ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಉಪ್ಪುಂಡು. ಎಲ್ಲೆದ ಕನತ ಮುದೆಲ್ ಉಂಡು. ಇಲ್ಲದುಲಾಯಿ ಬಾಲೆಲೆನ್ ಗೊಬ್ಬಾವುನ ಕೆಲವು ಗೊಬ್ಬುಲೆಡ್ ಪದಕುಲ್ಲುಂಡು. ಆ ಪದತುಲಾಯಿದ ಸಾಹಿತ್ಯಡ್ ರಾಗ, ಲಯ, ಪ್ರಾಸ, ಅಲಂಕಾರ, ಉಪಮೆ ಇಂಚಿನ ಮಾತಾ ಪೇರ್ದ ಮಾಲ್ ದಲೆಕ್ಕ ಮಂದಡುಂಡು. ಈ ಪದಡ್ದ್ ಎಲ್ಯ ಬಾಲೆಲು ಐತ ಸಬ್ದೊನ್ ಸ್ಪಷ್ಟವಾದ್ ಪನರೆಗ್ ಪ್ರಯತ್ನ ಬರ್ಪ, ಐತ ಅರ್ಥ. ದಾದ? ಗುರ್ತ ದಾದಾಂದ್ ಗ್ಯಾನ ಕೊರ್ಪ.
ಇನಿತ ದಿನೊಕು ಜೋಕ್ಲಾಟಿಕೆದ ಪದೊಕ್ಲು, ಗೊಬ್ಬುಲು, ಮಾತಾ ಕಣ್ಮದೆ ಆವೊಂದುಂಡು. ಪನರೆಗ್ ಇಲ್ಲದಾಗ್ಲೆಗ್ ಪುರುಸೋತಿಜ್ಜಿ. ಕೇನರೆಗ್ಲ ಜೋಕೆಗ್ ಅಂಗಲಾಪಿಜ್ಜಿ. ಉಂದು ಜಿಂಜ ಬೇನೆ ಕೊರ್ಪುನಂಚಿನ ಸಂಗತಿ. ಜನಪದರೆನ ಗೊಬ್ಬಾವಡ್, ಸಾಹಿತ್ಯ ಆವಡ್ ಮೈ-ಮನಸ್ಸನ್ ಒರ್ಮಲಾ ಅರ್ಲಾವುಂಡು. ಒರ್ತೊರ್ಮೆ ಬೊಕ್ಕ ಮಲ್ಲಾತಿಕದ ಹೃದಯದ ಕಲು ಕಪಟದಾಂತಿನ ಅರ್ಥನ್ ಅದಗದ ವಿವರನೆದ ತಿರ್ಲನ್ ನೆಗೆತ್ದ್ ತೋಜಾವುಂಡು.
ಜನಮಾನಿಗ್ ಬಡವುಗು ಹಾರ ಎಂಚನ? ಅಂಚನೆ ಮನಸ್ಸದ ಉಲ್ಲಾಸೊಗು ಗೊಬ್ಬುಲಾ ಆತೇ ಮುಖ್ಯವಾತಿನವು. ಅಂಚಾದ್ ಗೊಬ್ಬು ಪನ್ಪುನವು ಇನಿ ಕೋಡೆದತ್ತ್. ಜನಮಾನಿ ಪುಟ್ಟುನಗನೇ . . ಆಯೆನ ಚರ್ಯೆಲೆಡ್ ಗೊಬ್ಬಾಟಿಕದ ಗುರ್ತನ್ ಅರ್ಥ ಮಲ್ತೊನೊಲಿ. ನಮ್ಮ ನಾಡ್ದ ಪೌರಾಣಿಕ ಅತ್ತಡ ಪಾಡ್ಡನ ಪ್ರಸಂಗೊಲೆಡ್, ಅಜ್ಜಿ ಕತೆಕ್ಲಡ್, ಗಾದೆಡ್, ಎದುರುಕತೆಡ್ ಬಾಲೆಲೆನ ಗೊಬ್ಬುದ ಪ್ರಸಂಗದ ಗುರ್ತನ್ ನಮ ತೆರಿಯೊನೊಲಿ. ಕೆಲವು ಗೊಬ್ಬುಲೆನ್ ದೇಶದ ಮೂಲೆ ಮೂಲೆಡ್ ಗೊಬ್ಬುಂಡಲಾ ಪ್ರಾದೇಶಿಕವಾದ್ ಅಲ್ಪ ಸಂಸ್ಕೃತಿಗ್ ಮುಟ್ಟ ಆದ್, ಬೇತೆನೇ ನಮುನೆದ ಗೊಬ್ಬುದಲೆಕ್ಕ ತೋಜುಂಡು. ಮುಲ್ಪ ಎನ್ನ ವಿಷಯೊಗು ಸಂಬಂಧಪಟ್ಟಿನ ಬಾಲೆದ ಗೊಬ್ಬುಲೆನ್ ಗುರ್ತ ಮಲ್ಪರೆಗ್ ಪ್ರಯತ್ನ ಮಲ್ತ್ದೆ.
ಬಾಲೆಲು ಪನ್ನಗ, ಮುಟ್ಟಿಲ್ಡ್ ಕುಲ್ಲದ್ ಗೊಬ್ಬಾವುನ ಗೊಬ್ಬುಲು, ಬೊಕ್ಕ ಪಿಟಿ- ಪಿಟಿ ಬಲಿಪುನಗ ಇಲ್ಲದುಲಾಯಿ ಗೊಬ್ಬಾವುನ ಗೊಬ್ಬುಲುಂದ್ ಬೇತೆ-ಬೇತೆ ವರ್ಗಿಕರಣ ಮಲ್ತದೆ.
ಬಾಲೆಲೆಗ್ ಐನ್ ವರ್ಸ ಆಯಿಬೊಕ್ಕ ಅಕ್ಲು ಮಲ್ಲಕ್ಲೆನೊಟ್ಟುಗು ಪಿದಾಯಿ (ಹೊರಾಂಗಣ) ಪೋದು ಗೊಬ್ಬುವೆರ್.ಮುಟ್ಟೆಳ್ಡ್ ಬುಲೆವುನ ಬಾಲೆಲೆನ್ ಹೆಚ್ಚಾದ್ ಅಪ್ಪೆ- ಅಮ್ಮ, ಅಜ್ಜ-ಅಜ್ಜಿ, ಇಲ್ಲದಕ್ಲು ಗೊಬ್ಬಾವೆರ್. ಇಲ್ಲದುಲಾಯಿ ಗೊಬ್ಬುನ ಗೊಬ್ಬುಲೆಡ್ ಬಾಲೆಲೆಗ್ ಪಂಡ್ಕೊರ್ಪಿನ ಕೆಲವು ಗೊಬ್ಬುಲೆನ ಪದಲಾ ಉಂಡು.ಈ ಪದಕ್ಲು ಪ್ರಶ್ನೋತ್ತರ ಅತ್ತಡ ಮುರ್ಗ ಪಕ್ಕಿಲೆನ ಗುರ್ತ-ಅರ್ಥ ಮಲ್ಪುನಂಚಿನ ಈ ಪದಕ್ಲು ಉದ್ದಾವೊಂದು ಪೋಯಿಲೆಕ್ಕನೆ ಗೊಬ್ಬುನು ಜಿಂಜ ಪೊರ್ತು ಗೊಬ್ಬೊಲಿ. ಚೆಂಡ್, ಕೋಲು, ಕಂಬ,
106
