ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನೀರ್, ಚಕ್ರ, ಗಾಲಿಪಟ, ಗೊಂಬೆ, ಇಂಚಿನ ವಸ್ತುಲೆಡ್ ಒಂಜಿ ಬಾಲೆನೇ ಗೊಬ್ಬೊಲಿ. ಮುಟ್ಟಾಟ, ಚೆಂಡ್, ದೆಂಗ್ ಕುಲ್ಲುನ ಇಂಚಿನ ಗೊಬ್ಬುಲೆನ್ ಇಲ್ಲಡೆ ಗೊಬ್ಬೊಲಿ. ಕೆಲವು ಗೊಬ್ಬುಲೆಗ್ ಜಿಂಜ ಜನ ಬೋಡಾಪುಂಡು.
ಉದಾರ್ಮೆಗ್:- ಬಾಲೆಲೆನ್ ಸುತ್ತ ಕುಲ್ಲಾದ್ ಈ ಗೊಬ್ಬುನು ಗೊಬ್ಬಾವೆರ್, ಈ ಪದ ಗೊಬ್ಬುಡು ಏರ್ ಮಲ್ಲ ದೊಂಡೆಡ್ ಕಲ್ಕುವರ್ ಅಕ್ಲೆಗ್ ಬಲ್ಮಾನ.. “ಸಾರಿ ಸಾರಿ ನಾಯ್ಕೆದಿ ಸಾರಿ ಲವೆ ಲಪಾದೆ, ಸಾರಿನಕ್ಲೆನ್ ಬೊಟ್ಟುದು ಕಕ್ಕೆಲು ಸೈದಾ, ಸಾರಿ ಸಾರಿ ನಾಯ್ಕೆದ್ ಸಾರಿ ಲವೆ ಲಪಾದೆ. ಸಾರಿನಕ್ಲನ್ ಬೊಟ್ಟುದು ಪುಚ್ಚೆಲು ಸೈದಾ.
•ಇಂಚ ಈ ಗೊಬ್ಬುಡು ಮುರ್ಗ-ಪಕ್ಕಿಲೆನ ಪುದಾರ್ ಪನ್ನಗ ಬಾಲೆಲೆನ್ ಪಂಥ ಮನೋಭಾವಡ್ ಸುರುಕು ಪನರೆಗ್ ನೆಂಪು ಮಲ್ತೊಂದು ಉಲ್ಲಾಸಡ್ ಕಾತೊಂದಿಪ್ಪ. ಅತ್ತಂದೆ ಸಾಲ್ಡ್ ಪದ ಪನರೆಗಿಪ್ಪುನಗ ಬಾಲೆಲು ತನ್ನ ಸರದಿಗಾತ್ರ ಕಾತೊಂದಿಪ್ಪ. ಒರ ಪಂಡಿ ಪುದಾರ್ನ್ ನನ ಒರಿ ಪನರೆಗಿಜ್ಜಿ, ಪನ್ಂಡ ಆ ಗೊಬ್ಬುಡು ಆಯೆ ಪಿದಾಯಿಂದ್ ಆರ್ಥ.
•ಚೆಂಡ್ನ್ ಪುರೆಲ್ಪುನಿ ಪತ್ತರೆಗ್ ಬಲಿಪುನಿ, ಒರಿಯೆಗೊರಿ ದಕ್ಕುನಿ, ದಕ್ಕನಗ ಏರೆಗ್ ಚೆಂಡ್ ತಾಗುಂಡ ಅಕುಲು ಸೋತೆರ್ಂದ್ ಅರ್ಥ. ಉಂದು ಬಲ್ತ್ದ್ ಗೊಬ್ಬುನ ಗೊಬ್ಬು ಆಯಿನೈಡ್ ಬಾಲೆಲೆಗ್ ನೆಟ್ಟ ಕಸರತ್ತೆ, ಆರೋಗ್ಯ ತಿಕ್ಕುಂಡು.
•ಬೊಕ್ಕ ಸುತ್ತ ಕುಲ್ಲುದಿನ ಬಾಲೆಲು ಚೆಂಡ್, ಟುವಾಲು, ಕಲ್ಲೆ ಇಂಚಿನ ಸೊತ್ತುಲೆನ್ ಮಟ್ಟೆಲ್ಡ್ ದೆಂಗಾದ್ ಕುಲ್ಲುನಗ ಒರಿ ಆ ವಸ್ತುಲೆನ್ ನಾಡ್ದ್ ಪತ್ತೊಡು. ಇಂಚಿನ ಗೊಬ್ಬುಲೆಡ್ ಕಲುವೆ ಅತ್ತಡ ಸೇನಾಧಿಪತಿ (ಪೋಲಿಸ್) ಆವೊಡಾಂಡ ಒಂಜಿ, ರಡ್ಡೆ, ಅಬ್ಬ-ಇಬ್ಬ, ಬಜಿಲು, ಬೆಲ್ಲ ಇಂಚಿನ ಎಲ್ಯ ಪದನ್ ಪನ್ಪೆರ್, ಕಡೆಕ್ ಒರಿನಾಯೆ ಕಲುವೆಂದೇ ಅರ್ಥ. ಗೊಬ್ಬುನು ಅಕುಲೇ ಸುರುಮಲ್ಪೊಡು.
•ಕಣ್ಣ್ಗ್ ಕುಂಟು ಕಟ್ಟಿದ್, ಬೇತೆಕ್ಲೆನ್ ಪತ್ತುನ ಗೊಬ್ಬು,
•ಬಲಿತೊಂದು ಪೋದು ಬೇತೆಕ್ಲೆನ್ ಮುಟ್ಟುನ ಗೊಬ್ಬು.
•ಕಲ್ಲ ಅತ್ತಡ ಬಿತ್ತ್ ಲೆನ್ ಅಂಗೈಡ್ ಪತ್ತೇದ್ ವಾ ಕೈಟ್ ಉಂಡುಂದು ಪನ್ಪುನ ಗೊಬ್ಬು.
•ಬಿತ್ತಲೆನ್ ಪುಂಡಿಡ್ ಪತ್ತೊಂದು ಸರಿ-ಮುಗುಲಿ ಗೊಬ್ಬುನ ಗೊಬ್ಬು, ಉತ್ತರ ಸಮ ಪಂಡ ಪುಂಡಿಡಿತ್ತಿನ ಬಿತ್ತಿಲೆನ್ ಎದುರಾಲಿಗ್ ಕೊರೊಡು.
•ಚೆಂಡುಲು, ಸಕ್ಕರೆಕಂಚ್, ಕಜಕುಲೆಗ್ ನಡುಟು ಗಟ್ಟಿದ ಕೋಲು ತಿಕ್ಕಾದ್ ಬಲ್ಲ್ ಕಟ್ಟಿದ್.. ದರ ದರ ಒಯ್ತೊಂದು ಪೋಪುನ ಗಾಡಿದ ಗೊಬ್ಬು.
107
