ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೦೯

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ

•ಕೊತ್ತಲಿಗೆದಮಿತ್ ಬಾಲೆನ್ ಕುಲ್ಲಾದ್, ಮಲ್ಲಕ್ಲು ದರ-ದರ ಒಯ್ತೊಂದು ಪೋಪುನ ಗೊಬ್ಬು.

•ಮಲ್ಲ ಮರಾಯಿಡ್ ಬಾಲೆನ್ ಕುಲ್ಲಾದ್ ನೀರ್‌ಡ್ ತಟ-ಪಟ ದರ್ಪುನ ಗೊಬ್ಬು,

•ಬರ್ಸದ ನೀರ್‌ಗ್ ಕಾಕಜಿಡ್ ದೋಣಿ ಮಲ್ ದ್ ಪಾಡ್ದ್ ಐತ ಬೆರಿಟ್ ಬಲಿಪುನ ಗೊಬ್ಬು.

•ಬಾಲೆಲೆನ್ ಬೆರಿಟ್ ಕುಲ್ಲಾದ್. ಉಪ್ಪು ಬೋಡ ಉಪ್ಪುಂದು ಇಲ್ಲದಡ ಕೇನಗ ಕೆಲೆವೆರ್ ಬೋಡು ಪನ್ನಗ.. ತಿರ್ಗ್ದ್ ಪುರ್ಕ ಪುರ್ಕ್ ಪನ್ನಗ ಬಾಲೆನ್ ಕಿಟಿ- ಕಿಟ ತೆಲಿಪಾವುನ ಗೊಬ್ಬು,

•ಎಲ್ಯ ಗಾಲಿಪಟ ಮಸ್ತ್ ಬಲ್ಲ್ ಕಟ್ಟ್ ದ್ ಕೊರ್ನಗ ಬಾಲೆಲು ಅವೆನ್ ರಾಪಾವೊಂದು ಕಲ್ಕೊಂದು ಕುಸಿಟ್ ಬಲಿಪುನ ಗೊಬ್ಬು,

•ಕೊರ್‌ಂದ್ ಕಡ್ಡಿದ ಕೊಡಿಕ್ ಕಾಕಜಿ ಅತ್ತಡ ಕುಂಟುದ ಚೂರುನು ಕಟ್ಟ್ದ್ಅಂಚಿ- ಇಂಚಿ ನಲಿಪಾನಗ ಪುರುಬಾಲೆ ಕುಸಿಟ್ ತಾಟಿ ಬೊಟ್ಟುದು ತೆಲಿಪಾವುನ ಗೊಬ್ಬು.

•ಕೆರೆ-ದಡ ಗೊಬ್ಬುಡು ಬಾಲೆಲೆನ್ ಮುಟ್ಟುಡ್ ಸಾಲ್‌ಡ್ ಉಂತಾವೊಡು, ಕೆರೆ ಪನ್ನಗ ತಿರ್ತ್ ಪಾರೊಡು, ದಡ ಪನ್ನಗ ಮಿತ್ತ್ ಉಂತೊಡು. ಈ ಗೊಬ್ಬುಲ ಬಾಲೆಲೆಗ್ ಭಾರಿ ಕುಸಿ ಕನಪಿನಂಚಿತನವು.

•ಒರಿಯಡ ಒಂಜಿ ಅಂಗೈಡ್ ಕಲ್ಲ್, ಮಣಿ ಇಂಚ ದಾದಾಂಡಲ ಕೊರೊಡು. ಬೊಕ್ಕದ ಅಕುಲು ಪುಂಡಿಲೆನ್ ಒಂಜೆತ್ತ ಮಿತ್ತ್ ಒಂಜಿ ದೀವೊಡು, ಕಲುವೆ ಆತಿನಕ್ಲು ವಾ ಪುಂಡಿಡ್ ಕಲ್ಲುಂಡುಂದ್ ಪನ್ಪುನಂಚಿನ ಗೊಬ್ಬುಡು, ಮಾತಾ ಬಾಲೆಲು ಆಕುಲೆನ ಪುಂಡಿಡಿಪ್ಪುನ ಕಲ್ಲ್ ಗೊತ್ತಾವರೆ ಬಲ್ಲಿಂದ್ ಮಾತೆರೊಟ್ಟುಗು ಕಲ್ಕುನ, ಬುಲಿಪುನ, ತೆಲಿಪುನ, ಪದಪನ್ಪುನ ಇಂಚಿನ ಡೊಂಬರಾಟ ಮಲ್ಪೆರ್.

•ಮಂಗಲೆಕ್ಕ ಲಾಗಪಾಡುನ್, ಕಪ್ಪೆದ ಲೆಕ್ಕ ಲಯ್ಪುನ್, ಪಕ್ಕಿ ಪಾರುನ್, ಆನೆ-ಕುದ್ರೆ ಇಂಚಿನ ಗೊಬ್ಬುಲೆನ್ ಗೊಬ್ಬುವೆರ್

•ಅಜ್ಜ ಅತ್ತಡ ಅಜ್ಜಿ ಪುಲ್ಲಿ ಸೇರ್ದ್ ಗಾನಾದ ಲೆಕ್ಕ ತಿರ್ಗುನ ಗೊಬ್ಬು,

•ಎರು ಅತ್ತಡ ಪೆತ್ತ ಆನಗ ಬಾಲೆಲು ಕೋಲು ಪತ್ತ ಹೈ ಹೈ ಹೈ ಪನೊಂದು ಗೊಬ್ಬುವೆರ್. ಪೊಯ್ಯೆಡ್, ಅತ್ತಡ ಮಣ್ಣ್ ಡ್, ಗುವೆಲ್ದ ಲೆಕ್ಕ ಗುರಿ ತೋಡುನು, ಅತ್ತಡ ಕಾರ್ದ ಮಿತ್ ಪೊಯ್ಯೆ ಮಣ್ನ್ ಒಯ್ತೊಂದು ಗೋಪುರ ಮಲ್ಪುನು ಇಂಚಿನ ಗೊಬ್ಬುಲುಂಡು. ಕೈ ಬುಡ್ಪಾದ್ ಗಿರ ಗಿರ ತಿರ್ಗುನ, ಪಕ್ಕ ಪಕ್ಕ ಪರ್ಪುನ, ತಿನ್ಪುನಲ ಗೊಬ್ಬುಲುಂಡು. ಪಕ್ಕ ಪಕ್ಕ ಕನ್ ಬುಡ್ಪಾದ್ ಮುಚ್ಚುನ ಗೊಬ್ಬುಂಡು. ಅಜ್ಜಿನ

108