೆಲೆಗ್ ಕೋಪ ಬತ್ತ್ಂಡ ಪುರೆಲುನ
110
