ತುಳು ಜಾನಪದ ಸಂಸ್ಕೃತಿಡ್ ಪ್ರರುಬಾಲೆ
ನುಂಗಾದ್ ಪೊಡಿ ಮಲ್ತ್ದ್ ಉರ್ಕುಡು ಮಂತ್ರವಾದಿಲು ಜಿಂಜಾದ್ ಬಾಲೆದ ಕಕ್ಕಿಲ್ಗ್ ಕಟ್ಟ್ಂಡ ಭೂತ- ಪ್ರೇತ-ಕುಲೆತ ಬಾಧೆ ಬರ್ಪುಜ್ಜಿಗೆ. ಈ ಕ್ರಮನ್ ಮಸನಡ್ ರಾತ್ರೆದ ಪೊರ್ತು (ಅಮಾಸೆ, ಐತಾರ) ಮಲ್ತ್ ಕೊರೊಂದಿತ್ತೆರ್ಗೆ.
ದೇವರೆನ ತೀರ್ಥ ತಲಿಪಾವೆರ್, ಹೋಮದ ಭಸ್ಮನ್ ದೇವೆರೆನ ಗಂಧಪುರುಸಾದನ್ ಮುಂಡಗ್ ಮುಟ್ಟಾವೆರ್, ಗೆರಚಾರ ದೋಷರ್ ಶಾಂತಿದ ಹೋಮ ಮಲ್ಪಾವೆರ್.
2. ಆಚಾರಿ, ಮೂಲ್ಯ, ಮಡ್ಯಲೆ, ಭಂಡಾರಿ, ಓಡಾರಿ, ದೇವಾಡಿಗರ್ ಇಂಚ ಏಲ್ ವರ್ಗದಕ್ಲೆನ ದಿಕ್ಕೆಲ್ದ ಬೊನ್ಯನ್ ಕನತದ್ ಐಕ್ ರಂಗೋಲಿ ಪುಡಿ ಬೊರ್ಕಲ್ದ ಪುಡಿನ್ ಬೆರಕಾದ್ ಬಾಲೆನ್ ಪಾಲೆಡ್ ಜಪಡಾದ್ ಸುತ್ತ ಬೆರಕೆ ಮಲ್ತಿನ ಪುಡಿಟ್ ಮಂಡಲ ಪಾಡ್ದ್.. ಪೂಜೆ ಮಲ್ತ್ದ್ ಸುಗಿತೊಂಡ ಆ ಬಾಲೆಗ್ ದಾದೆತಲ ಉಪದ್ರ ಬರ್ಪುಜ್ಜಿಗೆ.
3. ಅಂಚನೆ ಬಾಲೆಗ್ ಪಿಲಿತ ಉಗುರು ಬೊಕ್ಕ ಐತ ಕೂಲಿದ ಪದಕ, ಆನೆ ಬೀಲದ ಚವರಿ (ರೋಮದ) ಕಾಜಿ, ಬಣ್ಣ ಬಣ್ಣದ ಮಲ್ಲ ಮಲ್ಲ ಮನಿತ ಸರ, ಪಂಚ ಲೋಹದ ಕಡಗ, ಕರ್ಬದ ಕಾಜಿ, ಕುದುರೆಲಾಳಡ್ದ್ ಮಲ್ತಿನ, ಖಂಡ ದಪ್ಪುನ ಪನೊರಿಮುನೆತ ಕಾಜಿ-ಉಂಗಿಲ ಮಲ್ತ್ ಪಾಡ್ಂಡ ದಿಟ್ಟಿ ಬೂರಂದ್ಗೆ. ಶನಿನ ಗೆರಚಾರ ದೋಷ, ದುಷ್ಟ ಶಕ್ತಿಲೆನ ಉಪದ್ರ ಬರಂದ್ ಗೆ.
ಬಾಲೆದ ಕೆಬಿತ್ ರಸಿ ಬರೊಂದಿತ್ತಂಡ ಕೆಬಿತುಲಾಯಿ ಅರನೆದ ಬೀಲ ಡ್ ಕೆಬಿತುಲಾಯಿ ಬುಡ್ಡು ಗರ-ಗರ ತಿರ್ಗಾಂಡ ಗುನ ಅಪುಂಡುಗೆ
ನಿದಿರೆದಾಂತೆ ಬುಲಿಪುನ ಬಾಲೆಗ್ ಐನ್ ಎಕ್ಕಂಬರೆ ಇರೆಡ್ ದೊನ್ನೆದ ಲೆಕ್ಕ ಕುತ್ತುದ್ ಅವ್ ತಿನ್ಪುನ ಬಡವು ಅತ್ತಡ ನುಪ್ಪುನು ಕುಂಕುಮ ಮಂಜಲ್ ಪಾಡ್ದ್ ಐನ್ ಬಗೆತ ಪುರ್ಪಡ್ ಪೂಜೆ ಮಲ್ತ್ದ್ ಬಾಲೆಗ್ ತೊರತ್ದ್ ಮೂಜಿ ದಿಕ್ಕಗ್ ತೋಜಾದ್ ಮೂಜಿ ತಾದಿ ಸೇರುನಲ್ಪ ದೀದ್ ಪಿರ ತೂವಂದೆ ಬತ್ತ್ಂಡ ಬಾಲೆದ ಛದಿಕ್ ಪಿರಿಕಟ್ಟ್ ಆಪುಂಡ್ಗೆ.
ಬಾಲೆ ಪೋಡಿದ್ ಕಿರ್ಕಟ್ಟಿದ್ ಬುಲಿತೊಂದಿತ್ತಂಡ.. ಊರ್ದ ಬಲ್ಮೆದ ಭಟ್ರೆ, ಕೈತಲ್ ಪೋದು ಭಸ್ಮನ್ ಮಂತ್ರಿದ್ ಕನತ್ದ್ ಬಾಲೆದ ಮುಂಡಗ್ ಮುಟ್ಟಾವರ್. ತಾಳೆದ ಗರಿಟ್ ಮಂತ್ರ ಬರೆಪಾದ್, ಸುಂದ್ದ್ ಪಟ್ಟೆನೂಲುಡು ಕೆಕ್ಕಿಲ್ ಗ್ ಕಟ್ಟಾವೆರ್, ಅಮಾಸೆಗ್ ಬದಲ್ ಮಲ್ಪೊಡುಗೆ.
ಮಂತ್ರೋಡು ಗಂಟೆ ಪಾಡ್ದಿನ ಕರಿಯ ಪಟ್ಟೆನೂಲುನು ತಗಡ್ಡ್ ಮಂತ್ರಿದ್, ಉರ್ಕುಗು ಪಾಡ್ದ್ ಬಾಲೆದ ಸೊಂಟಗ್, ಕೈಕ್, ಕೆಕ್ಕಿಲ್ಗ್ ಕಟ್ಟಾವೆರ್.
•ಬಾಲೆದ ಜರ ಬುಡಂದೆ ಪೋಂಡ ಇಲ್ಲದ ಕೋರಿನ್ ತೊರತ್ದ್ ದೈವಲೆಗ್ ಬುಡ್ಪೆರ್. ಬಾಲೆಗ್ ತೊರತಿನ ನುಪ್ಪುನು ಕೊರಗೆರೆಗ್ ಕೊರ್ಪೆರ್, ಕಕ್ಕೆಗ್ ಪಾಡ್ವೆರ್.
102
